Page Text
________________
१६०
रायपसेणइयं
पण्णओ उवमा, इमेणं पुण कारणेणं नो उवागच्छइ–भंते ! से जहाणामए–केइ पुरिसे तरुणे वलवं जुगवं जुवाणे अप्पायंके थिरग्गहत्थे दढपाणि-पाय-पिट्ठतरोरुपरिणए घणणिचिय-बट्ट-वलियखंधे चम्मेढग-दुघण-मुट्ठिय-समाय-निचियगत्ते उरस्सबलसमण्णागए तलजमलजुयलबाहू लंघण-पवण-जइण-पमहणसमत्थे छेए दवखे पत्तठे कुसले मेधावी णि उण सिप्पोवगए पभू पंचकंडगं निसिरित्तए ? हंता पभू । जति णं भंते ! सच्चेव' पुरिसे वाले •अदवखे अपत्तठे अकुसले अमेहावी मंदविण्णाणे पभू होज्जा पंचकंडगं निसिरित्तए, तो गं अहं सद्दहेज्जा' पत्तिएज्जा रोएज्जा जहा-अण्णो जीवो अण्णं सरीरं, नो तज्जीवो तं सरीरं । जम्हा णं भंते ! सच्चेव पुरिसे जाव मंदविण्णाणे णो 'पभू पंचकंडयं निसिरित्तए, तम्हा सुपइट्ठिया मे पइण्णा जहा-तज्जीवो' 'तं सरीरं, नो अण्णो जीवो अण्णं सरीरं ।। जीव-सरीर-अण्णत्त-पदं
७५६. तए णं केसी कुमार-समणे पएसिं रायं एवं वयासी–से जहाणामए-केइ पुरिसे तरुणे" *वलवं जुग जुवाणे अप्पायंके थिरग्गहत्थे दढपाणि-पाय-पिट्ठतरोरुपरिणए घण-णि चिय-वट्ट-वलियखंधे चम्मेदृग-दुघण-मुट्ठिय-समाह्य-निचियगत्ते उरस्सबलसमण्णागए तल-जमल-जुयलवाहू लंघण-पवण-जइण-पमद्दणसमत्थे छेए दक्खे पत्तठे कुसले मेधावी णिउण सिप्पोवगए गवएणं धणुणा नवियाए जीवाए नवएणं उसुणा 'पभू पंचकंडग" निसिरित्तए ? हंता पभू । सो चेव पुरिसे तरुणे जाव निउणसिप्पोवगए कोरिल्लएणं धणणा कोरिल्लयाए जीवाए कोरिल्लएणं उसुणा पभू पंचकंडगं निसिरित्तए ? णो तिणठे समठे । कम्हा णं भंते ! तस्स पुरिसस्स अपज्जताई उवगरणाइं हवंति । एवामेव पएसी! सो चेव पुरिसे बाले" •अदक्खे अपत्तठे अकुसले अमेहावी मंदविण्णाणे अपज्जत्तोवगरणे णो पभू पंचकंडयं निसिरित्तए, तं सद्दहाहि णं तुम पएसी! जहा--अण्णो जीवो" •अण्णं सरीरं, नो तज्जीवो तं सरीरं । तज्जीव-तच्छरीर-पदं
७६०. तए णं पएसी राया केसि कुमार-समणं एवं वयासी-अस्थि णं भंते ! एस पण्णओ उवमा, इमेणं पुण कारणेणं नो उवागच्छइ--भंते ! से जहाणामए-केइ पुरिसे तरुणे जाव निउणसिप्पोवगते पभू एग महं अयभारग वा तउयभारगं वा सीसगभारगं वा परिवहित्तए ? हंता पभू । सो चेव णं भंते ! पुरिसे जुण्णे जराजज्जरियदेहे सिढिलवलियावणद्धगत्ते दंडपरिग्गहियग्गहत्थे पविरलपरिसडियदंतसेढी आउरे किसिए पिवासिए दुब्वले १. सं. पा.---तरुणे जाव सिप्पोवगए।
५. पभू यं च कंडग (क, च)। २. से चेव (क)
६. सं० पा०-तज्जीवोतं चेव । ३. सं० पा०--बाले जाव मंदविण्णाणे; अस्य ७. सं० पा०--तरुणे जाव सिप्पोवगए । पाठस्य पूति: छेए दक्खे पत्तठे कुसले मेहावी' ८. पडिचियाए (क, ख, ग, घ, च, छ)। अनेन पाठेन कृता।
६. पभू णं च कंडग (क) । ४. सं० पा०-सद्दहेज्जा जहा अण्णो जीवो तं १०. सं० पा०—बाले जाव मंदविण्णाणे।
११. सं० पा०—जीवो तं चेव ।
चेव ।
Jain Education International
For Private & Personal Use Only
www.jainelibrary.org
| SR No. | 003569 |
| Book Title | Agam 13 Upang 02 Rajprashniya Sutra Raipaseniyam Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 470 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 9 MB |