Agam 14 Upang 03 Jivabhigam Sutra Jivajivabhigame Terapanth

SR No.: 003570
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 639
Language: Prakrit
Classification: Book_Devnagari, Agam, Canon, & agam_jivajivabhigam
File Size: 13 MB

Page 191

तच्चा चउविहपडिवत्ती
३२६
अदुत्तरं च णं गोयमा ! विजयस्स णं दारस्स सासए णामधेज्जे पण्णत्ते-जं ण कयाइ णासि ण कयाइ णत्थि ण कयाइ ण भविस्सइ, 'भुवि च भवति य भविस्सति य धुवे णियए सासए अक्खए° अवट्ठिए णिच्चे" ।।
विजयाए रायहाणीए अधिकारो ३५१. कहि णं भंते ! विजयस्स देवस्स विजया णाम रायहाणी पण्णत्ता ? गोयमा ! विजयस्स णं दारस्स पुरत्थिमेणं तिरियमसंखेज्जे दीवसमुद्दे वीतिवतित्ता अण्ण मि जंबुट्टीवे दीवे वारस जोयणसहस्साइं ओगाहित्ता, एत्थ णं विजयस्स देवस्स विजया णाम रायहाणी पण्णत्ता-वारस जोयणसहस्साइं आयाम-विक्खंभेणं, सत्ततीसं जोयणसहस्साई नव य अडयाले जोयणसए किचिविसेसाहिया परिक्खेवेणं पण्णत्ता।।
___३५२. सा णं एगेणं पागारेणं सव्वतो समंता संपरिक्खित्ता । से णं पागारे सत्तसीसं जोयणाई अद्धजोयणं च उड्ढं उच्चत्तेणं, मूले अद्धतेरस जोयणाइं विक्खंभेणं, मज्झे 'सक्कोसाइं छ" जोयणाई विक्खंभेणं, उप्पि तिष्णि सद्धकोसाइं जोयणाइं विक्खंभेणं, मुले विच्छिण्णे मझे संखित्ते उप्पि तणुए बाहिं वट्टे अंतो चउरंसे गोपुच्छसंठाणसंठिते सव्वकणगामए अच्छे जाव पडिरूवे ।। ___३५३. से णं पागारे णाणाविहपंचवर्णेहिं कविसीसएहिं उवसोभिए, तं जहा-किण्हेहिं जाव सुक्किलेहिं । ते णं कविसीसका अद्धकोसं आयामेणं, पंचधणुसताइं विक्खंभेणं, देसोणमद्धकोसं उड्ढं उच्चत्तेणं, सव्वमणिमया अच्छा जाव पडिरूवा ॥
३५४. विजयाए णं रायहाणीए एगमेगाए बाहाए पणुवीसं-पणुवीसं दारसतं भवतीति मक्खायं । ते णं दारा वावटुिं जोयणाई अद्धजोयणं च उड्ढं उच्चत्तेणं, एक्कतीसं जोयणाई कोसं च विक्खंभेणं', तावतियं चेव पवेसेणं, सेता वरकणगथूभियागा 'वण्णओ जाव' वणमालाओ।
३५५. तेसि णं दाराणं उभओ पासिं दुहओ णिसीहियाए दो-दो पगंठगा पण्णत्ता। ते गं पगंठगा एक्कतीसं जोयणाई कोसं च आयाम-विक्खंभेणं, पन्नरस जोयणाई अड्ढाइज्जे य कोसे बाहल्लेणं पण्णता सव्ववइरामया अच्छा जाव पडिरूवा । तेसि णं पगंठगाणं उप्पि पत्तेयं-पत्तेयं पासायवडेंसगा पण्णत्ता ! ते णं पासायवडेंसगा एक्कतीसं जोयणाई
१. सं० पा० --भविस्सइ जाव अवदिए । २. चिह्नाङ्कितः पाठः 'ता' प्रती मलयगिरिवृत्तौ च
नैव लभ्यते । शान्तिचन्द्रसूरिणा जम्बूद्वीपप्रज्ञप्तिवृत्तौ (पत्र ६३) एतस्य सूत्रस्य विषये एवं टिप्पणी कृतास्ति-एतत् सूत्रं वृत्तावदृष्टव्याख्यानमपि जीवाभिगमसूत्रबहादशेष दृष्टस्वाल्लिखितमस्तीति । ३. छ सकोसाई (क, ख, ट, ता) ! ४. देसूर्ण अद्ध (क, ख, ट, ता)।
५. आयामविक्खंभेणं (क, ख, ट, ता)। ६. जी० ३।३००-३०६ । ७. ईहामिय तहेव जहा विजए दारे जाव तवणिज्ज
वालुगपत्थडा सुहफासा सस्सिरीया सरूवा पासादीया ४ तेसि णं दाराणं उभयो पासिं दुहओ णिसीहियाए दो-दो चंदणकलसपरिवाडीओ पण्णत्ताओ तहेव भाणियन्वं जाव वणमालाओ (क, ख, ग, ट, त्रि)।