Page Text
________________
२६२
जीवाजीवाभिगमे
वीससापरिणताए भूसणविहीए उववेया कुसविकुस जाव चिट्ठति । एगोरुयदीवे तत्थ ५ बहवे गेहागारा णाम दुमगणा पण्णत्ता समणाउसो ! जहा से पागारट्टालगचरियदारगोपुरपासायाकासतलमंडवएगसालगविसालगतिसालगच उसाल गगभघरमोहणघरवलभिघरचित्तसालगमालियभत्तिघरबट्टतसचउरंसणंदियावत्तसंठियायतपंडुरतलमुंडमालहम्मियं अहव णं धवलहरअद्धमागविब्भमसेलद्धसेलसंठियकूडागारेड्ढसुविहिकोट्ठगअणेगघरसरणलेणआवणविडंगजालवंदणिजजूहअपवरककवोतालिचंदसालियरूवविभत्तिकलिता भवणविही बहुविकप्पा तहेव ते गेहागारावि दुमगणा अणेगबहुविविधवीससापरिणयाए सुहारुहाणा सुहोत्ताराप सुहनिक्खमणप्पवेसाए दद्दरसोपाणपंतिकलिताए पइरिक्काए सुहविहाराए मणाणुकूलाए भवणविहीए उववेया कुसविकुसावे जाव चिट्ठति । एगोरुयदीवे तत्थ ५ बहवे अणिगणा णामं दुमगणा पण्णता समणाउसो ! जहा से आइणगखोमतगयकंबलदुगुल्लकोसेज्जकाल मिगपट्टचीणंसुयवतत्तावरणातवारवाणगपच्छुन्नाभरणचित्तसहिणगकल्लाणगभिंगमेहलकज्जल बहुवण्णरत्तपीतसुक्किलमक्खयमितलोमहप्फरल्लगअवरतरा सिंधुउसभदामिलवंगकलिंगनलिणतंतुमयभत्तिचित्ता वत्थविही बहुप्पकारा हवेज्ज वरपट्टणुगता वण्ण रागकलिता तहेव ते अणिगणावि दुमगणा अणेगबहुविविहवीससापरिणताए उववेया कुस विकुस जाब चिट्ठति ।। एगोरुयदीवे णं भंते ! दीवे मणुयाणं केरिसए आगारभावपडायारे पण्णत्ते ? गोयमा ! ते णं मणया अणुवमतरसोमचाररूवा भोगुत्तमा भोगलक्ख गधरा भोगसस्सिरीया सुजायसव्वंगसुदरंगा सुपइडियकुम्मचारचलणा रत्तुप्पलपत्तमउयसुकुमालकोमलतला नगणगरमगरचक्ककहरंकलक्खणंकियचलणा अणुपुव्वसुहायंगुलिया उण्णयतणुतंबणिद्ध णक्खा संठियसुसलिट्ठगूढगुप्फा एणीकुरुविंदावत्तवट्टाणपुव्वजंघा सामुग्गणिमग्गगूढजाणू गतससणसुजातसण्णिभोरू वरवारणमत्ततुल्लविक्कमविलासितगति सुजातवरतुरगगुज्झदेसा आइण्णहतोव्व णिरुवलेवा पमुइयवरतुरगसीहअइरेगवट्टियव डी सोहयसोणिदभूसलदप्पणगिरितवरकणगच्छरुसरिसवरवइरवलितमज्भा उज्जुयसमसंहितसुजातजच्चतणुकसिणणिद्वआदेज्जलडहसुकमालभ उयरमणिज्जरोमराईगंगावत्तयपयाहिणावत्ततरंगभंगुर रविकिरणतरुणबोधियआकोसायंतपउमगंभीरविगडणाभा झसविहगसुजातपीणकुच्छी झसोदरा सुइकरणा पम्हवियडणाभा सण्णयपासा संगतपासा सुदरपासा सुजातपासा मितमाइयपीण रइयपासा अकरुंड्यकणगरुयगनिम्मलसुजातनिरुवह्यदेहधारी पसत्थवत्तीसलक्खणधरा कणगसिलातलुज्जलपसत्थसमतल उवचियविच्छिण्णपिहुलबच्छा सिरिवच्छंकियवच्छा पुरवरफलिहवट्टियभुया भुयगीस रविपुलभोगआयाणफलिहउच्छूढदीहबाहू जुगसन्निभपीणरतियपीवरपउट्ठसंठियउववियघणथिरसुबद्धसुसलिट्ठपध्वसंधी रत्ततलोव इतमउयमंसलपसत्थलक्खणसुजायअच्छिद्दजालपाणी पीवरवट्टियसुजायकोमलवरंगुलीया तंबतलिणसुतिरुइणिद्धणक्खा चंदपाणिलेहा सूरपाणिलेहा संखपाणिलेहा चक्कपाणिलेहा दिसासोवत्थियपाणि लेहा चंदसरसंखचक्क दिसासोवत्थियपाणिलेहा अणेगवरलक्खणुत्तमपसत्थसुविरइयपाणिलेहा वरमहिसवराहसोहसइ लउसभणागवरविउलउन्नतमइंदखंधा चउरंगुलमुप्पमाणकंबुसरिसगीदा अवठितसुविभत्तसुजातचित्तमंसू मंसलसंठियपसत्थसद्ल विपुलहणुया ओतवितसिलप्पवालबिबफलसन्निभाहरोठा पंडरससिसगल विमलनिम्मलसंखदधिषणगोखीर फेणदगरयमूणालियाधवलदंतसेढी अखंडदंता अफडियदंता अविरलदंता सुसिणिद्धदंता सुजातदंता एगदंतसे ढिव्व अगदंता हेतवहनिद्धतधोततत्ततवणिज्जरततलतालुजीहा गरुलायतउज्जुतंगणासा अवदालियपोंडरीकणयणा कोकासितधवलपत्तलच्छा
Jain Education International
For Private & Personal Use Only
www.jainelibrary.org
| SR No. | 003570 |
| Book Title | Agam 14 Upang 03 Jivabhigam Sutra Jivajivabhigame Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 639 |
| Language | Prakrit |
| Classification | Book_Devnagari, Agam, Canon, & agam_jivajivabhigam |
| File Size | 13 MB |