Page Text
________________
तच्चा चलम्बिहपडिवत्ती
२६५
अस्थि णं भंते ! एगुरुयदीवे हिरण्णेति वा सुवण्णेति वा कंसेति वा दूसेति वा मणीति वा मूत्तिएति वा विपलधणकणगरतणमणिमोत्तियसंखसिलप्पवालसंतसारसावएज्जे वा? हता अस्थि । णो चेव ण तेसि मणयाणं तिव्वे ममत्तिभावे समुप्पज्जति । अस्थि णं भंते ! एगोरुयदीवे रायाति वा जुवरायाति वा ईसरेति वा तलवरेइ वा मांडबिएति वा कोडबिएति वा इन्भेति वा सेट्टीति वा सेणावतीति वा सत्थवाहेति वा? णो तिणटठे समटठे। ववगयइडिहसक्कारा णं ते मणुयगणा पण्णत्ता समणाउसो ! अस्थि णं भंते ! एगूरुयदीवे २ दासाइ वा पेसाइ वा सिस्साइ वा भयगाइ वा भाइल्लगाइ वा कम्मगराइ वा भोगपुरिसाइ वा ? नो इणछे समठे। ववगयआभिओगिया णं ते मणयगणा पण्णत्ता समणाउसो! अस्थि णं भंते ! एगोरुयदीवे दीवे माताति वा पियाति वा भायाति वा भइणीति वा भज्जाति वा पुत्ताति वा ध्याइ वा सुण्हाति वा? हंता अन्थि । नो वेव णं तेसि णं मणयाणं तिब्वे पेज्जबंधणे समुप्पज्जति, पयणपेज्जबंधणा गं ते मण्यगणा पण्णत्ता समणाउसो ! अस्थि णं भंते । एगोरुयदीवे अरीति वा वेरियाति वा घायगाति वा वहगाति वा पडिणीइ वा पच्चमित्ताति बा ? णो इणठे समझें । ववयगयवेराणुबंधा णं ते मणुयगणा पण्णत्ता समणाउसो ! अस्थि णं भंते । एगोरुयदीवे मित्ताति वा वतंसाति वा घडिताति वा सहीति वा सुहियाति वा महाभागाति वा संगतियाति वा ? नो तिणठे समझें। ववगतपेम्मा ते मणुयगणा पण्णत्ता समणउसो! अत्थि णं भंते एगोरुयदीवे आवाहाति वा विवाहाति वा जन्नाति वा सद्धाति वा थालियाकाति वा चोलोवणतणाति वा सीमंतोवणतणाइ वा पितिपिडनिवेयणाई वा? णो इणठू सम। ववगयभावाहविवाहजन्नसद्धथालिपागचोलोवणतणसीमंतोवणतणपितिपिंडनिवेदणा णं ते मण्यगणा पण्णत्ता समणाउसो। अस्थि णं भंते ! एगोरुयदीवे २ इंदमहाइ वा रुद्दमहाइ वा खंदमहाइ वा सिवमहाइ वा वेसमणमहाइ वा मुगुदमहाइ वा नागमहाइ वा जक्खमहाइ वा भूतमहाइ वा कूवमहाइ वा तलागणदिमहाइ वा दहमहाइ वा पन्वयमहाइ वा चेइयमहाइ वा रुक्खंसियणमहाइ वा धूभमहाइ वा ? णो इणठे समठे । ववगयमहामहिमा णं ते मणुयगणा पण्णता समणाउसो ! अस्थि ण भंते एगोरुयदीवे दीवे नडपिच्छाइ वा णट्टपेच्छाइ वा मल्लपेच्छाइ वा मुट्टियपेच्छाइ वा विडंबगपेच्छाइ वा कहगपेच्छाइ वा पबगपेच्छाइ वा अक्खाइगपेच्छाइ वा लासगपिच्छाइ वा लखपे० मंखपे० तूप इल्लपे० तुंबवीणपेच्छाइ वा मागहमेच्छाइ वा कावपे० जल्लपि० कहयापेच्छाइ वा ? णो इणछे समझें । ववगयकोउहल्ला णं ते मणुयगणा पण्णत्ता समणाउसो ! अस्थि णं भंते ! एगुरुयदीचे सगडाइ वा रहाइ वा जाणाइ वा जुगाइ वा गिल्लीइ वा पिल्लीइ वा थिल्लीइ वा पवहणाइ वा सीयाइवा संदमाणियाइ वा ? णो तिणठे समठे। पादचारविहारिणो णं ते मणुयगणा पण्णत्ता समणाउसो ! अस्थि णं भंते ! एगुरुयदीवे आसाइ वा हत्थीइ वा उट्टाइ वा गोणाइ वा महिसाइ वा खराइ वा अबीइ वा एलगाइ वा ? हंता अस्थि । नो चेव णं तेसि मणुयाणं परिभोगत्ताए हव्वमागच्छति । अस्थि णं भंते ! एगुरुयदीवे गोवीइ वा महिसीइ वा उट्टीइ वा अयाइ वा एलगाइ वा ? हंता
Jain Education International
For Private & Personal Use Only
www.jainelibrary.org
| SR No. | 003570 |
| Book Title | Agam 14 Upang 03 Jivabhigam Sutra Jivajivabhigame Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 639 |
| Language | Prakrit |
| Classification | Book_Devnagari, Agam, Canon, & agam_jivajivabhigam |
| File Size | 13 MB |