Page Text
________________
एगवीसइमं ओगाहणसंठाणपयं
२७१
काइयस्स ॥
८६. बेइंदियस्स णं भंते ! मारणंतियसमुग्धाएणं समोहयस्स तेयासरीरस्स केमहालिया सरीरोगाहणा पण्णता ? गोयमा! सरीरपमाणमेत्ता विक्खंभ-वाहल्लेणं; आयामेणं जहण्णेणं अंगुलस्स असंखेज्जइभाग, उक्कोसेणं तिरियलोगाओ लोगते । एवं जाव चरिदियस्स ॥
८७. जेरइयस्स णं भंते ! मारणंतियसमुग्घाएणं समोहयस्स तेयासरीरस्स केमहालिया सरीरोगाहणा पण्णत्ता ? गोयमा ! सरीरपमाण मेत्ता विक्खंभ-वाहल्लेणं; आयामेणं जहण्णेणं साति रेगं जोयणसहस्सं, उक्कोसेणं अहे जाव अहेसत्तमा पुढवी, तिरियं जाव सयंभूरमणे समुद्दे, उड्ढं जाव पंडगवणे पुक्खरिणीओ॥
८८. पंचेंदियतिरिक्खजोणियस्स णं भंते ! मारणंतियसमुग्घाएणं समोहयस्स तेयासरीरस्स केमहालिया सरीरोगाहणा पण्णता ? गोयमा ! जहा' बेइंदियसरीरस्स ।।
८६. मणूसस्स णं भंते ! मारणंतियसमुग्घाएणं समोहयस्स तेयासरीरस्स केमहालिया सरीरोगाहणा पण्णता ? गोयमा ! समयखेत्ताओ लोगते ।।
१०. असुरकुमारस्स णं भंते ! मारणं तियसमुग्घाएणं समोहयस्स तेयासरीरस्स केमहालिया सरीरोगाहणा पण्णत्ता ? गोयमा ! सरीरपमाणमेत्ता विवखंभ-बाहल्लेणं ; आयामेणं जहणणं अंगलस्स असंखेज्जइभाग, उक्कोसेणं अहे जाव तच्चाए पढवीए हेट्रिल्ले चरिमंते, तिरियं जाव सयंभुरमणसमुदस्स बाहिरिल्ले वेइयंते, उड्ढं जाव इसीपभारा पुढवी । एवं जाव थणियकुमारतेयगसरीरस्स । वाणमंतर-जोइसिया सोहम्मीसाणगा य एवं चेव ॥
६१. सणंकुमारदेवस्स णं भंते ! मारणंतियसमुग्घाएणं समोहयस्स तेयासरीरस्स केमहालिया सरीरोगाहणा पण्णत्ता ? गोयमा ! सरीरपमाणमेत्ता 'विक्खंभ-बाहल्लेणं"; आयामेणं जहणेणं अंगुलस्स असंखेज्जइभाग, उक्कोसेणं अहे जाव महापातालाणं दोच्चे तिभागे, तिरियं जाव सयंभुरमणसमुद्दे, उड्ढे जाव अच्चुओ कप्पो। एवं जाव सहस्सारदेवस्स ॥
६२. आणयदेवस्स णं भंते ! मारणंतियसमुग्धाएणं समोहयस्स तेयासरीरस्स केमहालिया सरीरोगाहणा पण्णत्ता ? गोयमा ! सरीरपमाणमेत्ता विक्खंभ-बाहल्लेणं; आयामेणं जहण्णणं अंगुलस्स असंखेज्जइभाग, उक्कोसेणं अहे जाव अहेलोइयगामा, तिरियं जाव मणूसखेत्ते, उड्ढे जाव अच्चुओ कप्पो। एवं जाब आरणदेवस्स । अच्चुयदेवस्स वि एवं चेव, णवरं-उड्ढे जाव सगाई' विमाणाई ।।
६३. गेवेज्जगदेवस्स णं भंते ! मारणंतियसमुग्घाएणं समोहयस्स तेयासरीरस्स केमहालिया सरीरोगाहणा पण्णत्ता ? गोयमा! सरीरपमाणमेत्ता विक्खंभ-वाहल्लेणं; आयामेणं जहणणं विज्जाहरसेढीओ, उक्कोसेणं जाव अहेलोइयगामा, तिरियं जाव मणूसखेत्ते, उड्ढं जाव सगाई विमाणाइं । अणुत्तरोववाइयस्स वि एवं चेव ।।
३. सगाति (क,घ); सयाई (ग)।
१. प० २११८६ २. विक्खंभेणं बाहल्लेणं (ख,ग)।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |