Page Text
________________
२०४
पण्णवणासुत्तं
१३२. सव्व सिद्धगदेवाणं भंते ! सव्वदसिद्धगदेवत्ते केवतिया दविदिया अतीता ? णत्थि । केवतिया बद्धेल्लगा ? संखेज्जा । केवतिया पुरेक्खडा ? पत्थि ।। भाविदिय-पदं
१३३. कति णं भंते ! भाविदिया पण्णत्ता ? गोयमा ! पच भाविदिया पणत्ता, तं जहा-सोइंदिए जाव फासिदिए ।
१३४. जेरइयाणं भंते ! कति भाविदिया पण्णत्ता ? गोयमा ! पंच भाविदिया पण्णत्ता, तं जहा -सोइंदिए जाव फासें दिए । एवं जस्स जति इंदिया तस्स तति' भाणियव्वा जाव वेमाणियाणं ॥
१३५ एगमेगस्स णं भंते ! णेरइयस्स केवतिया भावि दिया अतीता? गोयमा ! अणंता । केवतिया बद्धेल्लगा ? पंच । केवतिया पुरेक्खडा ? पंच वा दस वा एक्कारस वा संखेज्जा वा असंखेज्जा वा अणंता वा ।।
१३६. एवं असुरकुमारस्स वि, णवरं पुरेक्खडा पंच वा छ वा संखेज्जा वा असंखेज्जा वा अणंता वा । एवं जाव थणियकुमारस्स ।।
१३७. एवं पुढविकाइय-आउकाय-वणरसकाइयस्स वि, बेइंदिय-तेइंदिय-चउरिदियस्स वि तेउक्काइय-वा उक्काइयस्स वि एवं चेव, णवरं–पुरेक्खडा छ वा सत्त वा संखेज्जा वा असंखेज्जा वा अणंता वा ।।
१३८. पंचेंदियतिरिक्खजोणियस्स जाव ईसाणस्स जहा असुरकुमारस्स, णवरं-- मणसस्स पुरेक्खडा कस्सइ अत्थि, कस्सइ णत्थित्ति भाणियव्वं । सणंकुमार जाव गेवेज्जगस्स जहा जेरइयस्स ।।
१३९. विजय-वेजयंत-जयंत-अपराजियदेवस्स अतीता अणंता। बद्धलगा पंच । पुरेक्खडा पंच वा दस वा पण्णरस वा संखेज्जा वा' । सबट्ठसिद्धगदेवस्स अतीता अणंता। बदल्लगा पंच । केवतिया पुरेक्खडा ? पंच ॥
१४०. णेरइयाणं भंते ! केवतिया भाविदिया अतीता ? गोयमा ! अणता। केवतिया बद्धेल्लगा? असंखेज्जा। केवतिया पुरेक्खडा ? अणंता । एवं जहा दविदिए सु पोहत्तेणं दंडओ भणिओ तहा भाविदिएसु वि पोहत्तेणं दंडओ भाणियव्वो, णवरंवणप्फइकाइयाणं बद्धेल्लगा वि अणंता ।।
१४१. एगमेगस्स णं भंते ! गेरइयस्स णेरइयत्ते केवतिया भाविदिया अतीता? गोयमा ! अणंता। बद्धेल्लगा पंच । पुरेक्खडा कस्सइ अत्थि, कस्सइ णत्यि, जस्सत्थि पंच वा दस वा पण्णरस वा संखज्जा वा असंखेज्जा वा अणंता वा । एवं असुरकुमारत्ते' जाव थणियकुमारत्ते', णवरंबद्धलगा णत्थि ॥
१४२. पुढविक्काइयत्ते जाव बेइंदियत्ते जहा दविदिया। तेइंदियत्ते तहेव, णवरंपरेक्खडा तिणि वा छ वा णव वा संखेज्जा वा असंखज्जा वा अणंता वा । एवं चरिंदियत्ते
१. तत्तिया (ग,घ)। २. वा असंखेज्जा (घ)।
३. असुरकुमाराणं (क,घ)। ४. थणियकुमाराणं (क,घ) ।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |