________________
१६६
पण्णवणासुत्तं २६. परिमंडलस्स णं भंते ! संठाणस्स अणंतपएसियस्स संखेज्जपएसोगाढस्स अचरिमस्स य परिमाण य चरिमंतपएसाण य अचरिमंतपएसाण य दव्वट्ठयाए पएसट्ठयाए दबट्ट-पएसट्टयाए कतरे कतरेहितो अप्पा वा बहुया वा तुल्ला वा विसेसाहिया वा? गोयमा ! जहा' संखेज्जपएसियस्स संखेज्जपएसोगाढस्स, णवरं-संकमे अणंतगुणा । एवं जाव आयते ॥
३०. परिमंडलस्य णं भंते ! संठाणस्स अणंतपएसियस्स अखंखेज्जपएसोगाढस्स अचरिमस्स य चरिमाण य चरिमंतपएसाण य अचरिमंतपएसाण य जहा रयणप्पभाए, णवरं-संकमे अणंतगुणा । एवं जाव आयते ।। गतिचरिमाइ-पदं
३१. जीवे णं भंते ! गतिचरिमेणं किं चरिमे अचरिमे ? गोयमा ! सिय चरिमे सिय अचरिमे ।।
३२. णेरइए णं भंते ! गतिचरिमेणं कि चरिमे अचरिमे ? गोयमा ! सिय चरिमे सिय अचरिमे । एवं णिरंतरं जाव वेमाणिए।
३३. णेरइया णं भंते ! गतिचरिमेणं किं चरिमा अचरिमा ? गोयमा ! चरिमा वि अचरिमा वि । एवं णिरंतरं जाव वेमाणिया॥ ठितिचरिमाइ-पदं
३४. रइए णं भंते ! ठितीचरिमेणं किं चरिमे अचरिमे ? गोयमा ! सिय चरिमे सिय अचरिमे । एवं णिरंतरं जाव वेमाणिए ।
३५. जेरइया णं भंते ! ठितीचरिमेणं कि चरिमा अचरिमा ? गोयमा ! चरिमा वि अचरिमा वि । एवं निरंतरं जाव वेमाणिया। भवचरिमाइ-पदं
३६.णरइए णं भंते ! भवचरिमेणं कि चरिमे अचरिमे? गोयमा! सिय चरिमे सिय अचरिमे । एवं निरंतरं जाव वेमाणिए ।।
३७. णेरइया णं भंते ! भवचरिमेणं कि चरिमा अचरिमा ? गोयमा ! चरिमा वि अचरिमा वि। एवं निरंतरं जाव वेमाणिया । भासाचरिमाई-पदं
३८. णेरइए णं भंते ! भासाचरिमेणं किं चरिमे अचरिमे ? गोयमा ! सिय चरिमे सिय अचरिमे । एवं निरंतरं जाव वेमाणिए ।।
३६. रतिया णं भंते ! भासाचरिमेणं किं चरिमा अचरिमा ? गोयमा ! चरिमा वि अचरिमा वि । एवं एगिदियवज्जा निरंतरं जाव वेमाणिया॥ आणापाणचरिमाइ-पदं ।
४०. णेरइए णं भंते ! आणापाणुचरिमेणं कि चरिमे अचरिमे ? गोयमा ! सिय चरिमे सिय अचरिमे। एवं णिरंतरं जाव वेमाणिए ।।
४१. णेरइया णं भंते ! आणापाणुचरिमेणं कि चरिमा अचरिमा ? गोयमा ! चरिमा १. १०१२६ ।
२. संकमेणं (क,घ); संकमेण (ख) ।
Jain Education International
For Private & Personal Use Only
www.jainelibrary.org
