________________
तेत्तीसइमं ओहिपयं
गाहा
१ भेद २ विसय ३ संठाणे, ४ अभितर-बाहिरे य ५ देसोही।
६ ओहिस्स य खय-बुड्डी, ७ पडिवाई चेवऽपडिवाई॥१॥ ओहिमेय-पदं
१. कतिविहा णं भंते ! ओही पण्णत्ता ? गोयमा ! दुविहा ओही पण्णत्ता, तं जहा--भवपच्चइया य खओवसमिया य । दोण्हं भवपच्चइया, तं जहा-देवाण य णेरइयाण य । दोण्हं खओवसमिया, तं जहा-मणूसाणं पंचेंदियतिरिक्खजोणियाण य ।। ओहिविसय-पदं
२. णेरइया णं भंते ! केवतियं खेत्तं ओहिणा जाणंति पासंति ? गोयमा ! जहणेणं अद्धगाउयं, उक्कोसेणं चत्तारि गाउयाई ओहिणा जाणंति पासंति ।।
३. रयणप्पभापुढविणेरइया णं भंते ! केवतियं खेत्तं ओहिणा जाणंति पासंति ? गोयमा ! जहण्णेणं अट्ठाई गाउयाई, उक्कोसेणं चत्तारि गाउयाई ओहिणा जाणंति पासंति ।।
४. सक्करप्पभापुढविणेरइया जहण्णेणं तिण्णि गाउयाई, उक्कोसेणं अद्धद्वाई गाउयाई ओहिणा जाणंति पासंति ।।
५. वालुयप्पभापुढविणेरइया जहण्णेणं अड्डाइज्जाइं गाउयाई, उक्कोसेणं तिण्णि गाउयाइं ओहिणा जाणंति पासंति ।।
६. पंकप्पभापुढविणेरइया जहण्णणं दोण्णि गाउयाइं, उक्कोसेणं अड्डाइज्जाई गाउयाई ओहिणा जाणंति पासंति ॥
७. धूमप्पभापुढविणेरइयाणं पुच्छा । गोयमा ! जहण्णेणं दिवड्ढं गाउयं, उक्कोसेणं दो गाउयाई ओहिणा जाणंति पासंति ॥
८. तमापुढवीए पुच्छा। गोयमा ! जहण्णेणं गाउयं, उक्कोसेणं दिवड्ढं गाउयं ओहिणा जाणंति पासंति ॥
६. अहेसत्तमाए पुच्छा । गोयमा ! जहण्णेणं अद्धगाउयं, उक्कोसेणं गाउयं ओहिणा
१. अपडिवादी (क,घ) ; अपडिबाई (ख,ग)।
३३२
Jain Education International
For Private & Personal Use Only
www.jainelibrary.org
