Page Text
________________
३५४
पण्णवणासुतं
केवलिसमुग्घाय-पदं
७६. अणगारस्स णं भंते ! भावियप्पणो केवलिसमुग्घाएणं समोहयस्स जे चरिमा णिज्जरापोग्गला सुहुमा णं ते पोग्गला पण्णत्ता समणाउसो ! सव्वलोगं पि य णं ते फुसित्ता णं चिट्ठति ? हंता गोयमा ! अणगारस्स भावियप्पणो केवलिमुग्घाएणं समोहयस्स जे चरिमा णिज्जरापोग्गला सुहमा णं ते पोग्गला पणत्ता समणाउसो! सव्वलोगं पि य णं ते फुसित्ता गं चिट्ठति ।।
८०. छउमत्थे णं भंते ! मणूसे तेसि णिज्जरापोग्गलाणं किंचि वणेणं वण्णं गंधणं गंधं रसेणं रसं फासेण वाफासं जाणति पासति ? गोयमा ! णो इणटठे समझें।
८१. से केणट्टेणं भंते ! एवं वच्चति-छउमत्थे णं मणसे तेसि णिज्जरापोग्गलाणं णो किंचि वि वण्णेणं वण्णं गंधेणं गधं रसेणं रसं फासेण वा फासं जाणति पासति ? गोयमा ! अयण्णं जंबुद्दीवे दीवे सव्वदीव-समुद्दाणं सव्वभंतराए सव्वखुड्डाए, वट्टे तेल्लापूयसंाणसंठिए, बट्टे रहचक्कवालसंठाणसंठिए, वट्टे पुक्खरकणियासंठाणसंठिए, वट्टे पडिपुण्णचंदसंठाणसंठिए, एग जोयणसयसहस्सं आयाम-विक्खंभेणं, तिष्णि य जोयणसयसहस्साइं सोलस य सहस्साई दोग्णि य सत्तावीसे जोयणसते तिणि य कोसे अट्टावीसं च धणुसतं तेरस य अंगुलाई अद्धंगुलं च किंचि विसेसाहिए परिक्खेवेणं पण्णत्ते ! देवे णं महिड्ढीए' 'महज्जुतीए महायसे महब्बले महाणुभागे° महासोक्खे एगं महं सविलेवणं गंधसमुग्गयं गहाय तं अवदालेति, तं महं एग सविलेवणं गंधसमुग्गयं अवदालेत्ता इणामेव कटु केवलकप्पं जंबुद्दीवं दीवं तिहिं अच्छराणिवातेहिं तिसत्तखुत्तो अणुपरियट्टित्ताणं हव्वमागच्छेज्जा, से णणं गोयमा ! से केवलकप्पे जंबुद्दीवे दीवे तेहिं घाणपोग्गलेहिं फुडे ? हंता फुडे । छउमत्थे णं गोयमा ! मणसे तेसिं घाणपोग्गलाणं किंचि वण्णेणं वणं गंधेणं गंध रसेणं रसं फासेणं फासं जाणति पासति ? भगवं! णो इणठे समठे। से तेणठेणं गोयमा ! एवं उच्चति-छउमत्थे णं मणसे तेसिं णिज्जरापोग्गलाणं णो किंचि वण्णेणं वणं गंधेणं गंधं रसेणं रसं फासेणं फासं जाणति पासति । एसुहमा णं ते पोग्गला पण्णत्ता समणाउसो ! सवलोग पि य णं फुसित्ता णं चिट्ठेति ॥
८२. कम्हा णं भंते ! केवली समुग्धायं गच्छति ? गोयमा ! केवलिस्स चत्तारि कम्मंसा अक्खीणा अवेदिया अणिज्जिण्णा भवंति, तं जहा-वेयणिज्जे आउए णामे गोए । सव्वबहुप्पएसे से वेदणिज्जे कम्मे भवति, सव्वत्थोवे से आउए कम्मे भवति । गाहा
विसमं समं करेति, बंधणेहि ठितीहि य ।
विसमसमीकरणयाए, बंधणेहिं ठितीहि य ॥१॥ एवं खलु केवली समोहण्णति, एवं खलु समुग्घायं गच्छति ॥
८३. सव्वे वि णं भंते ! केवली समोहणंति? सव्वे वि णं भंते ! केवली समुग्घायं गच्छंति ? गोयमा ! णो इणठे समझें ।। १. सं०पा०—महिड्डीए जाव महासोक्खे। महिड्डिए २. महासुक्खे (ख); महेसक्खे, महासक्खे (क,घ) महड्डीए (ख)।
(मवृपा)।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |