________________
नवमं जोणीपयं
१५५
जोणी? गोयमा! नो सीता, नो उसिणा, सीतोसिणा जोणी। जोइसिय-वेमाणियाण वि एवं चेव ।।
१२. एतेसि णं भंते ! जीवाणं सीतजोणियाणं उसिणजोणियाणं सीतोसिणजोणियाणं अजोणियाण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा सीतोसिणजोणिया, उसिणजोणिया असंखेज्जगुणा, अजोणिया अणंतगुणा, सीतजोणिया अणंतगुणा ।। सचित्ताइजोणि-पदं
१३. कतिविहा गं भंते ! जोणी पण्णत्ता ? गोयमा ! तिविहा जोणी पण्णत्ता । तं जहा---सचित्ता, अचित्ता, मीसिया॥
१४. नेरइयाणं भंते ! कि सचित्ता जोणी? अचित्ता जोणी? मीसिया जोणी? गोयमा ! नो सचित्ता जोणि, अचित्ता जोणी, णो मीसिया जोणी ।।
१५. असुरकुमाराणं भंते ! किं सचित्ता जोणी ? अचित्ता जोणी? मीसिया जोणी ? गोयमा ! नो सचित्ता जोणी, अचित्ता जोणी, नो मीसिया जोगी। एवं जाव थणियकुमाराणं ॥
१६. पुढविकाइयाणं भंते ! किं सचित्ता जोणी ? अचित्ता जोणी ? मीसिया जोणी ? गोयमा ! सचित्ता वि जोणी, अचित्ता वि जोणी, मीसिया वि जोणी। एवं जाव चरिदियाणं । सम्मुच्छिमपंचेंदियतिरिक्खजोणियाणं सम्मुच्छिममणुस्साण य एवं चेव ॥
१७. गब्भवक्कतियपंचेंदियतिरिक्खजोणियाणं गब्भवतियमणुस्साण य नो सचित्ता, नो अचित्ता, मीसिया जोणी ॥
१८. वाणमंतर-जोइसिय-वेमाणियाणं जहा असुरकुमाराणं ।।
१६. एतेसि णं भंते ! जीवाणं सचित्तजोणीणं अचित्तजोणीणं मीसजोणीणं अजोणीण य कतरे कतरेहितो अप्पा वा वहया वा तुल्ला वा विसेसाहिया वा? गोयमा ! सब्वत्थोवा जीवा मीसजोणिया, अचित्तजोणिया असंखेज्जगुणा, अजोणिया अणंतगुणा, सचित्तजोणिया अणंतगुणा ।। संवडाइजोणि-पदं
२०. कतिविहा णं भंते ! जोणी पण्णता ? गोयमा ! तिविहा जोणी पण्णता, तं जहा--संवडा जोणी, वियडा जोणी, संवडवियडा जोणी।
२१. नेरइयाणं भंते ! किं संवुडा जोणी? वियडा जोणी ? संवडवियडा जोणी ? गोयमा ! संवुडा गोणी, नो वियडा जोणी, नो संवुडवियडा जोगी। एवं जाव वणस्सइकाइयाणं ।।
२२. बेइंदियाणं पुच्छा । गोयमा ! नो संवुडा जोणी, वियडा जोणी, गो संवुडवियडा जोणी । एवं जाव चउरिदियाणं । सम्मुच्छिमपंचेंदियतिरिक्खजोणियाणं सम्मुच्छिममणुस्साण य एवं चेव ।।
२३. गब्भवक्कंतियपंचेंदियतिरिक्ख जोणियाणं गब्भवक्कंतियमणुस्साण य नो संवुडा जोणी, नो वियडा जोणी, संवुडवियडा जोणी ।।
Jain Education International
For Private & Personal Use Only
www.jainelibrary.org
