Page Text
________________
वीसइमं अंतकिरियापयं
२५५
३४. पंचेंदियतिरिक्खजोणिए णं भंते ! पंचिदियतिरिक्खजोणिएहितो अणंतरं उवट्टित्ता णेरइएसु उववज्जेज्जा ? गोयमा ! अत्थेगइए उववज्जेज्जा, अत्यंगइए णो उववज्जेज्जा। जे णं भंते ! उववज्जेज्जा से णं केवलिपण्णत्तं धम्म लभेज्जा सवणयाए ? गोयमा ! अत्थेगइए लभेज्जा, अत्थेगइए णो लभेज्जा। जे णं केवलिपण्णत्तं धम्म लभेज्जा सवणयाए से णं केवलं बोहिं बुज्झज्जा ? गोयमा ! अत्थेगइए बुज्झज्जा, अत्थेगइए नो बुज्झेज्जा।। जे णं भंते ! केवलं बोहिं बुज्झज्जा से णं सद्दहेज्जा पत्तिएज्जा रोएज्जा? हंता गोयमा ! •सद्दहेज्जा पत्तिएज्जा रोएज्जा। जे णं भंते ! सद्दहेज्जा पत्तिएज्जा रोएज्जा से णं आभिणिवोहियणाण-सुयणाण-ओहिणाणाणि उप्पाडेज्जा ? हंता गोयमा ! उप्पाडेज्जा।। जे णं भंते ! आभिणिवोहियणाण-सुयणाण-ओहिणाणाई उप्पाडेज्जा से णं संचाएज्जा सीलं वा' 'वयं वा गुणं वा वेरमणं वा पच्चक्खाणं वा पोसहोववासं वा पडिवज्जित्तए ? गोयमा ! णो इणठे समझें ॥ ___ ३५. एवं असुरकुमारेसु वि जाव थपियकुमारेसु । एगिदिय-विलिदिएसु जहा' पुढविक्काइए पंचिदियतिरिक्खजोणिएसु मणूसेसु य जहाँ मेरइए। वाणमंतर-जोतिसियवेमाणिएसु जहाणेरइएसु उववज्जेज्जत्ति पुच्छाए भणियाए ।
३६. एवं मणूसे वि ।।
३७. वाणमंतर-जोतिसिय-वेमाणिए जहा असुरकुमारे ।। तित्थगर-पदं
३८. रयणप्पभापुढविणेरइए णं भंते ! रयणप्पभापुढविणेरइएहितो अणंतरं उव्वद्वित्ता तित्थगरत्तं लभेज्जा ? गोयमा ! अत्थेगइए लभेज्जा, अत्थेगइए णो लभेज्जा ।।।
३६. से केणठेणं भंते ! एवं वुच्चति-अत्थेगइए लभेज्जा, अत्थेगइए णो लभेज्जा? गोयमा ! जस्स णं रयणप्पभापुढविणेरइयस्स तित्थगरणाम-गोयाई कम्माई बद्धाइं पुदाई कडाई पट्टवियाई णिविद्वाई अभिनि विट्ठाई अभिसमण्णागयाई उदिण्णाई णो उवसंताई भवंति से णं रयणप्पभापुढविणेरइए रयणप्पभापुढविणेरइएहितो अणंतरं उव्वट्टित्ता तित्थगरतं लभेज्जा, जस्स णं रयणप्पभापूढविणेरइयस्स तित्थगरणाम-गोयाइं णो वडाइं जाव णो उदिण्णाई उक्संताई भवंति से णं रयणप्पभापुढविणेरइएहितो अणंतरं उबट्टित्ता तित्थगरत्तं णो लभेज्जा ! से तेणठेगं गोयमा ! एवं वुच्चइ-अत्थेगइए लभेज्जा अत्येगइए णो लभेज्जा। एवं जाव वालुयप्पभापुढविणेरइएहितो तित्थगरत्तं लभेज्जा ।।
४०. पंकप्पभापुढविणेरइए णं भते ! पंकप्पभापुढविणेरइएहितो अणंतरं उव्वट्टित्ता तित्थगरत्तं लभेज्जा ? गोयमा ! णो इणठे समझें। अंतकिरियं पुण करेज्जा ।।
१. सं० पा०-गोयमा जाव रोएज्जा। २. सं० प०-सील वा जाव पडिवज्जित्तए। ३. प० २०१२५।
४. प० २०११७,१८ । ५. प० २०१३४। ६. प० २०१२०-२३ ।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |