Page Text
________________
२३८
पण्णवणासुत्त
पण्णत्ताओ, तं जहा- कण्हलेस्सा जाव सुक्कलेस्सा । एवं कम्मभूमयमणूसीण वि ।।
१६०. भरहेरवयमणूसाणं भंते ! कति लेस्साओ पण्णत्ताओ ? गोयमा ! छल्लेस्साओ पण्णत्ताओ, तं जहा-कण्हलेस्सा जाव सुक्कलेस्सा । एवं मणुस्सीण वि॥
१६१. पुव्वविदेह-अवरविदेहकम्मभूमयमणूसाणं भंते ! कति लेस्साओ पण्णत्ताओ? गोयमा ! छ लेसाओ पण्णत्ताओ, तं जहा- कण्हलेस्सा जाव सुक्कलेस्सा । एवं मणूसीण वि।।
१६२. अकम्मभूमयमणूसाणं पुच्छा ! गोयमा ! चत्तारि लेस्साओ पण्णत्ताओ, तं जहा-कण्हलेस्सा जाव तेउलेस्सा । एवं अकम्मभूमयमणूसीण वि । एवं अंतरदीवयमणूसाणं मणूसीण वि ॥
१६३. हेमवय'-एरण्णवयअकम्मभूमयमणूसाणं मणूसीण य कति लेस्साओ पण्णत्ताओ? गोयमा ! चतारि, तं जहा ---कण्हलेस्सा जाव तेउलेस्सा ।।
१६४. हरिवास-रम्मयअकम्मभूमयमणुस्साणं मणूसीण य पुच्छा । गोयमा ! चत्तारि, तं जहा- कण्हलेस्सा जाव तेउलेस्सा। देवकुरुत्तरकुरुअकम्मभूमयमणुस्साणं एवं चेव । एतेसिं चेव मणूसीणं एवं चेव ॥
१६५. धायइसंडपुरिमद्धे एवं चेव, पच्छिमद्धे वि । एवं पुक्ख रहे वि भाणियव्यं ।। लेस्सं पडुच्च गम्भुप्पत्ति-पदं
१६६. कण्हलेस्से णं भंते ! मणूसे कण्हलेस्सं गम्भं जणेज्जा' ? हंता गोयमा ! जणेज्जा ॥
१६७. कण्हलेस्से णं भंते ! मणूसे णीललेस्सं गब्भं जणेज्जा ? हंता गोयमा ! जणेज्जा । एवं काउलेस्सं तेउलेस्सं पम्हलेस्सं सुक्कलेस्सं छप्पि आलावगा भाणियध्वा ।।
१६८. एवं णीललेसेणं काउलेसेणं तेउलेसेण वि पम्हलेसेण वि सुक्कलेसेण वि । एवं एते छत्तीसं आलावगा।
१६९. कण्हलेस्सा णं भंते ! इत्थिया कण्हलेस्सं गभं जणेज्जा ? हंता गोयमा ! जणेज्जा। एवं एते वि छत्तीसं आलावगा।
१७०. कण्हले से णं भंते ! मणूसे कण्हलेसाए इत्थियाए कण्हलेसं गल्भं जणेज्जा। हंता गोयमा ! जणेज्जा । एवं एते वि छत्तीसं आलावगा।
१७१ कम्मभूमयकण्हलेस्से णं भंते ! मणुस्से कण्हलेस्साए इत्थियाए कण्हलेस्सं गर्भ जणेज्जा ? हंता गोयमा ! जणेज्जा । एवं एते वि छत्तीसं आलावगा ।।
१७२. अकम्मभूमयकण्हलेसे णं भंते ! मणूसे अकम्मभूमयकण्हलेस्साए इत्थियाए अकम्मभूमयकण्हलेस्सं गन्भं जणेज्जा ? हंता गोयमा ! जणेज्जा, णवरं- चउसु लेसासु सोलस आलावगा। एवं अंतरदीवगा वि ।।
१. एवं हेमवय (ख,ग)। २. °पुरथिमद्धे (क)। ३. पच्चत्थिमद्धे (ग)।
४. पुक्खरदीवे (क,ग,घ); पुक्खरवरदीवे (ख)। ५. जाणेज्जा (ख,ग) सर्वत्र)।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |