Page Text
________________
१४
पण्णवणासुतं वा बहया वा तुल्ला वा विसेसाहिया वा ? गोयमा ! सव्वत्थोवे पोग्गल त्थिकाए दवट्टयाए, से चेव पदेसट्टयाए असंखेज्जगुणे ।।।
१२१. अद्धासमए ण पुच्छिज्जइ पदेसाभावा ।।
१२२. एतेसि णं भंते ! धम्मत्थिकाय-अधम्मत्थिकाय-आगासत्थिकाय-जीवत्थिकायपोग्गलत्थिकाय-अद्धासमयाण दवट्ठ-पदेसट्टताए कतरे कतरेहितो अप्पा वा बहुया वा तुल्ला वा विसेसा हिया वा ? गोयमा ! धम्मत्थिकाए अधम्मत्थिकाए आगासस्थिकाए य एते णं तिणि वि तुल्ला दध्वट्ठयाए सव्वत्थोवा, धम्म स्थिकाए अधम्मस्थिकाए य एते णं दोगिण वि तल्ला पदेसताए असंखेज्जगणा, जीवत्थिकाए दवट्रयाए- अणंतगणे, से चेव पदेसटताए असंखेजगणे, पोग्गलत्थिकाए दव्वट्टयाए अणंतगुणे, से चेव पदेसटुयाए असंखेज्जगणे, अद्धासमए 'दव्वट्ठ-पदेसट्टयाए" अणंतगुणे, आगासत्थिकाए पएसट्टयाए अणंलगुणे ।। चरिम-पदं
१२३. एतेसि ण भंते ! जीवाणं चरिमाणं अचरिमाण य कतरे कतरेहितो अप्पा वा वहया वा तुल्ला वा विसेसाहिया वा ? गोयमा ! सव्वत्थोवा जीवा अचरिमा, चरिमा अणंतगणा ।। जीव-पदं
१२४. एतेसि णं भंते ! जीवाणं पोग्गलाणं अद्धासमयाणं सव्वदव्वाणं सव्वपदेसाणं सव्वपज्जवाण य कतरे कतरेहितो अप्पा वा बहुया वा तुल्ला वा विसेसाहिया वा? गोयमा ! सम्वत्थोवा जीवा, पोग्गला अणंतगुणा, अद्धासमया अणंतगुणा, सव्वदव्वा विसेसाहिया, सव्वपदेसा अणंतगुणा, सव्वपज्जवा अणंतगणा ॥ खेत्त-पदं
१२५. खेत्ताणुवाएणं सव्वत्थोवा जीवा उड्ढलोय-तिरियलोए, अहेलोय-तिरियलोए विसेसाहिया, तिरियलोए असंखेज्जगुणा, तेलोक्के असंखेज्जगुणा, उड्ढलोए असंखेज्जगुणा, अहेलोए विसेसाहिया ॥
१२६. खेत्ताणुवाएणं सव्वत्थोवा नेरइया तेलोक्के, अहेलोय-तिरियलोए असंखेज्जगुणा, अहेलोए असंखेज्जगुणा ॥
१२७. खेत्ताणुवाएणं सव्वत्थोवा तिरिवखजोणिया उड्डलोय-तिरियलोए, अहेलोयतिरियलोए विसेसाहिया, तिरियलोए असंखेज्जगुणा, तेलोक्के असंखेज्जगुणा, उड्ढलोए असंखेज्जगुणा, अहेलोए' विसेसाहिया ।।
१२८. खेत्ताणुवाएणं सव्वत्थोवाओ तिरिक्खजोणिणीओ उड्ढलोए, उड्ढलोयतिरियलोए असंखेज्जगणाओ, तेलोक्के संखेज्जगुणाओ, अहेलोय-तिरियलोए संखेज्जगुणाओ, अहेलोए संखेज्जगुणाओ, तिरियलोए संखेज्जगुणाओ॥ १. दव्वट्टयाए (ख): पूर्वसूत्रे 'पदेसाभावा' इति लभ्यते । उल्लिखितमस्ति, तेन 'अपदेसट्टयाए' इति पाठः २. अहोलोए (ग); अधेलोए (घ); प्रायः सम्भाव्यते । अत्र अकारो लुप्तो दृश्यः । सर्वत्र । क्वचिद् 'दव्वट्ठ-अपदेसट्ठयाए' इति पाठोपि
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |