Agam 14 Upang 03 Jivabhigam Sutra Jivajivabhigame Terapanth

SR No.: 003570
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 639
Language: Prakrit
Classification: Book_Devnagari, Agam, Canon, & agam_jivajivabhigam
File Size: 13 MB

Page 78

२१६
जीवाजीवाभिगमे
वण्णपरिणया गंधपरिणया रसपरिणया फासपरिणया संठाणपरिणया। 'जे वण्णपरिणता ते पंचविहा पण्णत्ता, तं जहा-कालवण्णपरिणता नीलवण्णपरिणता लोहियवण्णपरिणता हालिद्दवण्णपरिणता सुक्किलवण्णपरिणता। जे गंधपरिणता ते दुविहा पण्णत्ता, तं जहा-सुब्भिगंधपरिणता य दुठिभगंधपरिणता य ! जे रसपरिणता ते पंचविहा पण्णत्ता, तं जहा–तित्तरसपरिणता कडुयरसपरिणता कसायरसपरिणता अंबिल रसपरिणता महुररसपरिणता। जे फासपरिणता ते अट्टविहा पण्णत्ता, तं जहा-कक्खडफासपरिणता मउयफासपरिणता गरुयफासपरिणता लहुयफासपरिणता सीयफासपरिणता उसिणफासपरिणता निद्धफासपरिणता लुक्खफासपरिणता। जे संठाणपरिणता ते पंचविहा पण्णत्ता, तं जहा--परिमंडलसंठाणपरिणता वट्टसंठाणपरिणता तंससंठाणपरिणता चउरंससंठाणपरिणता आयतसंठाणपरिणता"। एवं ते जहा पण्णवणाए। सेत्तं रूविअजीदाभिगमे । सेत्तं अजीवाभिगमे ।। जीवाभिगम-पदं
६. से किं तं जीवाभिगमे ? जीवाभिगमे दुविहे पण्णत्ते, तं जहा--संसारसमावण्णजीवाभिगमेय असंसारसमावण्णजीवाभिगमे य।
७. से कि तं असंसारसमावण्णजीवाभिगमे ? असंसारसमावण्णजीवाभिगमे दुविहे पण्णत्ते, तं जहा-अणंतरसिद्धासंसारसमावग्णजीवाभिगमे य परंपरसिद्धासंसारसमावण्णजीवाभिगमे य॥
८. से कि तं अणंतरसिद्धासंसारसमावण्णजीवाभिगमे ? अणंतरसिद्धासंसारसमावण्णजीवाभिगमे पण्णरसदिहे पण्णत्ते, तं जहा–तित्थसिद्धा अतित्थसिद्धा तित्थगरसिद्धा अतित्थगरसिद्धा सयंबुद्धसिद्धा पत्तेयबुद्धसिद्धा बुद्धवोहियसिद्धा इत्थीलिंग सिद्धा पुरिसलिंगसिद्धा नपुंसकलिंगसिद्धा सलिंगसिद्धा अण्णलिंगसिद्धा गिहिलिंगसिद्धा एगसिद्धा अणेगसिद्धा । सेत्तं अणंतरसिद्धा ।।
६. मे किं तं परंपरसिद्धासंसारसमावण्णजीवाभिगमे ? परंपरसिद्धासंसारसमावण्णजीवाभिगमे अणेगविहे पण्णत्ते, तं जहा-अपढमसमयसिद्धा-दुसमयसिद्धा जाव अणंतसमयसिद्धा। से तं परंपरसिद्धासंसारसमावण्णजीवाभिगमे । सेत्तं असंसारसमावण्णजीवाभिगमे ।।
१०. से किं तं संसारसमावण्णजीवाभिगमे ? संसारसमावण्णएसु णं जीवेसु इमाओ णव पडिवत्तीओ एवमाहिज्जति, तं जहा--- १. एगे एवमाहंसु-दुविहा संसारसमावण्णगा जीवा पप्णत्ता । २. एगे एवमाहंसु-तिविहा संसारसमावण्णगा जीवा पण्णत्ता। ३. एगे एवमाहंसु--चउव्विहा संसारसमावण्णगा जीवा पण्णत्ता। १. एतावान् पाठः आदर्शेषु नास्ति, किन्तु ३. समावण्णगजीवाभिगमे (क, ख, ग, ८) प्रज्ञापनातः (१।४) पूरितोस्ति ।
सर्वत्र। २. पण्ण० ११४-६
४. सं० पा०--तित्थसिद्धा जाव अणेगसिद्धा।