________________
३५६
पच्चपिज्जा |
९२. से णं भंते! तहासजोगी सिज्झति' 'बुज्झति मुच्चति परिणिव्वाति सव्वदुक्खाणं अंतं करोति ? गोयमा ! णो इणट्ठे समट्ठे । से णं पुव्वामेव सष्णिस्स पंचेंदियस्स पज्जत्तयस्स जहण्णजोगिस्स हेट्ठा असंखेज्जगुणपरिहीणं पढमं मणजोगं णिरुंभइ, तओ अनंतरं च णं बेइंदियस्स पज्जगत्तस्स जहण्णजोगिस्स हेट्ठा असंखेज्जगुणपरिहीणं दोच्च वइजोगं णिरंभति, तओ अनंतरं चणं सुहुमस्स पणगजीवस्स अपज्जत्तयस्स जहण्णजोगिस्स हेट्ठा असंखेज्जगुणपरिहीणं तच्चं कायजोगं णिरंभति । से णं एतेणं उवाएणं पढमं मणजोगं णिरुभइ, णिरंभित्ता वइजोगं णिरंभति, णिरुंभित्ता कायजोगं णिरंभति, णिरुभित्ता जोगणिरोहं करेति, करेत्ता अजोगयं पाउणति, पाउणित्ता ईसीहस्सपंचक्खरुच्चारणद्धाए असंखेज्जसमइयं अंतोमुहुत्तियं सेलेसि पडिवज्जइ, पुव्वरइतगुणसेढीयं च २. तीसे सेलेसिमद्धाए असंलेज्जाहिं गुणसेडीहिं असंखेज्जे कम्मबंधे खवयति, खवइत्ता वेदणिज्जाउय - नाम-गोत्ते इच्चेते चत्तारि कम्मंसे जुगवं खवेति, खवेत्ता ओरालियतेया- कम्मगाई सव्वाहिं विप्पजहणाहि विप्पजहति, विप्पजहित्ता उजुसेढी पडिवणे' अफुसमाणगतीए एगसमएणं अविग्गणं उड्ढ गंता सागा रोवउत्ते सिज्झति ॥
....
गं कम्म
सिद्धसरूव-पदं
६३. ते णं तत्थ सिद्धा भवंति - असरीरा जीवघणा दंसण- णाणोवउत्ता णिट्टियट्टा नीरया णिरेयणा वितिमिरा विसुद्धा सासयणागतद्धं कालं चिट्ठति ॥
६४. से केणट्ठणं भंते ! एवं बुच्चति - ते णं तत्थ सिद्धा भवंति -- असरीरा जीवघणा दंसण णाणोवउत्ता णिट्टियट्ठा णीरया णिरेयणा वितिमिरा विसुद्धा सासतमणागयद्धं कालं चिट्ठति ? गोयमा ! से जहाणामए-बीयाणं अग्गिदड्ढाणं पुणरवि अंकुरुप्पत्ती न हवइ, एवामेव सिद्धाण वि कम्मवीएस दड्ढेसु पुणरवि जम्मुप्पत्ती न हवति । से तेणट्ठेणं गोयमा ! एवं वच्चति - ते णं तत्थ सिद्धा भवंति -- असरीरा जीवघेणा दंसण णाणोउत्ता निट्ठियट्ठा णीरया णिरेयणा वितिमिरा विसुद्धा सासयमणागयद्धं कालं चिट्ठति त्ति ॥ गाहा-
णिच्छिष्णसव्वदुक्खा, जाति-जरा-मरण - बंधणविमुक्का | सासयमव्वाबाहं, चिट्ठेति सुही सुहं पत्ता ॥ १॥
१. सं०पा० २. उज्जु० (क, ख, घ) 1
Jain Education International
ग्रन्थ- परिमाण
कुल अक्षर २,७३,०७८
अनुष्टुप् श्लोक ८, ५३३ अक्षर २३
सिज्झति जाव अंतं ।
पण्णवणासुतं
३. सिज्झति बुज्झति (क, ख, ग, घ, पु) वृत्तिकृद्भ्यां नैतत्पदं व्याख्यातम् ।
For Private & Personal Use Only
www.jainelibrary.org
