________________
१४८
पण्णवणासुत्त
१२०. जीवा णं भंते ! जातिणामणिहत्ताउयं कतिहिं आगरिसेहिं पकरेंति ? गोयमा ! जहण्णेणं एक्केण वा दोहि वा तीहि वा, उक्कोसेणं अट्टहिं ।।।
१२१. नेरइया ण भंते ! जाइनामनिहत्ताउयं कतिहि आगरिसेहिं पकरेंति ? गोयमा ! जहण्णणं एक्केण वा दोहिं वा तीहिं वा, उक्कोसेणं अहिं । एवं जाव वेमाणिया ।।
१२२. एवं गतिणामनिहत्ताउए वि ठितीणामनिहत्ताउए वि ओगाहणाणामनिहत्ताउए वि पदेसणामनिहत्ताउए वि अणुभावणामनिहत्ताउए वि ।।।
१२३. एतेसि णं भंते ! जीवाणं जातिनामनिहत्ताउयं जहण्णणं एक्केण वा दोहि वा तीहि बा उक्कोसेणं अहि आगरिसेहिं पकरेमाणाणं कतरे कतरेहितो अप्पा वा बहया वा तुल्ला वा विसेसाहिया वा ? गोयमा ! सव्वत्थोवा जीवा जातिणामणिहत्ताउयं अट्ठहिं आगरिसेहि पकरेमाणा, सतहिं आगरिसेहि पक रेमाणा संखेज्जगुणा, छहिं आगरिसे हिं पकरेमाणा संखेज्ज गुणा, एवं पं नहिं संखेज्जगुणा, चउहि संखेज्जगुणा, तिहिं संखेज्जगुणा, दोहिं संखेज्जगुणा, एगेणं आगरिसेण पगरेमाणा संखेज्जगुणा । एवं एतेणं अभिलावेणं जाव अणुभावनिहत्ता उयं । एवं एते छप्पि य अप्पाबहुदंडगा जीवादीया भाणियव्वा ।।
Jain Education International
For Private & Personal Use Only
www.jainelibrary.org
