Page Text
________________
पण्णवणासुत्तं पज्जवेहि तिहिं णाणेहि तिहिं अण्णाणेहि तिहिं दंसणेहि य छट्टाणवडिते॥
२६. उक्कोसोगाहणयाणं भंते ! नेरइयाणं केवतिया पज्जवा पण्णता? गोयमा ! अणंता पज्जवा पण्णत्ता ॥
३०. से केटठेणं भंते ! एवं वच्चति -- उक्कोसोगाहणयाणं नेरइयाणं अणंता पज्जवा पण्णत्ता ? गोयमा ! उक्कोसोगाहणए नेरइए उक्कोसोगाहणगस्स नेरइयस्स दव्वट्ठयाए तुल्ले। पदेसट्टयाए तुल्ले। ओगाहणट्ठयाए तुल्ले। ठितीए सिय हीणे सिय तुल्ले सिय अब्भहिए-जति हीणे असंखेज्जभागहीणे वा संखेज्जभागहीणे वा। अह अमहिए असंखज्जभागअब्भहिए वा संखेज्जभागअब्भहिए वा। वण-गंध-रस-फासपज्जवेहि तिहि णाणेहिं तिहिं अण्णाणेहि तिहिं दंसणेहिं छट्ठाणवडिते ॥
३१. अजहण्णुक्कोसोगाहणगाणं भंते ! नेरइयाणं केवतिया पज्जवा पण्णत्ता ? गोयमा ! अणंता पज्जवा पण्णत्ता ।।
३२. से केणढेणं भंते ! एवं वुच्चति-अजहण्णक्कोसोगाहणगाणं नेर इयाणं अणंता पज्जवा पण्णत्ता ? गोयवा ! अजहण्णुक्कोसोगाहणए नेरइए अजहण्णुक्कोसोगाहणगस्स नेरइयस्स दव्वट्ठयाए तुल्ले । पदेसट्टयाए तुल्ले । ओगाहणट्टयाए सिए हीणे सिय तुल्ले सिय अब्भहिए-जति हीणे असंखेज्जभागहीणे वा संखेज्जभागहीणे वा संखेज्जगुणहीणे वा असंखेज्जगुणहीणे वा ! अह अब्भहिए असंखेज्जभागअब्भहिए वा संखेज्जभागअब्भहिए वा संखेज्जगुणअब्भहिए वा असंखेज्जगुणअब्भहिए वा। ठितीए सिय हीणे सिय तुल्ले सिय अब्भहिए-जति हीणे असंखेज्जभा गहीणे वा संखेज्जभागहोणे वा संखेज्जगुणहीणे वा असंखेज्जगुणहीणे वा। अह अब्भहिए असंखेज्जभागअन्भहिए वा संखेज्जभागअन्भहिए वा संखेज्जगुणअब्भहिए वा असंखेज्जगुणअब्भहिए वा। वण्ण-गंध-रस-फासपज्जवेहिं तिहिं णाणेहि तिहि अण्णाणेहिं तिहिं दंसणेहि छट्ठाणवडिते। से तेणढेणं गोयमा ! एवं वुच्चति-अजहण्णुक्कोसोगाहणगाणं नेरइयाणं अणंता पज्जवा पण्णत्ता।
३३. जहण्णद्वितीयाणं भंते ! नेरइयाणं केवतिया पज्जवा पण्णता ? गोयमा ! अणता पज्जवा पण्णत्ता ॥
३४. से केणट्टेणं भंते ! एवं वुच्चइ-जहण द्वितीयाणं ने रइयाणं अणंता पज्जवा पण्णत्ता ? गोयमा ! जहण्णद्वितीए नेरइए जहण्ण द्वितीयस्स ने रइयस्स दव्वट्ठयाए तुल्ले । पदेसट्ठयाए तुल्ले । ओगाहणट्ठयाए चउट्ठाणवडिते। ठितीए तुल्ले। वण्ण-गंध-रस-फासपज्जवेहि तिहिं णाणेहिं तिहि अण्णाणेहि तिहि राणेहि य छट्ठाणवडिते ।।
३५. एवं उक्कोसट्ठितीए वि। अजहण्णमणुक्कोसद्वितीए' वि एवं चेव, णवरं--- सट्ठाण चउट्ठाणवडिते ।।
३६. जहण्णगुणकालाणं भंते ! नेरइयाणं केवतिया पज्जवा पण्णत्ता ? गोयमा ! अणंता पज्जवा पण्णत्ता ।।
३७. से केणठेणं भंते ! एवं वुच्चति-जहण्ण गुणकालयाण ने रइयाणं अणंता पज्जवा पण्णत्ता ? गोयमा ! जहण्णगुणकालए ने रइए जहणगुणकालगस्स नेरइयस्स १. अजहष्णुक्कोस (ध,पु)।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |