Agam 13 Upang 02 Rajprashniya Sutra Raipaseniyam Terapanth

SR No.: 003569
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 470
Language: Prakrit
Classification: Book_Devnagari, Agam, Canon, & agam_rajprashniya
File Size: 9 MB

Page 182

पएसि-कहाणगं
पणगं वा पायछिण्णगं वा सूलाइगं वा सूल भिण्णगं वा एगाहच्चं कूडाहच्चं जीवियाओ ववरोवेहि जाव ताव अहं मित्त-णाइ-णियग-सयण-संबंधि-परिजणं एवं वयाभि--एवं खलु देवाणुप्पिया ! पावाइं कम्माइं समायरेत्ता इमेयारूवं आवई पाविज्जामि, तं मा णं देवाणप्पिया ! तुब्भे वि केइ पावाई कम्माई समायरहो, मा णं से वि एवं चेव आवई पाविज्जिहिह', जहा णं अहं । तस्स णं तुम पएसी ! पुरिसस्स खणमवि एयमट्ठ पडिसुणेज्जासि ? णो तिणठे समठे। कम्हा णं ? जम्हा गं भंते ! अवराही णं से पुरिसे। एवामेव पएसी! तव वि अज्जए होत्था इहेव सेयवियाए णयरीए अधम्मिए जाव णो सम्म करभरवित्ति पवत्तेइ । से णं अम्हं वतव्वयाए सुबहुँ 'पावकम्म कलिकलुसं समज्जिणित्ता कालमासे कालं किच्चा अण्णय रेसु नरएसु णेरइयत्ताए° उववण्णे । तस्स णं अज्जगस्स तुम पात्तए होत्था-इठे कंते' •पिए मणुणे मणामे थेज्जे वेसासिए सम्मए वहुमए अणमए रयणकरंडगसमाणे जीविउस्सविए हिययणंदिजणणे उंबरपुप्फ पिव दुल्लभे सवणयाए, किमंग पुण° पासणयाए ! से णं इच्छइ माणुसं लोग हव्वमागच्छित्तए, नो चेव णं संचाएइ [हव्वमागच्छित्तए ?] । चउहिं च णं ठाणेहि पएसी ! अहुणोववण्णए नरएस नेरइए इच्छेज्ज माणुसं लोगं हव्वमागच्छित्तए, नो चेव णं संचाएइ [हव्वमागच्छित्तए ?] । ___अहुणोववण्णए नरएसु नेरइए से णं तत्थ महब्भूयं वेयणं वेदेमाणे इच्छेज्जा माणुस्सं लोग हव्वमागच्छित्तए, णो चेव णं संचाएइ [हब्वमागच्छित्तए ?] |
अहुणोववण्णए नरएसु नेरइए न रयपालेहिं भुज्जो-भुज्जो समहिट्ठिज्जमाणे इच्छइ माणुसं लोग हव्वमागच्छित्तए, नो चेव णं संचाएइ [हव्वमागच्छित्तए ?] ।
अहुणोववण्णए नरएसु नेरइए निरयवेयणिज्जसि कम्मसि अक्खीणंसि अवेइयंसि अणिज्जिण्णंसि इच्छइ माणुसं लोग हब्वमागच्छित्तए, नो चेव णं संचाएइ [हन्वमागच्छि
त्तए ?]
- अहुणोववण्णए नरएसु नेरइए निरयाउयंसि कम्मसि अक्खीणंसि अवेइयंसि अणिज्जिण्णंसि इच्छइ माणुसं लोग हब्वमागच्छित्तए, नो चेव णं संचाएइ [हव्वमागच्छित्तए ?] 1
इच्चेएहि चउहि ठाणेहि पएसी अहुणोववण्णे नरएसु नेरइए इच्छइ माणुसं लोगं हव्वमागच्छित्तए, नो चेव णं संचाएइ [हव्वमागच्छित्तए ?] । तं सद्दहाहि णं पएसी ! जहा-अण्णो जीवो अण्णं सरीरं, नो तं जीवो तं सरीरं ।।। तज्जीव-तच्छरीर-पदं
७५२. तए णं से पएसी राया केसि कुमार-समणं एवं वयासी-अत्थि णं भंते ! एस पण्णओ उवमा, इमेण पुण कारणेणं नो उवागच्छइएवं खलु भंते ! मम अज्जिया होत्था, इहव सेयवियाए नगरीए धम्मिया' 'धम्मिट्ठा धम्मक्खाई धम्माणुया धम्मपलोई धम्मपलज्जणी धम्मसीलसमुयाचारा धम्मेण चेव वित्ति कप्पेमाणी समणोवासिया १. सं० पा०–हत्थच्छिण्णगं वा जाव जीवियाओ। ५. सं० पा०-सुबहं जाव उववणे । २. समायरउ (क, ख, ग, घ)।
६. सं० पा०--कते जाव पासणयाए। ३. पाविज्जिहिइ (घ, च)।
७. सं० पा०--धम्मिया जाव वित्ति । ४. राय० सू० ६७१ ।
८. 'माणा (घ)।