Page Text
________________
तच्चा चउविहपडिवत्ती
४११
७६०. लवणस्स णं भंते ! समुदस्स केमहालए गोतित्थे पण्णत्ते ? गोयमा ! लवणस्स णं समुद्दस्स उभओपासिं पंचाणउति जोयणसहस्साई गोतित्थे पण्णत्ते ॥
७६१. लवणस्स णं भंते ! समुदस्स केमहालए गोतित्थविरहिते खेत्ते पण्णत्ते ? गोयमा ! लवणस्स णं समुदस्स दस जोयणसहस्साइं गोतित्थविरहिते खेत्ते पण्णत्ते ।।
७६२. लवणस्स णं भंते ! समुदस्स केमहालए उदगमाले पण्णत्ते ? गोयमा ! दस जोयणसहस्साई उदगमाले पण्णत्ते॥
७६३. लवणे णं भंते ! समद्दे किसंठिए पण्णत्ते ? गोयमा ! गोतित्थसंठिते नावासंठिते' सिप्पिसंपुडसंठिते अस्सखंधसंठिते' वल भिसंठिते वट्टे वलयागारसंठिते पण्णत्ते ।।
७६४. लवणे णं भंते ! समुद्दे केवतियं चक्कवाल विक्खंभेणं ? केवतियं परिक्खेवेणं ? केवतियं उन्हेणं ? केवतियं उस्सेहेणं ? केवतियं सव्वग्गेणं पण्णत्ते ? गोयमा ! लवणे णं समुद्दे दो जोयणसयसहस्साई चक्कवालविक्खं भेणं, पण्णरस जोयणसतसहस्साई एकासीति च सहस्साइं सतं च एगुणयालं' किंचिविसेसूर्ण परिवखेवेणं, एग जोयणसहस्सं उव्येधेणं, सोलस जोयणसहस्साई उस्सेहेणं, सत्तरस जोयणसहस्साई सव्वग्गेणं पण्णत्ते ।।
७६५. जइ णं भंते ! लवणसमुद्दे दो जोयणसतसहस्साई चक्कवालविक्खंभेणं, पण्णरस जोयणसतसहस्साई एकासीतिं च सहस्साइं सतं च एगुणयालं किंचि विसेसूणं परिक्खेवेणं, एग जोयणसहस्सं उव्वेहेणं, सोलस जोयणसहस्साई उस्सेधेणं, सत्तरस जोयणसहस्साई सव्वग्गेणं पण्णत्ते, कम्हा णं भंते ! लवणसमुद्दे जंबुद्दीवं दीवं नो ओवीलेति ? नो उप्पीले ति ? नो चेव णं एक्कोदगं करेति ? गोयमा ! जंबुद्दीवे णं दीवे भरहेरवएसु वासेसु अरहता चक्कवट्टी वलदेवा वासुदेवा चारणा विज्जाधरा समणा समणीओ सावया सावियाओ मणया पगतिभद्दया पगतिविणीया पगतिउवसंता पगति-पयणकोहमाणमायालोभा मिउमद्दवसंपन्ना अल्लीणा भद्दगा विणीता, तेसि णं पणिहाए लवणसमुद्दे जंबुद्दीवं दीवं नो ओवीलेति, नो उप्पीलेति, नो चेव णं एगोदगं करेति । चुल्ल हिमवंत-सिहरिसु वासहरपव्वतेसु देवा महिड्ढिया जाव पलिओवमद्वितीया परिवसंति, तेसि णं पणिहाए लवणसमुद्दे जंबुद्दीवं दीवं नो ओवीलेति, नो उप्पीलेति, नो चेव णं एगोदगं करेति।
१. णावासंठाणसंठिए (ग, त्रि)। २. आसखंध (क,ख, ग, ट, त्रि)। ३. इऊयालं (क); ऊयालं (ख, ता); इगुयालं
(ग)। ४. जम्हा (ता)। ५. x (ता, मव)। ६. x (मवृ)। ७. अतोने क, ख, ग, ट, त्रि' आदर्शेषु भिन्ना
वाचना विद्यते । तस्यां गङ्गासिन्ध्वादि नदीनां द्रहाणां मन्दरपर्वतस्य च यथास्थानं पाठभेदा विद्यन्ते । ते च यथास्थानं दर्शयिष्यामः । अत्र यथा-गंगासिंधु रत्तारत्तवईसु सलिलासु देवया महिड्ढीयाओ जाव पलिओवमट्टितीओ परिवसंति, तासि णं लवणसमुद्दे जाव नो चेव णं
एगोदगं करेति। ८. जी० ३१३४२ ।
Jain Education International
For Private & Personal Use Only
www.jainelibrary.org
| SR No. | 003570 |
| Book Title | Agam 14 Upang 03 Jivabhigam Sutra Jivajivabhigame Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 639 |
| Language | Prakrit |
| Classification | Book_Devnagari, Agam, Canon, & agam_jivajivabhigam |
| File Size | 13 MB |