Page Text
________________
२५८
जीवाजीवाभिगमे
७. इमीसे णं भंते ! रयणप्पभाए पुढवीए खरकंडे कति विधे पण्णत्ते ? गोयमा ! सोलस विधे पण्णत्ते, तं जहा--१. रयणे २. वइरे ३. वेरुलिए ४. लोहितवखे ५. मसारगल्ले ६. हंसगब्भे ७. पूलए ८. सोयंधिए ६. जोतिरसे १०. अंजणे ११. अंजणपुलए १२. रयते १३. जातरूवे १४. अंके १५. फलिहे १६. रिठे कंडे ॥
८. इमीसे गं भंते ! रयणप्पभाए पुढवीए रयणकंडे कतिविधे पण्णत्ते ? गोयमा ! एगागारे पण्णत्ते । एवं जाव रिठे।।
६. इमीसे णं भंते ! रयणप्पभाए पुढवीए पंकबहुले कंडे कतिविधे पण्णत्ते ? गोयमा ! एगागारे पण्णत्ते ॥
१०. एवं आवबहुले कंडे कतिविधे पण्णत्ते ? गोयमा ! एगागारे पण्णत्ते ॥
११. सक्करप्पभा णं भंते ! पुढवी कतिविधा पण्णत्ता ? गोयमा ! एगागारा पण्णत्ता । एवं जाव अहेसत्तमा ।।।
१२. इमीसे णं भंते ! रयणप्पभाए पढवीए केवतिया निरयावाससयसहस्सा पण्णता? गोयमा ! तीसं णिरयावाससयसहस्सा' पण्णत्ता। एवं एतेणं अभिलावेणं सव्वासि पुच्छा, इमा गाहा अणुगंतव्वा
तीसा य पण्णवीसा, पण्णरस दसेव तिण्णि य हवंति।
पंचूणसयसहस्सं, पंचेव अणुत्तरा णरगा ॥१॥ जाव अहसत्तमाए पंच अणुत्तरा महतिमहालया महागरगा पण्णत्ता, तं जहा-काले महाकाले रोरुए महारोरुए अपतिट्ठाणे ॥
१३. अत्थि णं भंते ! इमीसे रयणप्पभाए पुढवीए अहे घणोदधीति वा घणवातेति वा तणुवातेति वा ओवासंतरेति वा ? हंता अस्थि । एवं जाव अहेसत्तमाए ।
१४. इमीसे णं भंते ! रयणप्पभाए पुढवीए खरकंडे केवतियं बाहल्लेणं पण्णत्ते ? गोयमा ! सोलसजोयणसहस्साई वाहल्लेणं पण्णत्ते ॥
१५. इमीसे णं भंते ! रयणप्पभाए पुढवीए रयणकंडे केवतियं बाहल्लेणं पण्णत्ते ? गोयमा ! एक्कं जोयणसहस्सं बाहल्लेणं पण्णत्ते । एवं जाव रिठे ।
१६. इमीसे णं भंते ! रयणप्पभाए पुढवीए पंकबहुले कंडे केवतियं बाहल्लेणं पण्णत्ते ? गोयमा ! चउरासीतिजोयणसहस्साई बाहल्लेणं पण्णत्ते ।।
१७. इमीसे णं भंते ! रयणप्पभाए पुढवीए आवबहुले' कंडे केवतियं बाहल्लेणं पण्णत्ते ? गोयमा ! असीतिजोयणसहस्साइं बाहल्लेणं पण्णत्ते ॥
१८. इमीसे णं भंते ! रयणप्पभाए पुढवीए घणोदही केवतियं बाहल्लेणं पण्णत्ते ? १. रतणकडे (क, ग); रयणकंडे (ख, ट); जावधेसत्तमाए णं भंते केवति णिरयावाससतस रयणामए कंडे (ता)।
गो पंचदिसि पंच अणुत्तरा महमहालया महा२. अतोग्ने 'ता' प्रती भिन्नः पाठोस्ति
णिरया पंतं काले महाकाले रोरुए महारोरुए तीसा य पण्णवीसा पण्णवीसा पण्णरस दसेव अप्पतिट्ठाणे गाम पंचमे।
___ सतसहस्साई। ३. आउबहुले (ख, ट, ता) । तिण्णेगं पंचूणं पंचेव अणत्तरा णरता ।।
Jain Education International
For Private & Personal Use Only
www.jainelibrary.org
| SR No. | 003570 |
| Book Title | Agam 14 Upang 03 Jivabhigam Sutra Jivajivabhigame Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 639 |
| Language | Prakrit |
| Classification | Book_Devnagari, Agam, Canon, & agam_jivajivabhigam |
| File Size | 13 MB |