________________
२४६
पण्णवणासुतं
उक्कोसेणं अणतं कालं-अणंताओ उस्सप्पिणि-ओसप्पिणीओ कालओ, खेत्तओ अवड्ढे पोग्गलपरियट्ट देसूणं ।
८४. विभंगणाणी णं भंते ! "विभंगणाणी ति कालओ केवचिरं होइ ? गोयमा ! जहण्णेणं एक्कं समयं, उक्कोसेणं तेत्तीसं सागरोवमाई देसूणाए पुवकोडीए अब्भहियाई ।। दसण-पदं
८५. चक्खुदंसणी णं भंते ! "चक्खुदंसणी ति कालओ केवचिरं होइं? गोयमा ! जहण्णेणं अंतोमुहत्तं, उक्कोसेणं साग रोवमसहस्सं सातिरेगं ।।
८६. अचक्खुदंसणी णं भंते ! अचक्खुदंसणी ति कालओ केवचिरं होइ ? गोयमा ! अचक्खुदंसणी दुविहे पण्णत्ते, तं जहा-अणादीए वा अपज्जवसिए, अणादीए वा सपज्जवसिए॥
८७. ओहिदसणी णं भंते ! ओहिदसणी ति कालओ केवचिरं होइ ?° गोयमा ! जहण्णेणं एक्कं समयं, उक्कोसेणं दो छावट्ठीओ सागरोवमाई सातिरेगाओ।।।
८८. केवलदसणी णं "भंते ! केवलदंसणी ति कालओ केवचिरं होइ ?° गोयमा ! सादीए अपज्जवसिए॥ संजय-पदं
८६. संजए णं भंते ! संजए त्ति " कालओ केवचिरं होइ ?° गोयमा ! जहण्णणं एक्कं समयं, उक्कोसेणं देसूणं पुवकोडि ॥
६०. असंजए णं भंते ! असंजए त्ति कालओ केवचिरं होइ ? गोयमा ! असंजए तिविहे पण्णत्ते, तं जहा- अणादीए वा अपज्जवसिए, अणादिए वा सपज्जवसिए, सादीए वा सपज्जवसिए। तत्थ णं जेसे सादीए सपज्जवसिए से जहण्णेणं अंतोमुहत्तं, उक्कोसेणं अणंतं कालं-अणंताओ उस्सप्पिणि-ओसप्पिणीओ कालओ, खेत्तओ अवड्ढं पोग्गलपरियट्टू देसूणं ।।
६१. संजयासंजए जहण्णेणं अंतोमुहुत्तं, उक्कोसेणं देसूणं पुव्वकोडिं ।।
६२. णोसंजए-णोअसंजए-णोसंजयासंजए णं पुच्छा । गोयमा !सादीए अपज्जवसिए । उवओग-पदं
६३. सागारोवउत्ते णं भंते ! "सागारोव उत्ते त्ति कालओ केवचिरं होइ? गोयमा ! जहण्णेण वि उक्कोसेण वि अंतोमुहत्तं । अणागारोवउत्ते वि एवं चेव ॥
आहार-पदं
६४. आहारए णं भंते ! "आहारए त्ति कालओ केवचिरं होइ ?° गोयमा ! आहारए दुविहे पण्णत्ते, तं जहा---छउमत्थआहारए य केवलिआहारए य ॥
६५. छउमत्थाहारए णं भंते ! छउमत्थाहारए त्ति कालओ केवचिरं होइ ? गोयमा ! जहण्णेणं खुड्डागभवग्गहणं दुसमऊणं", उक्कोसेणं असंखेज्जं कालं-- असंखेज्जाओ
१,२,३. सं० पा०-पुच्छा। ४. सागरोबमाणं (ख,ग,पु)।
५-६. सं० पा०--पुच्छा। १०. दुसमयऊणं (ख,ग)।
Jain Education International
For Private & Personal Use Only
www.jainelibrary.org
