________________
पण्णवणासुस्तं २१. ओगाहणसंठाणे २२. किरिया २३. कम्मे “ति यावरे"। २४. कम्मरस बंधए २५. कम्मवेदए २६. वेदस्स बंधए २७. वेयवेयए ।।६।। २८. आहारे २६. उवओगे ३०. पासणया ३१. सण्णि' ३२. संज मे चेव ।
३३. ओही ३४. पवियारण ३५. वैयणा य ३६. तत्तो समुग्घाए ।।७।। उक्खेव-पदं
से कि तं पण्णवणा? पण्णवणा दुविहा पण्णत्ता, तं जहा--जीवपण्णवणा य अजीवपण्णवणा य !! अजीवपण्णवणा-पदं
२. से कि तं अजीवपण्णवणा ? अजीवपण्णवणा दुविहा पण्णता, तं जहा-रूविअजीवपण्णवणा य अरूविअजीवपण्णवणा य॥
३. से किं तं अरूविअजीवपण्णवणा ? अरूविअजीवपण्णवणा दस विहा पण्णत्ता, तं जहा-धम्मत्थिकाए धम्मत्थिकायस्स देसे धम्मत्थिकायस्स पदेसा, अधम्मत्थिकाए अधम्मत्थिकायस्स देसे अधम्मत्थिकायस्स पदेसा, आगासस्थिकाए आगासत्थिकायस्स देसे आमासत्थिकायस्स पदेसा, अद्धासमए। सेत्तं अरूविअजीवपण्णवणा ।।
४. से कि तं रूविअजीवपण्णवणा ? रूविअजीवपण्णवणा चउव्विहा पण्णत्ता, तं जहा-खंधा खंधदेसा खंधप्पएसा परमाणुपोग्गला। ते समासतो पंचविहा पण्णता, तं जहा-वण्णपरिणया गंधपरिणया रसपरिणया फासपरिणया संठाणपरिणया। जे वण्णपरिणता ते पंचविहा पण्णत्ता, तं जहा-कालवण्णपरिणता नीलवण्णपरिणता लोहियवण्णपरिणता हालिद्दवण्णपरिणता सुविकलवणपरिणता। जे गंधपरिणता ते दुविहा पण्णत्ता, तं जहा-सुब्भिगंधपरिणता य दुब्भिगंधपरिणता य । जे रसपरिणता ते पंचविहा पण्णत्ता, तं जहा-तित्तरसपरिणता कडुयरसपरिणता कसायरसपरिणता अंविल रसपरिणता महुररसपरिणता। जे फासपरिणता ते अट्ठविहा पण्णत्ता, तं जहा-कक्खडफासपरिणता मउयफासपरिणता' गरुयफासपरिणता लहुयफासपरिणता सीयफासपरिणता उसिणफासपरिणता निद्धफासपरिणता लक्खफासपरिणता। जे संठाणपरिणता ते पंचविहा पण्णत्ता, तं जहा -परिमंडलसंठाणपरिणता वट्टसंठाणपरिणता तंससंठाणपरिणता चउरंससंठाणपरिणता आयतसंठाणपरिणता २५ ॥
५. जे वण्णओ कालवण्णपरिणता ते गंधओ सुब्भिगंधपरिणता वि दुब्भिगंधपरिणता वि, रसओ तित्तरसपरिणता वि कडुयरसपरिणता वि कसायरसपरिणता वि अंबिलरसपरिणता वि महुररसपरिणता वि, फासओ कक्खडफासपरिणता वि मउयफासपरिणता वि गरुयफासपरिणता वि लहुयफासपरिणता वि सीयफासपरिणता वि उसिणफासपरिणता वि १. अवगाहनास्थानं (म)।
३. मउफास (ग), मृदुस्पर्श (मव) । २. इ यावरे (क, ख); इयर (ख) ।
Jain Education International
For Private & Personal Use Only
www.jainelibrary.org
