Page Text
________________
दोच्चा तिविहपडिवत्ती
२४३ जहण्णणं अंतोमुहत्तं, उक्कोसेणं तिण्णि पलिओवमाइं पुव्वकोडीपुहत्तमब्भहियाई। धम्मचरणं पडुच्च जहण्णणं एक्कं समयं, उक्कोसेणं देसूणा पुव्वकोडी ॥
५५. एवं कम्मभूमियावि भरहेरवयावि', णवरं-खेत्तं पडुच्च जहण्णेणं अंतोमुहत्तं, उक्कोसेणं तिण्णि पलिओवमाइं देसूणपुव्वकोडिमब्भहियाई । धम्मचरणं पडुच्च जहणणं एक्कं समयं, उक्कोसेणं देसूणा पुव्वकोडी॥
५६. पुव्वविदेह-अवरविदेहित्थीणं खेत्तं पडुच्च जहण्णेणं अंतोमुहुत्तं, उक्कोसेणं पुव्वकोडीपुहत्तं । धम्मचरणं पडुच्च जहण्णेणं एक्कं समयं, उक्कोसेणं देसूणा पुब्बकोडी॥
५७. अकम्मभूमिकमणुस्सित्थी' णं भंते ! अकम्मभूमिकमणुस्सिस्थित्ति कालओ केवच्चिरं होइ ? गोयमा ! जम्मणं पडुच्च जहण्णेणं देसूणं पलिओवमं पलिओवमस्स असंखेज्जइभागेणं ऊणं, उक्कोसेणं तिण्णि पलिओवमाई। संहरणं पडुच्च जहण्णणं अंतोमुहत्तं, उक्कोसेणं तिण्णि पलिओवमाई देसूणाए पुव्बकोडीए अब्भहियाई ॥
५८. हेमवएरण्णवए अकम्मभूमिकमणुस्सित्थी णं भंते ! हेमवएरण्णवए अकम्मभूमिकमणुस्सिस्थित्ति कालओ केवच्चिरं होइ ? गोयमा ! जम्मणं पडच्च जहणणं देसूणं पलिओवमं पलिओवमस्स असंखेज्जइभागेणं ऊणगं, उक्कोसेणं पलिओवमं । संहरणं पड़च्च जहण्णेणं अंतोमुहुत्तं, उक्कोसेणं पलिओवमं देसूणाए पुवकोडीए अभहियं ॥
५६. हरिवासरम्मगवासअकम्मभूमिगमणुस्सित्थी णं भंते ! हरिवासरम्मगवासअकम्मभूमिगमणुस्सित्थित्ति कालओ केवच्चिरं होइ ? गोयमा ! जम्मणं पडुच्च जहण्णेणं देसूणाई दो पलिओवमाई पलिओवमस्स असंखेज्जइभागेणं ऊणगाई, उक्कोसेणं दो पलिओवमाई । संहरणं पडुच्च जहण्णणं अंतोमुहुत्तं, उक्कोसेणं दो पलिओवमाई देसूणपुव्वकोडिमब्भहियाई॥
६०. उत्तरकुरुदेवकुरुअकम्मभूमिगमणुस्सित्थी' णं भंते ! उत्तरकुरुदेवकुरुअकम्मभूमिगमणुस्सिस्थित्ति कालओ केवच्चिरं होइ ? मोयमा ! जम्मणं पडुच्च जहण्रेणं देसूणाई तिण्णि पलिओवमाइं पलिओवमस्स असंखेज्जइभागेणं ऊणगाइं, उक्कोसेणं तिण्णि पलि
ओवमाइं। संहरणं पडुच्च जहण्णेणं अंतोमुहुत्तं, उक्कोसेणं तिण्णि पलिओवमाई देसूणाए पुवकोडीए अब्भहियाई ॥
६१. अंतरदीवाकम्मभूमिगमणुस्सित्थी' णं भंते ! अंतरदीवाकम्मभूमिगमणस्सिस्थित्ति कालओ केवच्चिरं होइ ? गोयमा! जम्मणं पडच्च जहण्णणं देसणं पलिओवमस्स असंखेज्जइभागं पलिओवमस्स असंखेज्जइभागेण ऊणं, उक्कोसेणं पलिओवमस्स असंखेज्जइभागं । संहरणं पडुच्च जहण्णेणं अंतोमुहुत्तं, उक्कोसेणं पलिओवमस्स असंखेज्जइभागं देसूणाए पुवकोडीए अब्भहियं ॥ १. भरतेर (ग, ट)।
६. साहरणं (क, ख, ग)। २. कोडीअमहियाई (क, ख, ट)।
७. 'देवकुरूणं (ग, ट)। ३. अकम्मभूमक (ग); अकम्मभूमिग (ट)। ८. अब्भधियाई (ग)। ४. साहरणं (क, ख, ग)।
६. भूमग (क); भूमक (ख, ग, ट)। ५. पलितोवमाइं (क, ख, ग, ट)।
Jain Education International
For Private & Personal Use Only
www.jainelibrary.org
| SR No. | 003570 |
| Book Title | Agam 14 Upang 03 Jivabhigam Sutra Jivajivabhigame Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 639 |
| Language | Prakrit |
| Classification | Book_Devnagari, Agam, Canon, & agam_jivajivabhigam |
| File Size | 13 MB |