________________
तेवीसइमं कम्मपगडिपयं
पढमो उद्देसओ
गाहा
कति पगडी ? कह बंधति ? कतिहि व ठाणेहिं बंधए जीवो?
कति वेदेइ य पयडी ? अणुभावो कति विहो कस्स? ॥ १ ॥ कतिपयडि-पदं
१.कति णं भंते ! कम्मपगडीओ पण्णत्ताओ? गोयमा । अट कम्मपगडीओ पण्णत्ताओ, तं जहाणाणावरणिज्जं दसणावरणिज्जं वेदणिज्जं मोहणिज्ज आउयं णाम गोयं अंतराइयं ।
२. णेरइयाणं भंते ! कति कम्मपगडीओ पण्णत्ताओ ? गोयमा ! एवं चेव । एवं जाव वेमाणियाणं ॥ कहबंधति-पदं
३. कण्णं भंते ! जीवे अट्ट कम्मपगडीओ बंधइ ? गोयमा ! णाणावरणिज्जस्स कम्मस्स उदएणं दसणावरणिज्जं कम्मं णियच्छति, दंसणावरणिज्जस्स कम्मस्स उदएणं दसणमोहणिज्ज कम्मं णियच्छति', दंसणमोहणिज्जस्स कम्मस्स उदएणं मिच्छत्तं णियच्छति', 'मिच्छत्तेणं उदिपणेणं" गोयमा! एवं खलु जीवे अट्ट कम्मपगडीओ बंधइ।।
४. कहाणं भंते ! णेरइए अट्ठ कम्मपगडीओ बंधति ? गोयमा ! एवं चेव । एवं जाव वेमाणिए ।
५. कहणं भंते ! जीवा अट्ट कम्मपगडीओ बंधंति ? गोयमा ! एवं चेव । एवं जाव वेमाणिया ॥ कतिठाणबंध-पदं
६. जीवे णं भंते ! णाणावरणिज्जं कम्म कतिहिं ठाणेहिं बंधति ? गोयमा ! दोहिं ठाणेहि, तं जहा–रागेण य दोसेण य । रागे दुविहे पण्णत्ते, तं जहा-माया य लोभे य ।
१. दरिमणावरणिज्ज (पु)। २. निगच्छति (क,ध) । ३. निग्गच्छति (क)।
४. मलयगिरिणा तत एवं मिथ्यात्वोदयेन जीवोष्टी प्रकृतीबंध्नाति' अस्यां व्याख्यायां उदीरणेन नैव व्याख्यातम् ।
२८४
For Private & Personal Use Only
Jain Education International
www.jainelibrary.org
