Page Text
________________
૨૬
षण्णवणासुसँ
१५. रइयाणं भंते! केवतिया केवलिसमुग्धाया अतीता ? गोयमा ! णत्थि । केवतिया पुरेक्खडा ? गोयमा ! असंखेज्जा । एवं जाव वेमाणियाणं, णवरं ---वण फइकाइय- मणूसेसु इमं णाणत्तं---
१६. वण फइकाइयाणं भंते! केवतिया केवलिसमुग्धाया अतीता ? गोयमा ! णत्थि । केवतिया पुरेक्खडा ? गोयमा ! अणंता ॥
१७. मणूसाणं भंते ! केवतिया केवलिसमुग्धाया अतीता ? गोयमा ! सिय अि सित्थि । जदि अत्थि जहणेणं एक्को वा दो वा तिष्णि वा, उक्कोसेणं सतपुहत्तं । केवतिया पुरेक्खडा ? गोयमा ! सिय संखेज्जा सिय असंखेज्जा ।। तन्भाव एव एगत्तेणं अतीताइसमुग्धाय-पदं
१८ एगमेगस्स णं भंते! गेरइयस्स णेरइयत्ते केवतिया वेदणासमुग्धाया अतीता ? गोयमा ! अनंता । केवतिया पुरेक्खडा ? गोयमा ! कस्सइ अत्थि कस्सइ णत्थि । जस्सत्थि जहणेणं एक्को वा दो वा तिष्णि वा उक्कोसेणं संखेज्जा वा असंखेज्जा वा अनंता वा । एवं असुरकुमारते जाव वेमाणियते ॥
१६. एगमेगस्स णं भंते! असुरकुमारस्स णेरइयत्ते केवतिया वेदणासमुग्धाया अतीता ? गोयमा ! अनंता । केवतिया पुरेक्खडा ? गोयमा ! कस्सइ अत्थि कस्सइ णत्थि । जस्सत्थि तस्स सिय संखेज्जा सिय असंखंज्जा सिय अनंता ॥
२०. एगमेगस्स णं भंते! असुरकुमारस्स असुरकुमारते केवतिया वेदणासमुग्धाया अतीता ? गोयमा ! अनंता । केवतिया पुरेक्खडा ? गोयमा ! कस्सइ अत्थि कस्सइ णत्थि । जस्सत्थि जहण्णेणं एक्को वा दो वा तिष्णि वा, उक्कोसेणं संखेज्जा या असंखेज्जा वा अनंता वा । एवं नागकुमारते वि जाव वैमाणियत्ते । एवं जहा वेदणासमुग्धा एवं असुरकुमारेणेरइयादिवेमाणियपज्जवसाणेसु भणिए तहा नागकुमारादीया अवसेसेसु सट्टा - परट्ठाणेसु भाणियव्वा जाव वेमाणियस्स वेमाणियत्ते । एवमेते चउव्वीसं चउव्वीसा दंडगा भवंति ॥
२१. एगमेगस्स णं भंते ! णेरइयस्स गेरइयत्ते केवतिया कसायसमुग्धाया अतीता ? गोयमा ! अनंता । केवतिया पुरेक्खडा ? गोयमा ! कस्सइ अस्थि कस्सइ णत्थि । जस्सत्थि एगुत्तरिया जाव अनंता ||
२२. एगमेगस्स णं भंते! नेरइयस्स असुरकुमारते केवतिया कसायसमुग्धाया अतीता ? गोयमा ! अनंता । केवतिया पुरेक्खडा ? गोयमा ! कस्सइ अत्थि कस्सइ त्थि । जस्सत्थि सिय संखेज्जा सिय असंखेज्जा सिय अनंता । एवं जाव णेरइयस्स कुमारते । पुढविकाइयत्ते एगुत्तरियाए णेयव्वं, एवं जाव मणूसत्ते । वाणमंतरत्ते जहा असुरकुमारते । जोतिसियत्ते अतीता अणंता, पुरेक्खडा कस्सइ अत्थि कस्सइ णत्थि । जस्सत्थि सिय असंखेज्जा सिय अनंता । एवं वेमाणियत्ते वि सिय असंखेज्जा सिय अनंता ॥
२३. असुरकुमारस्स णेरइयत्ते अतीता अनंता । पुरेक्खडा कस्सइ अत्थि कस्सइ पत्थि । जस्सत्थि सिय संखेज्जा सिय असंखेज्जा सिय अनंता ॥
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |