Page Text
________________
पण्णवणासुत्तं
दव्वट्ठयाए तुल्ले । पदेसट्ठायाए तुल्ले । ओगाहणट्टयाए तुल्ले । ठितीए च उट्ठाणवडिते। वण्णादीहिं छट्ठाणवडिते। आभिणिबोहियणाण-सुतणाण-ओहिणाणपज्जवेहिं तिहिं अण्णाणेहिं दसणेहि य छट्ठाणवडिते ।।
५०. एवं उक्कोसोगाणए वि। एवं अजहण्णमणुक्कोसोगाणए' वि, नवरंउक्कोसोगाहणए वि असुरकुमारे ठितीए चउट्ठाणवडिते ।।
५१. एवं जाव' थणियकुमारा॥ ओगाहणाई पड़च्च एगिदियाणं पज्जव-पदं
५२. जहण्णोगाहणगाणं भंते ! पुढविकाइयाणं केवतिया पज्जवा पण्णत्ता ? गोयमा ! अगंता पज्जवा पण्णत्ता ।।
५३. से केगळेणं भंते ! एवं वुच्चति - जहा मोगाहणगाणं पुढविकाइयाणं अणंता पज्जवा पणत्ता ? गोयमा ! जहण्णोगाहणए पुढविकाइए जहण्योगाहणगस्स पुढविकाइयस्स दव्वट्टयाए तुल्ले । पदेसट्टयाए तुल्ले । ओगाहणट्ठयाए तुल्ले। ठितीए तिढाणवडिते ! वरणगंध-रस-फासपज्जवेहिं दोहिं अण्णाणेहि अचक्खुदंसणपज्जवेहि य छट्ठाणवडिते ॥
५४. एवं उक्कोसोगाहणए वि । अजहण्णमणुक्कोसोगाहणए वि एवं चेव, नवरं-- सट्टाणे चउट्ठाणवडिते ॥
५५. जहण्ण द्वितीयाणं भंते ! पुढविकाइयाणं पुच्छा ! गोयमा ! अणंता पज्जवा पण्णत्ता ।।
५६. से केणठेणं भंते ! एवं वुच्चति-जहाणद्वितीयाणं पुढविकाइयाणं अणंता पज्जवा पण्णत्ता ? गोयमा ! जहण्णठितीए पुढविकाइए जहण्णठितीयस्स पुढविकाइयस्स दन्वट्टयाए तुल्ले । पदेसट्ठयाए तुल्ले । ओगाहणट्ठयाए चउट्ठाणवडिते । ठितीए तुल्ले । वण्णगंध-रस-फासपज्जवेहि मतिअण्णाण-सुतअण्णाण-अचक्खुदंसणपज्जवेहि य छट्टाणवडिते ।।
५७. एवं उक्कोसट्टितीए वि । अजहण्णमणुक्कोसट्टितीए वि एवं चेव, णवरं-सट्ठाणे तिढाणवडिते ।।
५८. जहण्णगुणकालयाणं भंते ! पुढविकाइयाणं पुच्छा। गोयमा ! अणंता पज्जवा पण्णत्ता।
५६. से केणठेणं भंते ! एवं वुच्चति–जहण्णगुणकालयाणं पुढविकाइयाणं अणंता पज्जवा पण्णत्ता ? गोयमा ! जहण्णगुणकालए पुढविकाइए जहण्णगुणकालगस्स पुढविकाइयस्स दव्वट्ठयाए तुल्ले ! पदेसट्टयाए तुल्ले । ओगाहणट्टयाए चउट्ठाणवाडिते। ठितीए तिट्ठाणवडिते । कालवण्णपज्जवेहिं तुल्ले । अवसेसेहिं वण्ण-गंध-रस-फासपज्जवेहिं छट्ठाणवडिते । दोहि अण्णाणेहिं अचक्खुदंसणपज्जवेहि य छट्ठाणवड़िते ।।
६०. एवं उक्कोसगुणकालए वि । अजहण्णमणुक्कोसगुणकालए वि एवं चेव, णवरं-- सट्टाणे छट्ठाणवडिते॥
६१. एवं पंच वण्णा दो गंधा पंच रसा अट्ट फासा भाणितव्वा ।।
१. अणुक कोनजहाणीगाहपए (ख) । २. असालदेन अपुरकुभारालापके स्थित्यादीनां
ग्रहणं तथा शेपभवनवासिनिकायाना ग्रहण च जायते ।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |