Page Text
________________
जीवाजीवाभिगमे
परिहत्थभमंत मच्छकच्छभ-अणेगसउणमिहुण पविचरिय-सदुष्णइयमहुरसरणाइयाओ' पत्तेयंपत्तेयं पउमवरवे दियापरिक्खित्ताओ पत्तेयं पत्तेयं वणसंडपरिक्खित्ताओ अप्पेगतियाओ आसवोदाओ अप्पेगतियाओ वारुणोदाओ अप्पेगतियाओ खीरोदाओ अप्पेगतियाओ धओदाओ अध्येगतियाओ खोदोदाओ अप्पेगतियाओ अमयरससमरसोदाओ अप्पेगतियाओ 'पगतीए उदगरसेणं पण्णत्ताओ" पासाइयाओ दरिसणिज्जाओ अभिरुवाओ पडिरूवाओं ॥
२८७. तासि णं खुड्डा खुड्डियाणं वावीणं जाव विलपतियाणं 'पत्तेयं पत्तेयं चउद्दिसि चत्तारि" तिसोवाणपडिरूवगा पण्णत्ता । तेसि णं तिसोवाणपडिरूवगाणं अयमेयारूवे वण्णावासे पण्णत्ते, तं जहा -- वइरामया नेमा रिट्ठामया पतिद्वाणा वेरुलियामया खंभा सुवण्णरुप्पामया फलगा' लोहितक्खमईओ सूईओ वइरामया संधी णाणामणिमया अवलवणा अवलंबणवाहाओ पासाइयाओ दरिसणिज्जाओ अभिरूवाओ पडिरूवाओ ||
२८८. तेसि णं तिसोवाणपडिरूवगाणं पुरतो पत्तेयं पत्तेयं 'तोरणे पण्णत्ते । तेणं तोरणा नाणामणिमया णाणामणिमएसु खंभेसु उवणिविदुसण्णिविट्ठा विविहमुत्ततरोवचिया' विविहतारारूवोवचिया, ईहामिय उसभ तुरंग-पर-मगर- विहग वालग - किण्णर- रुरु- सरभचमर-कुंजर-वणलय-पउमलयभत्तिचित्ता खंभुग्गय वइरवे दियापरिगताभिरामा विज्जाहरजमलजुयल जंतजुताविव अच्चिसहस्समालणीया रूवगसहस्सकलिया भिक्षमाणा भिब्भिसमाणा चक्खुल्लोयण लेसा सुहफासा सस्सिरीयरूवा पासाइया दरिसणिज्जा अभिरुवा पडिरूवा ॥
२८६. तेसि णं तोरणाणं उप्पि अट्ठट्ठ मंगलगा पण्णत्ता, तं जहा- सोत्थियसिरिवच्छ दियावत्त- वद्धमाणग-भद्दासण- कलस-मच्छ-दप्पणा सव्वरयणामया अच्छा जाव" पडिरूवा ॥
३१६
२६०. तेसि णं तोरणाणं उप्पि बहवे किण्हचामरज्झया नीलचामरज्झया लोहियचामरज्झया हालिचामरज्झया सुक्किलचामरत्झया अच्छा सहा रुप्पपट्टा वइरदंडा जलयालगंधीया सुरूवा पासाइया दरिसणिज्जा अभिरुवा पडिरूवा ॥
२६१. तेसि णं तोरणाणं उप्पि बहवे छत्ताइछत्ता पडागाइपडागा घंटाजुयला चामरजुयला उप्पलहत्थगा 'पउम - णलिण- सुभग- सोगंधिय-पोंडरीय महापोंडरीय सतपत्त - सहस्स
१. मलयगिरिणा प्रस्तुतप्रकरणं 'सदुष्णइयमहुरसरणाइयाओ' इति पाठो नैव व्याख्यातः 'ता' प्रती एष पाठो विद्यते । वृत्तिकृता ३।११८ सूत्रे [वृत्ति पत्र १२३ ] एष व्याख्यात:; ३।८५७ सूत्रे [वृत्ति पत्र ३५०] चैष उद्धृतः । २. अमृतरसेन स्वाभाविकेन प्रज्ञप्ताः (मवृ) | ३. तत्थ तत्थ देते तहि तहिं जाव बहवे (क, ख, म, ट, त्रि); रायपसेणइयसूत्रे ( १७५) पि स्वीकृतपाठस्य संवादी पाठो विद्यते । ४. तिसोमाण' (ता, राय० सू० १७५ ) ।
Jain Education International
५. जेम्मा (क, ख, ता); जिम्मा ( ग ट ) | ६. फलहा (ता ) ।
७. तोरणा पण्णत्ता (क, ख, ग, टत्रि ) । ८. विविहमुत्तरोविया (मवृ); विविहमुत्तंतररूवोवचिया (राय० सू० २० ) ।
६. अतांचे रायपसेणइय सूत्रे ( २० ) इति पाठोस्ति -- घंटावलिचलियमहुरमणहरसरा ।' १०. उपि बहवे ( क, ख, ग, ट, त्रि); उवरि (ar) I
११. जी० ३।२६१ ।
For Private & Personal Use Only
www.jainelibrary.org
| SR No. | 003570 |
| Book Title | Agam 14 Upang 03 Jivabhigam Sutra Jivajivabhigame Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 639 |
| Language | Prakrit |
| Classification | Book_Devnagari, Agam, Canon, & agam_jivajivabhigam |
| File Size | 13 MB |