________________
छत्तीसइमं समुग्धायपयं
गाहा
१ वेयण २ कसाय ३ मरणे, ४ वेउव्विय ५ तेयए य ६ आहारे।
७ केवलिए' चेव भवे, जीव-मणुस्साण सत्तेव ।। समुग्घायभेय-पदं
१. कति णं भंते ! समुग्घाया पण्णत्ता ? गोयमा! सत्त समुग्धाया पण्णत्ता, तं जहा- वेदणासमुग्घाए कसायसमुग्याए मारणंतियसमुग्घाए वेउव्वियसमुग्घाए तेयासमुग्घाए आहारगसमुग्धाए' केवलिसमुग्घाए । समुग्घायकाल-पदं
२. वेदणासमुग्घाए णं भंते ! कतिसमइए पण्णत्ते ? गोयमा ! असंखेज्जसमइए अंतोमुहुत्तिए पण्णत्ते । एवं जाव आहारगसमुग्धाए ।
३. केवलिसमुग्धाए णं भंते ! कतिसमइए पण्णत्ते ? गोयमा ! अट्ठसमइए पण्णत्ते ।। समुग्घायसामित्त-पदं
४. जेरइयाणं भंते ! कति समुग्धाया पण्णत्ता ? गोयमा ! चत्तारि समुग्घाया पण्णत्ता, तं जहा-वेदणासमुग्घाए कसायसमुग्घाए मारणंतियसमुग्धाए वेउब्वियसमुग्धाए ।
५. असुरकुमाराणं भंते ! कति समुग्घाया पण्णत्ता ? गोयमा ! पंच समुग्धाया पण्णत्ता, तं जहा-वेदणासमुग्घाए कसायसमुग्घाए मारणंतियसमुग्घाए वेउब्वियसमुग्घाए तेयास मुग्घाए । एवं जाव थणियकुमाराणं ।।
६. पुढविक्काइयाणं भंते ! कति समुग्घाया पण्णता ? गोयमा ! तिण्णि समुग्घाया पण्णत्ता, तं जहा-वेदणासमुग्धाए कसायसमुग्घाए मारणंतियसमुग्घाए। एवं जाव चउरिदियाणं, णवरं-वाउक्काइयाणं चत्तारि समुग्घाया पण्णत्ता, तं जहा- वेदणासमुग्घाए कसायसमुग्धाए मारणंतियसमुग्घाए वेउव्वियसमुग्घाए ।
७. पंचेंदियतिरिक्खजोणियाणं जाव वेमाणियाणं भंते ! कति समुग्घाया पण्णत्ता ?
१. केवलए {क,ग)।
२. आहारसमु° (क,ख,घ)।
Jain Education International
For Private & Personal Use Only
www.jainelibrary.org
