Page Text
________________
२७८
एवं चेव ॥
५०. जस्स णं भंते! जीवस्स काइया किरिया कज्जइ तस्स पारियावणिया किरिया कज्जइ ? जस्स पारियावणिया किरिया कज्जइ तस्स काइया किरिया कज्जति ? गोयमा ! जस्स णं जीवस्स काइया किरिया कज्जइ तस्स पारियावणिया किरिया सिय कज्जति सिय गो कज्जति, जस्स पुण पारियावणिया किरिया कज्जति तस्स काइया नियमा कज्जति । एवं पाणाइवाय किरिया वि ॥
५१. एवं आदिल्लाओ परोप्परं नियमा तिण्णि कज्जति । जस्स आदिल्लाओ तिष्णि कज्जति तस्स उवरिल्लाओ दोण्णि सिय कज्जति सिय णो कज्जति । जस्स उवरिल्लाओ दोणि कज्जति तस्स आइल्लाओ तिण्णि णियमा कज्जति ॥
५२. जस्स णं भंते! जीवस्स पारियावणिया किरिया कज्जइ तस्स पाणाइवायकिरिया कज्जति ? जस्स पाणाइवायकिरिया कज्जति तस्स पारियावणिया किरिया कज्जति ? गोयमा ! जस्स णं जीवस्स पारियावणिया किरिया कज्जति तस्स पाणाइवायकिरिया सिय कज्जति सिय णो कज्जति, जस्स पुण पाणाइवायकिरिया कज्जति तस्स पारियावणिया किरिया नियमा कज्जति ॥
५३. जस्स णं भंते ! णेरइयस्स काइया किरिया कज्जति तस्स अहिगरणिया किरिया कज्जति ? गोयमा ! जहेब' जीवस्स तहेव णेरइयस्स वि । एवं 'निरंतरं जाव" मणिस्स ||
पण्णवणासुतं
५४. जं 'समयं णं" भंते ! जीवस्स काइया किरिया कज्जति तं समयं अहिगरणिया किरिया कज्जति ? जं समयं अहिगरणिया किरिया कज्जति तं समयं काइया किरिया कज्जति ? एवं जहेव' आइल्लओ दंडओ भणिओ तहेव भाणियव्वो जाव वैमाणियस्स ||
५५. जं 'देसं गं भंते! जीवस्स काइया किरिया कज्जति तं देयं णं अहिगरणिया किरिया कज्जति ? तहेव जाव वेमाणियस्स ॥
५६. जं पएसं गं भंते! जीवस्स काइया किरिया कज्जति तं पएसं अहिगरणिया किरिया कज्जति ? एवं तहेव जाव वेमाणियस्स । एवं एते - जस्स, जं समयं, जं देसं, जं 'पएसं णं" - चत्तारि दंडगा होंति । आओजिय किरिया -पदं
५७. कति णं भंते! आजोजिताओ' किरियाओ पण्णत्ताओ ? गोयमा ! पंच आओजिताओ किरियाओ पण्णत्ताओ, तं जहा -- काइया जाव पाणाइवाय किरिया । एवं रइयाणं जाव वैमाणियाणं ॥
५८. जस्स णं भंते! जीवस्स काइया आओजिया किरिया अत्थि तस्स अहिकरणिया आओजिया fafरया अस्थि ? जस्स अहिगरणिया आओजिया किरिया अत्थि तस्स काइया
१. २२/४६-५२ ।
२. जाव निरंतर (क,घ ) 1
३. समय णं (कख); समयण्णं ( ग ) |
४. प० २२३४८- ५३ ।
Jain Education International
५. देसेणं (घ) ; देस णं ( ख ) ; देसणं ( ग ) । ६. पदेसत्तं (क, घ); पदेस णं ( ख ) ; पदेसणं
(ग)।
७. आतोजितातो ( क, ख ) ।
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |