Page Text
________________
पण्णवणासुतं अपज्जत्तगा विसेसाहिया, सुहमवाउकाइया अपज्जत्तगा विसेसाहिया, सुहुमतेउकाइया पज्जत्तगा संखेज्जगुणा, सुहुमपुढविकाइया पज्जत्तगा विसेसाहिया, सुहुमआउकाइया पज्जत्तगा विसेसा हिया, सुहुमवाउकाइया पज्जत्तगा विसेसाहिया, सुहुमनिगोदा अपज्जत्तगा असंखेज्जगुणा, सुहुमनिगोदा पज्जत्तगा संखेज्जगुणा, सुहुमवणस्सइकाइया अपज्जत्तगा अणंतगुणा, सुहुमा अपज्जत्तगा विसेसाहिया, सुहुमवणस्सइकाइया पज्जत्तगा संखेज्जगुणा, सुहमा पज्जत्तगा विसेसाहिया, सुहमा विसेसाहिया ॥
७२. एतेसि णं भंते ! बादराणं बादरपुढविकाइयाणं बादरआउकाइयाणं वादरतेउकाइयाणं बादरवाउकाइयाणं बादरवणस्सइकाइयाणं पत्तेयसरीरवादरवणस्सइकाइयाणं बादरनिगोदाणं बादरतसकाइयाण य कतरे कतरेहितो अप्पा वा बहुया वा सुल्ला वा विसेसाहिया वा? गोयमा ! सव्वत्थोवा वादरतसकाइया, बादरा तेउकाइया असंखेज्जगणा, पत्तयसरीरवादरवणस्सइकाइया असंखेज्जगूणा, बादरा निगोदा असंखेज्जगुणा, बादरपूढविकाइया असंखेज्जगणा, बादरआउकाइया असंखेज्जगुणा, बादरवाउकाइया असंखेज्जगणा, बादरवणस्सइकाइया अणंतगुणा, बादरा विसेसाहिया ।।
७३. एतेसि णं भंते ! बादरअपज्जत्तगाणं बादरपुढविकाइयअपज्जत्तगाणं बादरआउ. काइयअपज्जत्तगाणं बादरतेउकाइयअपज्जत्तगाणं बादरवाउकाइयअपज्जत्तगाणं बादरवणस्सइकाइयअपज्जत्तगाणं पत्तेयसरीरबादरवणस्सइकाइयअपज्जत्तगाणं वादरनिगोदापज्जत्तगाणं बादरतसकाइयापज्जत्तागाण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा बादरतसकाइया अपज्जत्तगा, बादरतेउकाइया अपज्जत्तगा असंखेज्जगुणा, पत्तेयसरीरवादरवणस्सइकाइया अपज्जत्तगा असंखेज्जगुणा, बादरनिगोदा अपज्जत्तगा असंखेज्जगुणा, वादरपुढविकाइया अपज्जत्तगा असंखेज्जगुणा, बादरआउकाइया अपज्जत्तगा असंखेज्जगुणा, बादरवाउकाइया अपज्जत्तगा असंखेज्जगुणा, वादरवणस्सइकाइया अपज्जत्तगा अणंतगुणा, बादरा अपज्जत्तगा विसेसाहिया ।।
७४. एतेसि णं भंते! वादरपज्जत्तयाणं वादरपुढविकाइयपज्जत्तयाणं बादरआउकाइयपज्जत्तयाणं बादरतेउकाइयपज्जत्तयाणं वादरवाउकाइयपज्जत्तयाणं बादरवणस्सइकाइयपज्जत्तयाणं पत्तेयसरीरवादरवणस्सइकाइयपज्जत्तयाणं बादरनिगोदपज्जत्तयाणं बादरतसकाइयपज्जत्तयाण य कतरे कतरेहितो अप्पा वा बहुय! वा तुल्ला वा विसेसाहिया वा? गोयमा ! सव्वत्थोवा वादरते उक्काइया पज्जत्तया, बादरतसकाइया पज्जत्तया असंखेज्जगुणा, पत्तेयसरीरवादरवणस्सइकाइया पज्जत्तगा असंखेज्जगुणा, बादरनिगोदा पज्जत्तगा असंखेज्जगुणा, बादरपुढविकाइया पज्जत्तगा असंखेज्जगुणा, बादरआउकाइया पज्जत्तगा असंखेज्जगुणा, बादरवाउकाइया पज्जत्तगा असंखज्जगुणा, वादरवणस्सइकाइया पज्जत्तगा अणंतगणा, बादरा पज्जत्तया विसेसाहिया।
७५. एतेसि णं भंते ! वादराणं पज्जत्तापज्जत्ताणं' कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा वादरा पज्जत्तगा, बादरा अप्पज्जत्तगा असंखेज्जगुणा ॥ १. पज्जत्तापज्जत्तयाणं (ख)।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |