Page Text
________________
११४
पण्णवणासुत्तं
८. एवं जहा नेरइया जहा' असुरकुमारा तहा नागकुमारा वि जाव थणियकुमारा ।। एगिदियाणं पज्जव-पदं
६. पुढविकाइयाणं भंते ! केवतिया पज्जवा पण्णत्ता ? गोयमा ! अणंता पज्जवा पण्णत्ता॥
१०. से केणठेणं भंते ! एवं वुच्चति -- पुढविकाइयाणं अणंता पज्जवा पण्णत्ता ? गोयमा ! पुढविकाइए पुढविकाइयस्स दव्वट्ठयाए तुल्ले । पदेसट्टयाए तुल्ले । ओगाहणट्टयाए सिय हीणे सिय तुल्ले सिय अब्भहिए- जदि होणे असंखेज्जभागहीणे वा संखेज्जभागहोणे वा संखेज्जगुणहीणे वा असंखेज्जगुणहीणे वा । अह अब्भहिए असंखेज्जभागअन्भहिए वा संखेज्जभागअब्भहिए वा संखेज्जगुणअब्भहिए वा असंखेज्जगुणअब्भहिए वा । ठितीए सिय हीणे सिय तुल्ले सिय अब्भहिए-जदि हीणे असंखेज्जभागहीणे वा संखेज्जभागहीणे वा संखेज्जगुणहीणे वा। अह अन्भहिए असंखेज्जभागअब्भहिए वा संखेज्जभागअब्भहिए वा संखेज्जगुणअब्भहिए वा । वणेहिं गंधेहिं रसेहि फासेहि, मतिअण्णाणपज्जवेहि सुयअण्णाणपज्जवेहिं अचक्खुदंसणपज्जवेहि छट्ठाणवडिते॥
११. आउकाइयाणं भंते ! केवतिया पज्जवा पण्णत्ता ? गोयमा! अगंता पज्जवा पण्णत्ता ।।
१२. से केणठेणं भंते ! एवं वुच्चति-आउकाइयाणं अणंता पज्जवा पण्णता ? गोयमा! आउकाइए आउकाइयस्स दवट्ठयाए तुल्ले। पदेसट्टयाए तुल्ले । ओगाहणट्ठयाए चउट्ठाणवडिते। ठितीए तिट्टा वडिते । वण्ण-गंध-रस-फास-मतिअण्णाण-सुतअण्णाणअचक्खुदंसणपज्जवेहि य छट्ठाणवडिते ।।
१३. ते उकाइयाणं पुच्छा । गोयमा ! अणंता पज्जवा पण्णत्ता ।।
१४. से केणठेणं भंते! एवं वुच्चति-तेउकाइयाणं अणंता पज्जवा पण्णत्ता ? गोयमा ! तेउकाइए तेउकाइयस्स दव्वट्ठयाए तुल्ले । पदेसट्ठयाए तुल्ले । ओगाहणट्ठयाए चउट्ठाणवडिते । ठितीए तिट्ठाणवडिते । वण्ण-गंध-रस-फास-मतिअण्णाण-सुयअण्णाणअचक्खुदंसणपज्जवेहि य छट्ठाणवडिते ॥
१५. वाउकाइयाणं पूच्छा। गोयमा! वाउकाइयाणं अणंता पज्जवा पण्णत्ता॥
१६. से केणठेणं भते ! एवं वुच्चति -वाउकाइयाणं अणंता पज्जवा पण्णत्ता ? गोयमा ! वाउकाइए वाउकाइयस्स दवट्ठयाए तुल्ले । पदेसट्टयाए तुल्ले । ओगाहणट्ठयाए चउट्ठाणवडिते । ठितीए तिट्ठाणवड़िते । वण्ण-गंध-रस-फास-मतिअण्णाण-सुयअण्णाणअचक्खुदंसणपज्जवेहि य छट्ठाणवडिते॥
१७. वणस्सइकाइयाणं भंते ! केवतिया प्रज्जवा पण्णत्ता ? गोयमा ! अणंता पज्जवा पण्णत्ता।
१८. से केणटठेणं भंते ! एवं वच्चति-वणस्सइकाइयाणं अणता पज्जवा पण्णत्ता ! गोयमा ! वणस्सइकाइए वणस्सइकाइयस्स दबट्ठयाए तुल्ले । पदेसट्ठयाए तुल्ले । ओगाहणठ्याए चउट्ठाणवड़िते । ठितीए तिट्ठाणवडिए । व-गंध-रस-फास-मतिअण्णाण
१. तहा (क) ।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |