Page Text
________________
तच्चा चउग्विहपडिवत्ती
३०१ देवाधिकारो २३० से' किं तं देवा ? देवा चउव्विहा पण्णत्ता, तं जहा-भवणवासी वाणमंतरा जोइसिया बेमाणिया ।।
२३१. से किं तं भवणवासी? भवणवासी दसविहा पण्णत्ता। 'जहा पण्णवणापदे देवाणं भेदो तहा भाणियव्वो जाव सव्वट्ठसिद्धगा" ।।
२३२. कहि णं भंते ! भवणवासिदेवाणं भवणा पण्णत्ता ? कहि णं भंते ! भवणवासी देवा परिवसंति ? गोयमा ! इमीसे रयणप्पभाए पुढवीए असीउत्तरजोयणसयसहस्सबाहल्लाए, एवं जहा पण्णवणाए जाव' भवणा पासादीया दरिसणिज्जा अभिरूवा पडिरूवा, एत्थ णं भवणवासीणं देवाणं सत्त भवणकोडीओ बावतरि भवणावाससयसहस्सा भवंतित्तिमक्खाता। तत्थ णं बहवे भवणवासी देवा परिवसंति-असुरा नाग सुवण्णा य जहा पण्णवणाए जाव' विहरंति ॥
२३३. कहि णं भंते ! असुरकुमाराणं देवाणं भवणा पण्णत्ता ? पुच्छा। एवं जहा पण्णवणाठाणपदे जाव' विहरंति ।।
२३४. कहि णं भंते ! दाहिणिल्लाणं असुरकुमारदेवाणं भवणा पुच्छा । एवं जहा ठाणपदे जाव चमरे, एत्थ असुर कुमारिंदे असुरकुमारराया परिवसति जाव' विहरति ।
२३५. चमरस्स णं भंते ! असुरिंदस्स असुरकुमाररण्णो कति परिसाओ पण्णत्ताओ? गोयमा ! तओ परिसाओ पण्णत्ताओ, तं जहा-समिता चंडा जाया । अभितरिया समिता, मज्झिमिया" चंडा, बाहिरिया जाया ॥
२३६. चमरस्स णं भंते ! असुरिंदस्स असुरकुमाररण्णो अभितरियाए परिसाए कति 'देवसाहस्सीओ पण्णत्तओ१२ ? मज्झिमियाए परिसाए कति देवसाहस्सीओ पण्णताओ? वाहिरियाए परिसाए कति देवसाहस्सीओ पण्णत्ताओ? गोयमा ! चमरस्स णं असुरिंदस्स असुरकुमाररण्णो अभितरियाए परिसाए चउवीसं देवसाहस्सीओ पण्णत्ताओ, मज्झि मियाए परिसाए अट्ठावीसं देवसाहस्सीओ पण्णताओ वाहिरियाए परिसाए वत्तीसं देवसाहस्सीओ पण्णत्ताओ॥
१. २३०, २३१ सूत्रयोः स्थाने ताडपत्रीयादर्श (ता)। एवं पाठभेदोस्ति-से किं तं देवा चतुविधा ५. पण्ण० २।३० । तं भवण एक जधा पण्णवणा पदे देवभेदो जाव ६. पण्ण० २१३१ । सव्वदृसिद्धो।
७. तत्थ (क, ख, ग, ८); यत्थ (ता)। २.तं जहा असुरकुमार जहा पण्णवणापदे देवाणं ६. पण्ण. २०३२।
भेदो तहा भाणितन्वो जाव अणुतराववाइया ६. महताहतण दिव्वाइं भोगभोगाइं भुजमाणे पंचविधा पण्णत्ता, तं जहा विजयवेजयंत जाव विहरति । उववात समुग्धात संठाणा य भाणिसम्वट्ठसिद्धगा । सेत्तं अणुत्तरोववाइया (क, ख, तवा (ता)। ग,ट)।
१०. असुररण्णो (क, ख, ट, ता)। ३. पण्ण० २।३०।
११. मज्झे (क, ख, ग)। ४, भवंति भवणवणतो जहा ठाणपदे जाव १२. देवसहस्सा पण्णत्ता (ता)।
Jain Education International
For Private & Personal Use Only
www.jainelibrary.org
| SR No. | 003570 |
| Book Title | Agam 14 Upang 03 Jivabhigam Sutra Jivajivabhigame Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 639 |
| Language | Prakrit |
| Classification | Book_Devnagari, Agam, Canon, & agam_jivajivabhigam |
| File Size | 13 MB |