Page Text
________________
जीवाजीवाभिगमे
दलइत्ता कयग्गाहग्गहियकरतलपब्भट्ठविमुक्केणं दसद्धवण्णेणं कुसुमेणं पुप्फपुंजोवयारकलियं करेति, करेत्ता धूवं दलयति, दल इत्ता
४५६. जेणेव सिद्धायतणस्स दाहिणिल्ले दारे तेणेव उवागच्छति, उवागच्छित्ता लोमहत्थयं गेण्हइ, गेण्हित्ता दारचेडीओ य सालभंजियाओ य वालरूवए य लोमहत्थएणं पमज्जति, पमज्जित्ता दिव्वाए दगधाराए अब्भुक्खति, अब्भुक्खित्ता सरसेणं गोसीसचंदणेणं चच्चए दलयति, दल इत्ता पुप्फारुहणं जाव' आभरणारुहणं करेति, करेत्ता आसत्तोसत्तविपुलवट्टवग्घारितमल्लदामकलावं करेति, करेत्ता कयग्गाहग्गहित- करतलपब्भट्टविमुक्केणं दसद्धवण्णेणं कुसुमेणं पुप्फ पुंजोक्यारकलितं करेति, करेत्ता धूवं दलयति, दलइत्ता
४६०. जेणेव 'दाहिणिल्ले दारे मुहमंडवे जेणेव दाहिणिल्लस्स" मुहमंडवस्स वहुमज्झदेसभाए तेणेव उवागच्छति, उवागच्छित्ता लोमहत्थगं परामसइ, परामसित्ता बहुमज्झदेसभागं लोमहत्थगेणं प्रमज्जति, पमज्जित्ता दिव्वाए दगधाराए अब्भुक्खेति, अब्भुक्खेत्ता सरसेणं गोसीसचंदणेणं पंचंगुलितलं मंडलगं आलिहति, आलिहित्ता कयग्गाह
गहियकरतलपब्भट्ठविमुक्केणं दसद्धवण्णेणं कुसुमेणं पुष्फपुंजोवयारकलितं करेति, करेत्ता धूवं दलयति, दलइत्ता- ४६१. जेणेव दाहिणिल्लस्स मुहमंडवस्स पच्चस्थिमिल्ले दारे तेणेव उवागच्छति, उवागच्छित्ता लोमहत्थगं परामुसति, परामु सित्ता दारचेडीओ य सालभंजियाओ य वालरूवए य लोमहत्थगेणं पमज्जति, पमजित्ता दिव्वाए दगधाराए अब्भुक्खति, अब्भुक्खित्ता सरसेणं गोसीसचंदणेणं 'चच्चए दलयति, दलइत्ता पुप्फारुहणं जाव आभरणारहणं करेइ, करेता आसत्तोसत्तविउलवट्टवग्घारियमल्लदामकलावं करेइ, करेत्ता कयग्गाहग्गहितकरतलपन्भट्ठविमुक्केणं दसद्धवण्णेणं कुसुमेणं पुष्फपुंजोवयारकलियं करेति, करेत्ता धूवं दलयति, दलइत्ता--
४६२. जेणेव दाहिणिल्लस्स मुहमंडवस्स उत्तरिल्ला' खंभपंती तेणेव उवागच्छति, उवागच्छित्ता लोमहत्थगं परामुसति, परामुसित्ता खंभे य सालभंजियाओ य वालरूवए य लोमहत्थगेणं पमज्जति, पमज्जित्ता दिव्वाए दगधाराए अब्भुक्खति, अब्भुक्खित्ता सरसेणं गोसीसचंदणेणं चच्चए दलयति, दल इत्ता पुप्फारुहणं जाव आभरणारहण करेइ, करेत्ता आसत्तोसत्तविउलवट्टवग्धारियमल्लदामकलावं करेइ, करेत्ता कयग्गाहग्गहियकरतलपन्भट्ठविमुक्केणं दसद्धवणेणं कुसुमेणं पुप्फपुंजोवयारकलियं करेइ, करेत्ता धूवं दलयति दलइत्ता---
४६३. जेणेव दाहिणिल्लस्स मुहमंडवस्स पुरथिमिल्ले दारे तं चेव सव्वं भाणियव्वं १. मुक्कपुप्फ (क, ख, ग, ट, त्रि)।
६. पंचंगुलितलेणं (क, ख, म, ट, त्रि)। २. दारविग्गओ (क, ख, ट) सर्वत्र ।
७. सं० पा०-कयग्गाह जाव धूवं । ३. जी० ३१४५५।
८. सं० पा०—गोसीसचंदणेणं जाव चच्चए ४. सं० पा०कयग्गाहग्गहित जाव पुंजोवयार. दलयति आसत्तोसत्तकयग्गाह धूवं । कलितं ।
६. उत्तरिल्लाणं (ग, ट)। ५. x (क, ख, ग, ट, त्रि)।
Jain Education International
For Private & Personal Use Only
www.jainelibrary.org
| SR No. | 003570 |
| Book Title | Agam 14 Upang 03 Jivabhigam Sutra Jivajivabhigame Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 639 |
| Language | Prakrit |
| Classification | Book_Devnagari, Agam, Canon, & agam_jivajivabhigam |
| File Size | 13 MB |