Page Text
________________
३९८
जीवाजीवाभिगमे
जरसंठाणसंठिया खुड्डापायाला' पण्णत्ता। ते णं खुड्डापाताला एगमेगं जोयणसहस्सं उव्वेहेणं, मूले एगमेगं जोयणसतं विक्खं भेणं, मज्झे एगपदेसियाए सेढीए एगमेगं जोयणसहस्सं विक्खं भेणं, उप्पि मुहमूले एगमेगं जोयणसतं विक्खंभेणं ।।
७२७. तेसि णं खुड्डापायालाणं कुड्डा सव्वत्थ समा दसजोयणवाहल्ला' सव्ववइरामया अच्छा जाव पडिरूवा । तत्थ णं वहवे जीवा पोरगला य' 'अवक्कमति विउक्कमति चयंति उववज्जति । सासया णं ते कुड्डा दवट्ठयाए, वण्णपज्जवेहि गंधपज्जवेहिं रसपउजवेहि फासपज्जवेहि असासया, पत्तेयं-पत्तेय अद्धपलिओवमद्वितीयाहिं देवताहि परिग्गहिया ।।
७२८. तेसि णं खडापातालाणं 'पत्तेयं-पत्तेयं तओ तिभागा पण्णत्ता, तं जहा--- हेदिल्ले तिभागे मज्झिल्ले तिभागे उवरिल्ले तिभागे। ते णं तिभागा तिणि तेत्तीसे जोयणसते-जोयणसते जोयणतिभागं च बाहल्लेणं पण्णत्ता। तत्थ णं जेसे हेडिल्ले तिभागे, एत्थ णं वाउकाए संचिट्ठति, मझिल्ले तिभागे वाउआए आउयाए य संचिट्ठति, उवरिल्ले आउकाए संचिट्ठति । एवामेव सपुव्वावरेणं लवणसमुद्दे सत्त पायालसहस्सा अट्ठ य चुलसीता पातालसता भवंतीति मक्खाया ।।
७२६. तेसि णं 'खुड्डापातालाणं महापातालाण य" हेट्टिममज्झिमिलेसु तिभागेसु वहवे ओराला वाया संसेयंति संमुच्छंति 'एयंति वेयंति" चलंति 'घट्टति खुब्भंति फंदति उदीरेंति' तं तं भावं परिणमंति । जया णं तेसिं खुड्डापातालाणं महापातालाण य हेछिल्लमज्झिल्लेसु तिभागेसु वहवे ओराला वाया जाव तं तं भावं परिणमंति, तया णं से उदए उण्णामिज्जई। जया णं तेसिं खुड्डापायालाणं महापायालाण य हेढिल्ल मज्झिल्लेसु तिभागेसु नो वहवे ओराला जाव तं तं भावं न परिणमंति, तया णं से उदए नो उण्णामिज्जइ। अंतरावि य णं ते वाया उदीरेंति, अंतरावि य णं से उदगे उग्णामिज्जइ। अंतरावि य णं ते वाया नो उदीरेंति, अंतरावि य णं से उदगे णो उण्णामिज्जइ । एवं खलु गोयमा ! लवणे समुद्दे चाउद्दसट्ठमुद्दिठ्ठपुण्णमासिणीसु अइरेग-अइरेगं वड्ढति वा हायति वा ।।
७३०, लवणे णं भंते ! समुद्दे तीसाए मुहत्ताणं कतिखुतो अतिरेगं-अतिरेगं वड्ढति वा हायति वा ? गोयमा ! लवणे णं समुद्दे तीसाए मुहुत्ताणं दुक्खुत्तो अतिरेग-अतिरेगं वड्ढति वा हायति वा ॥
७३१. से केपट्टेणं भंते ! एवं वुच्चइ-लवणे णं समुद्दे तीसाए मुहत्ताणं दुक्खत्तो अइरेग-अइरेग वड्ढइ वा हायइ वा ? गोयमा ! उद्धमंतेसु पायालेसु वड्ढइ आपूरतेसु पायालेसु हायइ । से तेणठेणं गोयमा ! एवं वुच्चइ-लवणे णं समुद्दे तीसाए मुहत्ताणं दुक्खुत्तो अइरेग-अइरेगं वड्ढइ वा हायइ वा ।। १. पायालकलसा (क, ख, ग, त्रि, मव)। ट, त्रि)। २. दसजोयणाई बाहरूलेण पण्णत्ता (क, ख, ग, ट, ६. कालिका (ता)।
त्रि); दश दश योजनानि बाहल्यतः (मव)। ७. x (मव)। ३. सं० पा०-पोग्गला य जाव असासयावि। ८. कंपति खुब्भंति घट्टति फंदति (क, ख, ग, ट, ४. ४ (क, ख, ग, ट, त्रि)।
त्रि) ५. महापातालाणं खुड्डगपातालाण य (क, ख, ग, ६. उण्णाहिज्जति (क, ख, ग, ता) सर्वत्र ।
Jain Education International
For Private & Personal Use Only
www.jainelibrary.org
| SR No. | 003570 |
| Book Title | Agam 14 Upang 03 Jivabhigam Sutra Jivajivabhigame Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 639 |
| Language | Prakrit |
| Classification | Book_Devnagari, Agam, Canon, & agam_jivajivabhigam |
| File Size | 13 MB |