________________
२८८
जीवाजीवाभिगमे २१०. अण्णउत्थिया णं भंते ! एवमाइक्खंति एवं भासें ति एवं पण्णवेंति एवं परूवेंति एवं खलु एगे जीवे एगेणं समएणं दो किरियाओ' पकरेति, तं जहा-सम्मत्तकिरियं च मिच्छत्तकिरियं च ।
जं समयं सम्मत्तकिरियं पक रेति, तं समयं मिच्छत्तकिरियं पकरेति । जं समयं मिच्छत्तकिरियं पकरेति, तं समयं सम्मत्तकिरियं पकरेति । सम्मत्तकिरियापकरणताए मिच्छत्तकिरियं पकरेति ।
मिच्छत्तकिरियापकरणताए सम्मत्तकिरियं पक रेति । एवं खलू एगे जीवे एगेणं समएणं दो किरियाओ पकरेति, तं जहा-सम्मत्तकिरियं च मिच्छत्तकिरियं च ।।
२११. से कहमेयं भंते ! एवं ? गोयमा ! जण्णं ते अण्ण उत्थिया एवमाइक्खंति एवं भासेंति एवं पण्णवेंति एवं परूवंति–एवं खलु एगे जीवे एगेणं समएणं दो किरियाओ पकरेति तहेव जाव सम्मत्तकिरियं च मिच्छत्तकिरियं च।। जेते एवमासू, तं णं मिच्छा । अहं पुण गोयमा ! एवमाइक्खामि जाव परूवेमिएवं खलु एगे जीवे एगेणं समएणं एग किरियं पकरेति, तं जहा-सम्मत्तकिरियं वा मिच्छत्तकिरियं वा।
जं समयं सम्मत्तकिरियं पक रेति, णो तं समयं मिच्छत्तकिरियं पकरेति । जं समय मिच्छत्तकिरियं पक रेति, नो तं समयं सम्मत्तकिरियं पकरेति । सम्मत्तकिरियापकरणयाए नो मिच्छत्तकिरियं पकरेति ।
मिच्छत्तकिरियापकरणयाए णो सम्मत्त किरियं पकरेति । एवं खलु एगे जीवे एगेणं समएणं एग किरियं पकरेति, तं जहा--सम्मत्तकिरियं वा मिच्छत्तकिरियं वा ॥
मणुस्साधिगारो २१२. से किं तं मणुस्सा ? मणुस्सा दुविहा पण्णत्ता, तं जहा–संमुच्छिममणुस्सा य गन्भवतियमणुस्सा य ।।
२१३. से किं तं संमुच्छिममणुस्सा ? संमुच्छिममणुस्सा एगागारा पण्णत्ता ॥
२१४. कहि णं भंते ! संमुच्छिममणुस्सा संमुच्छंति ? गोयमा ! अंतोमणुस्सखेत्ते जहा पण्णवणाए जाव' अंतोमुत्तद्धाउया चेव कालं पकरेंति । सेत्तं समुच्छिममणुस्सा ॥
२१५. से किं तं गब्भवक्कंतियमणुस्सा ? गम्भवक्कंतियमणुस्सा तिविधा पण्ण ता, तं जहा-कम्मभूमगा अकम्मभूमगा अंतरदीवगा।
२१६. से किं तं अंतरदीवगा ? अंतरदीवगा अट्ठावीसतिविधा' पण्णत्ता, तं जहा
१. कित्तियामओ (ता)। २. कहमेतं (ख); कधमेतं (ता)। ३. तं चेव सव्वं उच्चारेयव्वं (ता)। ४. अस्यां तृतीयप्रतिपत्ती तिर्यग्योन्यधिकारे
द्वितीयोद्देशकः समाप्तः (मवृ)। ५. पण्ण ० ११८४ 1 द्रष्टव्यं अस्यैव सूत्रस्य प्रथम
प्रतिपत्तेः १२७ सूत्रम् । ६. अट्ठावीसविहा (क, ट)।
Jain Education International
For Private & Personal Use Only
www.jainelibrary.org
