Page Text
________________
२६०
संठिता पण्णत्ता ॥
२६. इमीसे णं भंते ! रयणप्पभाए पुढवीए खरकंडे किंसंठिते पण्णत्ते ? गोयमा ! झल्लरिसंठिते पण्णत्ते ॥
३०. इमीसे णं भंते ! रयणप्पभाए पुढवीए रयणकंडे किंसंठिते पण्णत्ते ? गोयमा ! झल्लरिसंठिए पण्णत्ते । एवं जाव रिट्ठे । एवं पंकवहुलेवि । एवं आवबहुलेवि, दधीवि, घणवावि, तणुवाएवि, ओवासंतरेवि - सव्वे झल्लरिसंठिता पण्णत्ता ||
३१. सक्करप्पभा णं भंते ! पुढवी किंसंठिता पण्णत्ता ? गोयमा ! झल्लरिसंठिता
जीवाजीवाभिगमे
पण्णत्ता ॥
३२. सक्करप्पभाए णं भंते ! पुढवीए घणोदधी किंसंठिते पण्णत्ते ? गोयमा ! झल्लरिसंठिते पण्णत्ते । एवं जाव ओवासंतरे । जहा सक्करप्पभाए वत्तव्वया एवं जाव असत्तमा एवि ॥
३३. इमी से णं भंते ! रयणप्पभाए पुढवीए पुरत्थिमिल्लाओ चरिमंताओ केवतिय अबाधाए लोयंते पण्णत्ते ? गोयमा ! दुवालसहि जोयणेहिं अवाधाएं' लोयंते पण्णत्ते । एवं दाहि जिल्लातो पच्चत्थिमिल्लातो उत्तरिल्लातो ॥
३४. सक्करप्पभाए णं भंते ! पुढवीए पुरथिमिल्लातो चरिमंतातो केवतियं अबाधाए लोयंते पणते ? गोयमा ! तिभागूणेहिं तेरसहि जोयणेहि अबाधाए लोयंते पण्णत्ते । एवं चउद्दिसिपि ॥
३५. वालुयप्पभाए णं भंते ! पुढवीए पुरत्थिमिल्लातो पुच्छा । गोयमा ! सतिभागेहिं तेरसहिं जोयणेहि अबाधाए लोयंते पण्णत्ते । एवं चउद्दिसिपि ॥
३६. एवं सव्वासि चउसुवि दिसासु पुच्छितव्वं - पंकप्पभाए चोद्दसह जोयणेहि Care लोयंते पण । पंचमाए' तिभागुणेहि पण्णरसहिं जोयणेहि अवाधाए लोयंते पण्णत्ते । छट्टीए सतिभागेहिं पण्णरसहिं जोयणेहिं अबाधाए लोयंते पण्णत्ते । सत्तमीए सोलसहि जोयणेहि अबाधाए लोयंते पण्णत्ते । एवं जाव उत्तरिल्लातो ॥
३७. इमीसे णं भंते ! रयणप्पभाए पुढवीए पुरत्थिमिल्ले चरिमंते कतिविधे पण्णत्ते ? गोयमा ! तिविहे पण्णत्ते, तं जहा - घणोदधिवलए घणवातवलए तणुवातवलए |
३८. इमीसे णं भंते ! रयणप्पभाए पुढवीए दाहिणिल्ले चरिमंते कतिविधे पण्णत्ते ? गोयमा ! तिविधे पण्णत्ते, तं जहा - घणोदधिवलए घणवायवलए तणुवायवलए | एवं जाव उत्तरिल्ले । एवं सव्वासि जाव अधेसत्तमाए उत्तरिल्ले ॥
३९. इमीसे णं भंते! रयणप्पभाए पुढवीए घणोदधिवलए केवतियं बाहल्लेणं पण्णत्ते ? गोयमा ! छ जोयणाणि वाहल्लेणं पण्णत्ते ॥
१. आबाधाए (क, ख, ८) ।
२. 'ता' प्रती अस्य सूत्रस्य स्थाने एवं पठोस्ति - चतुत्थीए चोद्दसहि आबाधाए पंचमाए तिभागूणेहि पण्णरसहिं जो कछट्टीए सतिभागे हिं
Jain Education International
पण्णरसहिं जो ष्क सत्तमीए सोलस चतुद्दिसि 1 ३. धूमप्पभाए (क, ट ) 1
४. 'ता' प्रती अस्य सूत्रस्य स्थाने एवं पाठोस्ति--- एवं चतुद्दिसि । एवं सेसाण वि पुढ ।
For Private & Personal Use Only
www.jainelibrary.org
| SR No. | 003570 |
| Book Title | Agam 14 Upang 03 Jivabhigam Sutra Jivajivabhigame Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 639 |
| Language | Prakrit |
| Classification | Book_Devnagari, Agam, Canon, & agam_jivajivabhigam |
| File Size | 13 MB |