Page Text
________________
२६२
जीवाजीवाभिगमे
घणोदधिवलयं सव्वतो समंता संपरिक्खिवित्ताणं चिटइ। एवं जाव अहेसत्तमाए घणवातवलए ॥
५०. इमीसे गं भंते ! रयणप्पभाए पुढवीए तणवातवलए किसंठिते पण्णत्ते ? गोयमा ! बट्टे वलयागारसंठाणसंठिए पण्णत्ते', जे णं इमीसे रयणप्पभाए पुढवीए घणवातवलयं सक्तो समंता संपरिविखवित्ताणं चिट्ठइ । एवं जाव अधेसत्तमाए तणुवातवलए ।।
५१. इमा गं भंते ! रयणप्पभा पुढवी केवनियं आयाम-विक्खंभेणं ? 'केवतियं परिक्खेवेणं पण्णत्ता ? गोयमा ! असंखेज्जाई जोयणसहस्साई आयाम-विक्खंभेणं, असंखेज्जाइं जोयणसहस्साई परिक्खेवेणं पण्णत्ते । एवं जाव अधेसत्तमा ।।
५२. इमा णं भंते ! रयणप्पभा पुढवी अंते य मझे य सव्वत्थ समा वाहल्लेणं पण्णत्ता ? हंता गोयमा ! इमा ण रयणप्पभा पुढवी अंते य मज्झे य सव्वत्थ समा वाहल्लेणं । एवं जाव अधेसत्तमा ।।
५३. इमीसे गं भंते ! रयणप्पभाए पुढवीए सव्वजीवा उववण्णपुव्वा ? सव्वजीवा उववण्णा ? गोयमा ! इमीसे णं रयणप्पभाए पुढवीए सव्वजीवा उववण्णपुव्वा, नो चेव णं सव्वजीवा उववण्णा । 'एवं जाव अहेसत्तमाए" ||
५४. इमा णं भंते ! रयणप्पभा पुढवी राव्यजीवेहि विजढपुव्वा ? सब्वजीवेहि विजढा ? गोयमा ! इमा णं रयणप्पभा पुढवी सब्वजीवेहिं विजढपुटवा, नो चेव णं सव्वजीवविजढा । एवं जाव अधेसत्तमा ।।
५५. इमीसे णं भंते ! रयणप्पभाए पुढवीए सब्वपोग्गला पविठ्ठपुव्वा ? सव्वपोग्गला पविट्ठा ? गोयमा ! इमीसे ण रयणप्पभाए पुढवीए सब्बपोग्गला पविट्ठपुव्वा, नो चेव ण सव्वपोग्गला पविट्ठा । एवं जाव अधेसत्तमाए ।
५६. इमा णं भंते ! रयणप्पभा पुढवी सव्वपोग्गलेहि विजढपुव्वा ? सव्वपोग्गला विजढा ? गोयमा ! इमा णं रयणपभा पुढवी सब्धपोग्गले हिं विजढपुव्वा, नो चेव णं सव्वपोग्गलेहिं विजढा । एवं जाय अधेसत्तमा ।।
५७. ३मा णं भंते ! रयणप्पभा पुढवी कि सासता ? असासता ? गोयमा ! सिय सासता, सिय असासता ।।
५८. से केणठेणं भंते ! एवं बुच्चइ-सिय सासता सिंय असासता ? गोयमा ! दवट्टयाए सासता, वण्णपज्जवेहि गंधपज्जवेहिं रसपज्जवेहि फासपज्जवेहि असासता । से तेणठेणं गोयमा ! एवं वुच्चति ---सिय सासता", सिय असासता। एवं जाव अधेसत्तमा ।
५६. इमा णं भंते । रयणप्पभा पुढवी कालतो केवच्चिरं होइ ? गोयमा ! न कयाइ" १. जाव (क, ख, ग, ट)।
४. अधःसप्तम्यां पृथिव्याम् [मवृ] । २. x (क,ख, ग, ट) ।
५. सासया (ग, ट, ता)। ३. एवं जाव अहेमत्तमाए पुढवीए (ग, ट); ६. तं चेव जाव (क, ख, ग, ट) ! जावतमा (); “अब सप्तम्या: (मवृ)। ७. कदायि (क,ख, ता) ।
Jain Education International
For Private & Personal Use Only
www.jainelibrary.org
| SR No. | 003570 |
| Book Title | Agam 14 Upang 03 Jivabhigam Sutra Jivajivabhigame Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 639 |
| Language | Prakrit |
| Classification | Book_Devnagari, Agam, Canon, & agam_jivajivabhigam |
| File Size | 13 MB |