________________
एगणतीसइमं उवओगपयं
१. कतिविहे णं भंते ! उवओगे पण्णत्ते ? गोयमा ! दुविहे उवओगे पण्णत्ते, तं जहा--सागारोवओगे य अणागारोवओगे य ॥
२. सागारोवओगे णं भंते ! कति विहे पण्णते? गोयमा ! अट्टविहे पण्णत्ते, तं जहा-आभिणिबोहियणाणसागरोवओगे सुयणाणसागारोवओगे ओहिणाणसागारोवओगे मणपज्जवणाणसागा रोवओगे' केवलणाणसागारोवओगे मतिअण्णाणसागारोवओगे सुयअण्णाणसागारोवओगे विभंगणाणसागारोवओगे।।
३. अणागारोवओगे णं भंते ! कतिविहे पण्णत्ते ? गोयमा ! चउविहे पण्णत्ते, तं जहा-चक्खुदंसणअणागारोवओगे अचक्खुदंसणअणागारोवओगे ओहिदसणअणागारोवओगे केवलदसणअणागारोवओगे।
४. एवं जीवाणं पि।
५. णेरइयाणं भंते ! कतिविहे उवओगे पण्णते ? गोयमा ! दुविहे उवओगे पण्णत्ते, तं जहा--सागारोवओगे य अणागारोवओगे य॥
६. जेरइयाणं भंते ! सागारोवओगे कतिविहे पण्णत्ते ? गोयमा ! छविहे पण्णत्ते, तं जहा--मतिणाणसागारोवओगे सुयणाणसागारोवओगे ओहिणाणसागारोवओगे मतिअण्णाणसागारोवओगे सुयअण्णाणसामारोवओगे विभंगणाणसागारोवओगे।।
७. णेरइयाणं भंते ! अणागारोवओगे कतिविहे पण्णत्ते ? गोयमा ! तिविहे पण्णत्ते, तं जहा-चक्खुदंसणअणागारोवओगे अचक्खुदंसणअणागारोवओगे ओहिदसणअणागारोवओगे । एवं जाव थणियकुमाराणं ॥
८. पुढविक्काइयाणं पुच्छा । गोयमा ! दुविहे उवओगे पण्णत्ते, तं जहा-सागारोवओगे य अणागारोवओगे य॥
ह. पुढविक्काइयाणं भंते ! सागारोवओगे कतिविह पण्णते? गोयमा ! दुविहे पण्णत्ते, तं जहा-मतिअण्णाणे सुतअण्णाणे ।। १०. पुढविक्काइयाणं भंते ! अणागारोवओगे कतिविहे पण्णते ? गोयमा ! एगे
प्रणागारोवओगे पण्णत्ते । एवं जाव वणप्फइकाइयाणं ।।
१. मणपज्जय', मणपज्जाय (मवृ)।
२. ४ (क,ख,ग,घ)।
Jain Education International
For Private & Personal Use Only
www.jainelibrary.org
