Page Text
________________
१८२
रायपसेणइयं
पासवच्चिज्जे केसी नाम कुमार-समणे जातिसंपण्णे जाव' चउणाणोवगए 'अहोऽवहिए अण्णजीविए।
७३४. तए णं से पएसी राया चित्तं सारहिं एवं वयासी-'अहोऽवहियं णं" वयासि चित्ता ! अण्णजीवियं णं वयासि चित्ता ! हंता सामी ! अहोऽवहियं णं वयामि, अण्णजीवियं णं वयामि ।।
७३५. अभिगमणिज्जे णं चित्ता ! एस पुरिसे ? हंता सामी ! अभिगमणिज्जे । अभिगच्छामो णं चित्ता ! अम्हे एयं पुरिसं ? हंता सामी ! अभिगच्छामो । पएसि-केसि-पदं
७३६. तए णं से पएसी राया चित्तेण सारहिणा सद्धि जेणेव केसी कुमार-समणे तेणेव उवागच्छइ, केसिस्स कुमार-समणस्स अदूरसामंते ठिच्चा एवं वयासी- तुब्भे गं भंते ! अहोऽवहिया अण्णजीविया ?
७३७. तए णं केसी कुमार-समणे पएसि रायं एवं वयासी-पएसी ! से जहाणामए अंकवाणिया इवा संखवाणिया इ वा संकं भंसेउकामा" णो सम्म पंथं पुच्छंति। एवामेव पएसी! तुमं वि विणयं भंसेउकामो नो सम्म पुच्छसि । से पूर्ण तव पएसी ! मम पासित्ता अयमेयारूवे अज्झथिए' चितिए पत्थिए मणोगए संकप्पे समुप्पज्जित्था--जड्डा खलु भो ! जड़े पज्जुवासंति । 'मुंडा खलु भो ! मुंड पज्जुवासंति । मूढा खलु भो ! मूढं पज्जवासंति । अपंडिया खलु भो! अपंडियं पज्जुवासंति । निविण्णाणा खलु भो ! निविण्णाणं पज्जुवासंति । से केस णं एस पुरिसे जड्डे मुंडे मूढे अपंडिए निविण्णाणे, सिरीए हिरीए उवगए, उत्तप्पसरीरे ? एस णं पुरिसे किमाहारमाहारेइ ? किं परिणामेइ ? कि खाइ ? कि पियइ ? किं दलयइ ? किं पयच्छइ ? जे णं एमहालियाए मणस्सपरिसाए महया-महया सद्देणं बूया । साए वि णं उज्जाणभूमीए नो संचाएमि सम्म पकाम' पवियरित्तए । से पूणं पएसी! अत्थे समत्थे ? हंता ! अस्थि ।।
७३८. तए णं से पएसी राया केसि कुमार-समणं एवं वयासी–से केस णं भंते ! तुझं नाणे वा सणे वा, जेणं तुम्भं मम एयारूपं अज्झत्थियं चितियं पत्थियं मणोगयं संकप्पं समुप्पण्णं जाणह पासह ?
७३६. तए णं केसी कुमार-समणे पएसि रायं एवं वयासी-एवं खलु पएसी ! अम्हं समणाणं निग्गंथाणं पंचविहे गाणे पण्णत्ते, तं जहा-आभिणिबोहियणाणे सुययाणे ओहिणाण मणपज्जवणाणं केवलणाण।
७४०. से कि तं आभिणिवोहियणाणे? आभिणिबोहियणाणे चउबिहे पण्णत्ते, तं जहा-उग्गहो ईहा अवाए धारणा ।। १. राय० सू०६८६।
५. भंजेउ' (क, ख, ग, घ, च, छ)। २. अहोहिए अणं जीवे (क, ख, ग); अहोहिए ६. सं० पा०--अज्झथिए जाव समुप्पज्जित्था । अण्णजीवी
७. सं० पा०---पज्जुवासंति जाव पवियरित्तए । ३. अहोहि अण्णं (क, ख, ग, घ) ।
८. जं णं (घ)। ४. अहोहियं (क, ख, ग, घ) ।
६.सं. पा.--अज्झत्थियं जाव संकप्पं ।
Jain Education International
For Private & Personal Use Only
www.jainelibrary.org
| SR No. | 003569 |
| Book Title | Agam 13 Upang 02 Rajprashniya Sutra Raipaseniyam Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 470 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 9 MB |