Agam 15 Upang 04 Pragnapana Sutra Pannavanna Terapanth

SR No.: 003571
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 745
Language: Prakrit
Classification: Book_Devnagari, Agam, Canon, & agam_pragyapana
File Size: 14 MB

Page 287

सोलसमं पओगपयं
२१३
पोग्गले लोगस्स पुरथिमिल्लाओ चरिमंताओ पच्चथिमिल्लं' चरिमंतं एगसमएणं गच्छति, पच्चथिमिल्लाओ वा चरिमंताओ पुरथिमिल्लं चरिमंतं एगसमएणं गच्छति, दाहिणिल्लाओ वा चरिमंताओ उत्तरिल्लं चरिमंतं एगसमएणं गच्छति, एवं उत्तरिल्लाओ दाहिणिल्लं, उवरिल्लाओ हेढिल्लं, हेट्ठिल्लाओ वा उवरिल्लं । से तं पोग्गलणोभवोववायगती ॥
३५. से कि तं सिद्धणोभवोववायगती ? सिद्धणोभवोववायगती दुविहा पण्णत्ता, तं जहाअणंतरसिद्धणोभवोववायगती य परंपरसिद्धणोभवोववायगती य ।।
३६. से किं तं अणंतरसिद्धणोभवोववायगती ? अणंतरसिद्धणोभवोववायगती पन्नरस विहा पण्णता, तं जहा–तित्थसिद्धअणंतरसिद्धणोभवोववायगती' य जाव अणेगसिद्धणोभवोववायगती' य [से तं अणंतरसिद्धणोभवोववायगती ?]
३७. से किं तं परंपरसिद्धणोभवोववायगती? परंपरसिद्धणोभवोववायगती अणेगविज्ञा पण्णत्ता, तं जहा—अपढमसमयसिद्धणोभवोववायगती एवं दुसमयसिद्धणोभवोववायगती जाव अणंतसमयसिद्धणोभवोववायगतो । से तं परंपरसिद्धणोभवोववायगती । से तं सिद्धणोभवोववायगती। से तं णोभवोववायगती। से तं उववायगती।। विहायगति-पदं
३८. से किं तं विहायगती ? विहायगती सत्तरस विहा पण्णत्ता, तं जहा—फुसमाणगती अफुसमाणगती उवसंपज्जमाणगती अणुवसंपज्जमाणगती पोग्गलगती मंड्यगती णावागती णयगती छायागती छायाणुवायगती लेसागती लेस्साणुवायगती उद्दिम्सपविभत्तगती' चउपूरिसपविभत्तगती वंकगती पंकगती बंधणविमोयणगती।
३६. से किं तं फुसमाणगती ? फुसमाणगती-जण्णं परमाणुपोग्गले दुपदेसिय जाव अणंतपदेसियाणं खंधाणं अण्णमण्णं फुसित्ता णं गती पवत्तइ । से तं फुसमाणगती।
४०. से किं तं अफुसमाणगती ? अफुसमाणगती-जण्णं एतेसिं चेव अफुसित्ता णं गती पवत्तइ । से त्तं अफुसमाणगती॥
४१. से किं तं उवसंपज्जमाणगती? उवसंपज्जमाणगती-जण्णं रायं वा जुवरायं वा ईसरं वा तलवरं वा माडंबियं वा कोडुबियं वा इब्भं वा सेट्टि वा सेणावई वा सत्यवाहं वा उवसंपज्जित्ता णं गच्छति । से तं उवसंपज्जमाणगती॥
४२. से किं तं अणुवसंपज्जमाणगती ? अणुवसंपज्जमाणगती-जण्णं एतेसिं चेव अण्णमण्णं अणवसंपज्जित्ता णं गच्छति । से तं अणवसंपज्जमाणगती ।।
४३. से किं तं पोग्गलगती ? पोग्गलगती-जण्णं परमाणुपोग्गलाणं जाव' अणंतपएसियाणं खंधाणं गती पवत्तति । से तं पोग्गलगती।
उद्दिसिय
१. पच्छिमिल्लं (पु)। २. 'अणंतरणो° (ख,ग,घ) ! ३. अस्मिन् पदे 'अणंतरसिद्ध' इति पदं नोल्लि- खितमस्ति । किन्तु पूर्वक्रमेण युज्यते। अग्रिम- सूत्रे 'परंपरसिद्ध' पदस्यापि एषैव स्थिति- रस्ति ।
४. उद्दिसियविभत्त' (क,ख,घ);
पविभत्त' (ग)। ५ चउपुरिसविभत्त (ख,घ)। ६. बंधणमोयण (ग)। ७. सिद्धिं (घ)।