Agam 15 Upang 04 Pragnapana Sutra Pannavanna Terapanth

SR No.: 003571
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 745
Language: Prakrit
Classification: Book_Devnagari, Agam, Canon, & agam_pragyapana
File Size: 14 MB

Page 302

२२८
पण्णवणासुत्तं जोणिएसु उववज्जति; सिय कण्हलेस्से उव्वट्टति जाव सिय सुक्कलेस्से उव्वदृति, सिय जल्लेसे उववज्जति तल्लेसे उन्वट्टति । एवं मणूसे वि ।।
१०५. वाणमंतरे जहा असुरकुमारे। जोइसिय-वेमाणिए वि एवं चेव, णवरं-जस्स जल्लेसा। दोण्ह वि चयणं ति भाणियव्वं ।।। कण्हाइलेस्सेसु नेरइएसु ओहिखेत्त-पदं
१०६. कण्हलेस्से णं भंते ! रइए कण्हलेस्सं जेरइयं पणिहाए ओहिणा सव्वओ समंता समभिलोएमाणे'-समभिलोएमाणे केवतियं खेत्तं जाणति ? केवतियं खेत्तं पासति ? गोयमा ! णो वहुयं खेत्तं जाणति णो वयं खेत्तं पासति, णो दूरं खेत्तं जाणति णो दूरं खेत्तं पासति, इत्तरिय मेव खेत्तं जाणति इत्तरियमेव खेत्तं पासति ॥
१०७. से केणठेणं भंते ! एवं बुच्चति-कण्हले से णं णेरइए' 'कण्हलेस्सं जेरइयं पणिहाए ओहिणा सव्वओ समंता समभिलोएमाणे-सम भिलोएमाणे णो बहुयं खेत्तं जाणति णो वहुयं खेत्तं पासति, णो दूरं खेत्तं जाणति णो दूरं खेत्तं पासति, इत्तरियमेव खेत्तं जाणति इत्तरियमेव खेत्तं पासति ? गोयमा ! से जहाणामए- केइ पुरिसे बहुसमरमणिज्जंसि भूमिभागंसि ठिच्चा सव्वओ समंता समभिलोएज्जा, तए णं से पुरिसे धरणितलगतं पुरिसं पणिहाए सव्वओ समंता समभिलोएमाणे-समभिलोएमाणे णो बहुयं खेत्तं •जाणति णो बहयं खेत्तं पासति, णो दरं खेत्तं जाणति णो दरं खेतं पासति, इत्तरियमेव खेत्तं जाणति' इत्तरियमेव खेत्तं पासति । से तेणठेणं गोयमा! एवं वुच्चति-कण्हलेसे णं णेरइए' 'कण्हलेस्सं णेरइयं पणिहाए ओहिणा सव्वओ समंता सम भिलोएमाणे-समभिलोएमाणे णो बहुयं खेत्तं जाणति णो बहुयं खेत्तं पासति, णो दूरं खेत्तं जाणति णो दूरं खेत्तं पासति, इत्तरियमेव खेत्तं जाणति' इत्तरियमेव खेत्तं पासति ।।
१०८. णीललेसे णं भंते ! णेरइए कण्हलेसं णेरइयं पणिहाए ओहिणा सव्वमओ समंता समभिलोएमाणे-समभिलोएमाणे केवतियं खेत्तं जाणइ ? केवतियं खेत्तं पासइ ? गोयमा ! बहुतरागं खेत्तं जाणति बहुतरागं खेत्तं पासति, दूरतरागं खेत्तं जाणइ दूरतरागं खेत्तं पासति, वितिमिरतरागं खेत्तं जाणइ वितिमिरतरागं खेत्तं पासइ, विसुद्धतरागं खेत्तं जाणति विसुद्धतरागं खेतं पासति ।।।
१०६. से केणठेणं भंते ! एवं वुच्चति–णीललेस्से णं णेरइए कण्हलेस्सं णेरइयं पणिहाए जाव विसुद्धतरागं खेत्तं पासइ ? गोयमा ! से जहाणामए–केइ पुरिसे बहुसमरमणिज्जाओ भूमिभागाओ पव्वयं दुरुहति', दुरुहित्ता सव्यओ समंता समभिलोएज्जा, तए णं से पुरिसे धरणितलगयं पुरिसं पणिहाए सव्वओ समंता समभिलोएमाणे-समभिलोएमाणे बहुतरागं खेत्तं जाणइ जाव विसुद्धतरागं खेत्तं पासति । से तेणठेणं" गोयमा ! एवं वुच्चति–णीललेस्से णेरइए कण्हलेस्सं णेरइयं पणिहाए जाव विसुद्धतरागं खेत्तं पासति ।। १. समभिलोतेमाणे (क)।
६. सं० पा०-रइए जाव इत्तरिय । २. इतिरियमेव (घ)।
७. पणिहाय (ग)। ३. सं० पा०-णेरइए तं चेव जाव इत्तरिय । ६. बहुतरगं (ख)। ४. केति (क,ख,घ):
६. दुरूहति (ग)। ५. सं० पा०–खेत्तं जाव पासति जाव इत्तरिय। १०. एण?णं (घ)।