Page Text
________________
तेवीसइम कम्मपगडिपयं
२९६
१५३. जसोकित्ति-उच्चागोयाणं जहण्णणं सागरोवमस्स एगं सत्तभागं पलिओवमस्स असंखेज्जइभागेणं ऊणयं, उक्कोसेणं तं चेव पडिपुण्णं बंधंति ।।
१५४. अंतराइयस्स णं भंते ! पुच्छा । गोयमा ! जहा' णाणावरणिज्जस्स जाव उक्कोसेणं ते चेव पडिपुण्णे बंधंति ।। बेईविएसु कम्मपयडीणं ठिइबंध-पदं
१५५. बेइंदिया णं भंते ! जीवाणाणावरणिज्जस्स कम्मरस कि बंधति ? गोयमा ! जहण्णेणं साग रोवमपणवीसाए तिण्णि सत्तभागा पलिओवमस्स असंखेज्जइभागेणं ऊणया, उक्कोसेणं ते चेव पडिपुण्णे बंधति । एवं णिहापंचगस्स वि ।।
१५६. एवं जहा एगिदियाणं भणियं तहा बेइंदियाण वि भाणियव्वं, णवरं-सागरोवमपणुवीसाए सह भाणियव्वा पलिओवमस्स असंखेज्जइभागेणं ऊणा, सेसं तं चेव, जत्थ एगिदिया ण बंधति तत्थ एते वि ण बंधंति ।।
१५७ बेइंदिया णं भंते ! जीवा मिच्छत्तवेयणिज्जस्स किं बंधति ? गोयमा ! जहण्णणं सागरोवमपणुवीसं पलिओवमस्स असंखिज्जइभागेणं ऊणयं, उक्कोसेणं तं चेव पडिपुण्णं बंधंति ॥
१५८. तिरिक्खजोणियाउअस्स जहण्णेण अंतोमुहुत्तं, उक्कोसेणं पुवकोडि चउहिं वासेहिं अहियं बंधंति । एवं मणुयाउअस्स वि ॥
१५६. सेसं जहा एगिदियाणं जाव अंतराइयस्स ।। तेइंदिएसु कम्मपयडीणं ठिइबंध-पदं
१६०. तेइंदिया णं भंते ! जीवा गाणावरणिज्जस्स कि बंधति ? गोयमा ! जहण्णणं सागरोवमपण्णासाए तिणि सत्तभागा पलिओवमस्स असंखेज्जइभागेणं ऊणया, उक्कोसेणं ते चेव पडिपुण्णे बंधंति । एवं जस्स जइ भागा ते तस्स सागरोवमपण्णासाए सह भाणियव्वा ॥ १६१. तेइंदिया णं भंते !जीवा मिच्छत्तवेयणिज्जस्स कम्मस्स किं बंधंति ? गोयमा !
सागरोवमपण्णासं पलिओवमस्स असंखेज्जइभागेण ऊणयं, उक्कोसेणं तं चेव पडिपुण्णं बंधति ॥
१६२. तिरिक्खजोणियाउअरस जहणेणं अंतोमुहत्तं, उक्कोसेणं पुव्वकोडि सोलसहि राइदिएहिं राइंदियति भागेण य अहियं बंधंति । एवं मणुस्साउयस्स वि ।।
१६३. सेसं जहा बेइंदियाणं जाव अंतराइयस्स ।। चरिदिएसु कम्मपयडीणं ठिइबंध-पदं
१६४. चउरिदिया णं भंते ! जीवा जाणावरणिज्जस्स कि बंधंति ? गोयमा ! जहण्णेणं सागरोवमसयस्स तिणि सत्तभागे पलिओवमस्स असंखेज्जइभागेण ऊणए, उक्कोसेणं ते चेव पडिपुण्णे बंधंति । एवं जस्स जइ भागा ते तस्स सागरोवमसतेण सह भाणियव्वा ।।
१६५. तिरिक्ख जोणियाउअस्स कम्मस्स जहण्णेणं अंतोमुहुत्तं, उक्कोसेणं पुन्वकोडि १. प० २३॥१३४॥
२. पणुवीसा (क,ख,घ)।
.
amrrrr
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |