Page Text
________________
विइयं ठाणपर्य
जाव' उप्पइत्ता, एत्थ णं महासुक्के णामं कप्पे पण्णत्ते-पाईण-पडीणायए उदीणदाहिण वित्थिपणे जहा' बंभलोए, णवरं-चत्तालीसं विमाणावाससहस्सा भवंतीति मक्खातं । वडेंसगा जहा सोहम्मवडेंसगा, णवरं-मज्झे यत्थ महासुक्कवडेंसए जाव विहरति । महासुक्के यत्थ देविदे देवराया जहा सणंकुमारे, णवरं-चत्तालीसाए विमाणावाससहस्साणं चत्तालीसाए सामाणियसाहस्सीणं चउण्ह य चत्तालीसाणं आयरक्खदेवसाहस्सीणं जाव' विहरति ।।।
५७. कहि णं भंते ! सहस्सारदेवाणं पज्जत्तापज्जत्ताणं ठाणा पण्णता ? कहि णं भंते ! सहस्सारदेवा परिवसंति ? गोयमा ! महासुक्कस्स कप्पस्स उप्पि सपक्खि सपडिदिसिं जाव' उपपइत्ता, एत्थ णं सहस्सारे णामं कप्पे पण्णत्ते-पाईण-पडीणायते जहां बंभलोए, णवरं । छव्विमाणावाससहस्सा भवंतीति मक्खातं । देवा तहेव जाव वडेंसगा जहा" ईसाणवडेंसगा", णवरं-~मज्झे यत्थ सहस्सारवडेंसए जाव" विहरंति ।। सहस्सारे यत्थ देविदे देवराया परिवसति जहा" सणंकुमारे, गवरं-छण्हं विमाणावाससहस्साणं तीसाए सामाणियसाहस्सीणं च उण्ह य तीसाए आयरक्खदेवसाहस्सीणं जाव" आहेबच्चं कारेमाणे विहरति ।।
५८. कहि णं भंते ! आणय-पाणयाणं देवाणं पज्जतापज्जत्ताणं ठाणा पण्णत्ता? कहि णं भंते ! आणय-पाणया देवा परिवसंति ? गोयमा! सहस्सारस्स कप्पस्स उप्पि सपक्खि सपडिदिसिं जाव" उप्पइत्ता, एत्थ णं आणय-पाणयनामेणं दुवे कप्पा पण्णत्तापाईण-पडीणायता उदीण-दाहिणवित्थिण्णा अद्धचंदसंठाणसंठिता अच्चिमाली-भासरासिप्पभा, सेसं जहा सणंकुमारे" जाव पडिरूवा। तत्थ णं आणय-पाणयदेवाणं चत्तारि विमाणावाससता भवंतीति मक्खायं जाव" पडिरूवा। वडिसगा जहा सोहम्मे, णवरं-- मज्झे पाणयव.सए । ते णं वडेंसगा सव्वरयणामया अच्छा जाव" पडिरूवा, एत्य णं आणयपाणयदेवाणं पज्जत्तापज्जत्ताणं ठाणा पण्णत्ता । तिसु वि लोगस्स असंखेज्जइभागे । तत्थ णं वहवे आणय-पाणयदेवा परिवसंति-महिड्डीया जावर पभासेमाणा। ते णं तत्थ साणंसाणं विमाणावाससयाणं जाव विहरंति । पाणए यत्थ देविदे देवराया परिवसति जहा सणंकुमारे, णवरं-चउण्हं विमाणावाससयाणं वीसाए सामाणियसाहस्सीणं असीतीए आयरक्खदेवसाहस्सीणं अण्णेसिं च वहूर्ण जाव" विहरति ॥
५६. कहि णं भंते ! आरणच्चुताणं देवाणं पज्जत्तापज्जत्ताणं ठाणा पण्णता ? कहि गं भंते ! आरणच्चुता देवा परिवसंति? गोयमा! आणय-पाणयाणं कप्पाणं १. प० २१५२ । ६. प० २१५४ ।
१६,१७. ५० २०५२ 1 २. पायीण (क,ख,घ)। १०.५० २१५०।
१८. प० २।४६ । ३. प० २।५४ । ११. प० २१५१ ।
१६. प० २०५०। ४,५. प० २।५०।
१२. ईसाणस्स वडेंसगा (ख)। २०,२१. प० २।४६ । ६.५० १५२। १३. प० २५०
२२. प०४६। ७. प०२।५०1 १४. प० ।५२।
२३. प० २१५२। ८.प. २०५२। १५. प० २१५०
२४. प० २१५०।
Jain Education International
For Private & Personal Use Only
www.jainelibrary.org
| SR No. | 003571 |
| Book Title | Agam 15 Upang 04 Pragnapana Sutra Pannavanna Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 745 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 14 MB |