________________
तेवीस इमं कम्मपगडिपयं
वाससहस्साई अबाहा, अबाहूणिया कम्मठिती-कम्मणिसेगो !!
१७८. सणचउक्कस्स जहा णाणावरणिज्जस्स ।।
१७६. सातावेदणिज्जस्स जहा ओहिया ठिती भणिया तहेव भाणियव्वा इरियावहियबंधयं पडुच्च संपराइयबंधयं च ।।
१८०. असातावेय णिज्जस्स जहा णिद्दापंचगस्स ।।
१८१. सम्मत्तवेदणिज्जस्स सम्मामिच्छत्तवेदणिज्जस्स य जा ओहिया ठिती भणिया तं बंधंति ॥
१८२. मिच्छत्तवेदणिज्जस्स जहण्णेणं अंतोसागरोवमकोडाकोडीओ, उक्कोसेणं सत्तरि सागरोवमकोडाकोडीओ; सत्त य वाससहस्साई अबाहा, अबाहूणिया कम्मठितीकम्मणिसेगो॥
१८३. कसायबारसगस्स जहणणं एवं चेव, उक्कोसेणं चत्तालीसं सागरोवमकोडाकोडीओ; चत्तालीस य वाससयाई अवाहा, अबाहणिया कम्मठिती-कम्मणिसेगो ।।
१८४. कोह-माण-माया-लोभसंजलणाए य दो मासा मासो अद्धमासो अंतोमुत्तो एयं जहण्णगं, उक्कोसगं पुण जहा कसायवारसगस्स ।।
१८५. चउण्ह वि आउयाणं जा ओहिया ठिती भणिया तं बंधंति ।।
१८६. आहारगसरीरस्स तित्थगरणामाए य जहण्णणं अंतोसागरोवमकोडाकोडीओ. उक्कोसेण वि अंतोसागरोवमकोडाकोडीओ बंधंति ।।
१८७. पुरिसवेदस्स जहणणं अट्ठ संवच्छराई, उक्कोसेणं दस सागरोवमकोडाकोडीओ; दस य वाससयाई अवाहा, अबाहूणिया कम्मठिती-कम्मणि सेगो ।
१८८. जसोकित्तिणामाए उच्चागोयस्स य एवं चेव, णवरं -जहण्णेणं अट्ठ मुहुत्ता ॥ १८६. अंतराइयस्स जहा णाणावरणिज्जस्स ॥
१६०. सेसएसु सव्वेसु ठाणेसु संघयणेसु सठाणेसु वण्णेसु गंधेसु य जहण्णेणं अंतोसागरोवमकोडाकोडीओ, उक्कोसेणं जा जस्स ओहिया ठिती भणिया तं बंधति, णवरं इम णाणत्तं-अवाहा अबाहूणिया ण वुच्चति । एवं आणुपुवीए सव्वेसि जाव अंतराइयस्स ताव भाणियव्वं ॥ जहण्णठिइबंधग-पदं
- १६१. णाणावरणिज्जस्स णं भंते ! कम्मस्स जहण्णठितिबंधए के ? गोयमा ! अण्णयरे सुहुमसंपराए-उवसामए वा खवए' वा, एस णं गोयमा ! गाणावरणिज्जस्स कम्मस्स जहण्णाठितिबंधए, तव्व इरित्ते अजहण्णे । एवं एतेणं अभिलावेणं मोहाउयवज्जाणं सेसकम्माणं भाणियव्वं ॥
१६२. मोहणिज्जस्स णं भंते ! कम्मस्स जहणणाठितिबंधए के ? गोयमा ! अण्णयरे बायरसंपराए-उवसामए वा खवए वा, एस णं गोयमा ! मोहणिज्जस्स कम्मस्स जहण्णठितिबंधए, तव्वतिरित्ते अजहण्णे ।।
१६३. आउयस्स णं भंते ! कम्मस्स जहण्णठितिबंधए के ? गोयमा ! जे णं जीवे
१. खवगए (क,ग,घ); खमए (ख)।
Jain Education International
For Private & Personal Use Only
www.jainelibrary.org
