Page Text
________________
१८०
रायपसेणइयं
अंतिए हव्वमाणेस्सामि । तं मा णं देवाणप्पिया ! तुब्भे पएसिस्स रण्णो धम्इमाइक्खमाणा गिलाएज्जाह । अगिलाए णं भंते ! तुब्भे पएसिस्स रणो धम्ममाइक्खेज्जाह । छंदेणं भंते ! तुब्भे पएसिस्स रण्णो धम्ममाइक्खेज्जाह ।।
७२१. तए णं से केसी कुमार-समणे चित्तं सारहिं एवं वयासी---अवि याइं चित्ता ! जाणिस्सामो।।
७२२. तए णं से चित्ते सारही केसि कुमार-समणं बंदइ नमसइ, जेणेव चाउग्घंटे आसरहे तेणेव उवागच्छइ, चाउघंट आसरहं दुरुहइ, जामेव दिसि पाउन्भूए तामेव दिसि पडिगए। चित्त-पएसि-पदं
७२३. तए णं से चित्ते सारही कल्लं पाउप्पभायाए रयणीए फुल्लुप्पल-कमल-कोमलुम्मिलियम्मि अहापंडुरे पभाए कयनियमावस्सए सहस्सरस्सिम्मि दिणयरे तेयसा जलते साओ गिहाओ णिग्गच्छइ, जेणेव पएसिस्स रण्णो गिहे जेणेव पएसी राया तेणेव उवागच्छइ, परसिं रायं करयल' 'परिग्गहियं दसणहं सिरसावत्तं मत्थए अंजलिं° कट्ट जएणं विजएणं वद्धावेइ, वद्धावेत्ता एवं वयासी-एवं खलु देवाणुप्पियाणं कंवोएहिं चत्तारि आसा उवायणं' उवणीया, ते य मए देवाणु प्पियाण अण्णया चेव विणइया । तं एह णं सामी! ते आसे चिढ़े पासह ॥
७२४. तए णं से पएसी राया चित्तं सारहिं एवं वयासी-गच्छाहि णं तुमं चित्ता ! तेहिं चेव चहिं आसेहिं चाउग्घंटं आसरहं जुत्तामेव उवट्ठवेहि', 'एयमाणत्तियं पच्चप्पिणाहि ॥
७२५. तए णं से चित्ते सारही पएसिणा रण्णा एवं वुत्ते समाणे हद्वतु'- चित्तमाणंदिए पीइमणे परमसोमणस्सिए हरिसवस-विसप्पमाण हियए उवट्ठवेइ, एयमाणत्तियं पच्चप्पिणइ ॥
७२६. तए णं से पएसी राया चित्तस्स सारहिस्स अंतिए एयमठे सोच्चा णिसम्म हट्टतट्र- चित्तमाणं दिए पीइमणे परमसोमणस्सिए हरिसवस-विसप्पमाणहियए ण्हाए कय-वलिकम्मे कयकोउय-मंगलपायच्छित्ते सुद्धप्पावेसाई मंगल्लाई वत्थाई पवर परिहिते. अप्पमहग्घाभरणालंकियसरीरे साओ गिहाओ निग्गच्छइ, जेणामेव चाउग्घंटे आसरहे तेणेव उवागच्छइ, चाउग्धंट आसरहं दुरुहइ, सेयवियाए नगरीए मज्झंमज्झेणं णिग्गच्छइ ॥
७२७. तए णं से चित्ते सारही तं रहं गाइं जोयणाई उब्भामेइ ।।
७२८. तए णं से पएसी राया उण्हेण य तण्हाए य रहवाएण य" परिकिलते समाणे चित्तं सारहिं एवं वयासी-चित्ता ! परिकिलते मे सरीरे, परावत्तेहि रहं ।।
७२६. तए ण से चित्ते सारही रहं परावत्तेइ, जेणेव मियवणे उज्जाणे तेणेव उवाग१. पंडरे (क); "पंडर (ख, ग, घ, च)। ५. सं० पा०-हठ्ठतुट्ट जाव हियए । २. सं० पा०-करयल जाव कटटु ।
६. सं० पा०-हतुटू जाव अप्पमहग्याभरणा३. उवणयं (क, ख, ग, घ, च)।
लंकियसरीरे । ४. सं० पा.---उवट्ठवेहि जाव पच्चप्पिणाहि। ७. ४ (क, छ) ।
Jain Education International
For Private & Personal Use Only
www.jainelibrary.org
| SR No. | 003569 |
| Book Title | Agam 13 Upang 02 Rajprashniya Sutra Raipaseniyam Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 470 |
| Language | Prakrit |
| Classification | Book_Devnagari, Agam, Canon, & agam_rajprashniya |
| File Size | 9 MB |