________________
बारसमं सरीरपयं
1
सरीरभेय-पदं
१. कति णं भंते ! सरीरा पण्णत्ता ? गोयमा ! पंच सरीरा पणत्ता, तं जहाओरालिए वेउव्विए आहारए तेयए कम्मए । चउवीसदंडएसु सरीर-पदं
२. णेरइयाणं भंते ! कति सरीरया पण्णत्ता ? गोयमा ! तओ सरीरया पण्णत्ता, तं जहा-वेउविए तेयए कम्मए । एवं असुरकुमाराणं वि जाव थणियकुमाराणं ।।
३. पुढबिक्काइयाणं भंते ! कति सरीरया पण्णत्ता ? गोयमा! तओ सरीरया पण्णत्ता, तं जहा-ओरालिए तेयए कम्मए । एवं वाउक्काइयवज्जं जाव चउरिदियाणं ।।
४. वाउक्काइयाणं भंते ! कति सरीरया पण्णता? गोयमा! चत्तारि सरीरया पण्णत्ता, तं जहा-ओरालिए वेउव्विए तेयए कम्मए । एवं पंचिदियतिरिक्खजोणियाण' वि।
५. मणुस्साण भंते ! कति सरीरया पण्णत्ता ? गोयमा ! पंच सरीरया पण्णत्ता, तं जहा--ओरालिए वेउव्विए आहारए तेयए कम्मए ।
६. वाणमंतर-जोतिसिय-वेमाणियाणं जहा णारगाणं ।। ओहेण बद्ध-मुक्कसरीर-पदं
७. केवतिया णं भंते ! ओरालियसरीरया पण्णता ? गोयमा ! दुविहा पण्णत्ता, तं जहा–बद्धेल्लया' य मुक्केल्लया' य । तत्थ णं जेते बद्धेल्लया ते णं असंखेज्जगा, असखेज्जाहिं उस्सप्पिणि-ओसपप्पिणीहि अवहीरंति कालओ, खेतओ असंखेज्जा लोगा। तत्थ णं जेते मुक्केल्लया ते णं अणता, अणताहि उस्स प्पिणि-ओसप्पिणीहिं अवहीरंति कालओ, खेत्तओ अणंता लोगा, दव्वओ अभवसिद्धिएहितो अणंतगुणा 'सिद्धाणं अणंतभागो।
८. केवतिया णं भंते ! वेउब्वियसरीरया पण्णत्ता ? गोयमा ! दुविहा पण्णत्ता, तं जहा–बद्धेल्लया य मुक्केल्लया य । तत्थ णं जेते वद्धेल्लगा ते णं असंखेज्जा, असंखेज्जाहिं १. जोणिया (ख,ग)।
४. मुक्किल्लया (क,ख,ग,घ)। २. मणूसाणं (क)।
५. अवसप्पिणीहि (ग)। ३. बद्धिल्लया (क,ख,ग,घ) ।
६. सिद्धाणणंत° (क)।
Jain Education International
For Private & Personal Use Only
www.jainelibrary.org
