________________
बोवाइय-पयरन
ण वि अस्थि माणुसाणं तं सोक्खं ण वि य सव्वदेवाणं । जं सिद्धाणं सोक्खं, अव्वाबाहं उवगयाणं ॥१३॥ जं देवाणं सोक्खं, सव्वद्धापिडियं अणंतगुणं । ण य पावइ मुत्तिसुहं, ताहिं' वग्गवग्गूहिं ।।१४।। सिद्धस्स सुहो रासी, सव्वद्वापिंडिओ जइ हवेज्जा। सोणंतवग्गभइओ, सव्वागासे ण माएज्जा ॥१५।। जह णाम कोइ मिच्छो, नगरगुणे बहुविहे वियागंतो। न चएइ परिकहेउं, उवमाए तहिं असंतीए ॥१६॥ इय सिद्धाणं सोक्खं, अणोवम णत्थि तस्स ओवम्म । किंचि विसेसेणेत्तो, ओवम्ममिणं सुणह वोच्छं ॥१७॥ जह सव्वकामगुणियं, पुरिसो भोत्तूण भोयणं कोई। तण्हाछुहाविमुक्को, अच्छेज्ज जहा अमियतित्तो ॥१८॥ इय सव्वकालतित्ता, अउलं निव्वाणमुवगया सिद्धा। सासयमव्वावाह, चिट्ठति सुही सुहं पत्ता ॥१६॥ सिद्धत्ति य बुद्धत्ति' य, पारगयत्ति य परंपरगय त्ति । उम्मुक्क-कम्म-कवया, अजरा अमरा असंगा य ॥२०॥ णिच्छिण्णसव्वदुक्खा, जाइजरामरणबंधणविमुक्का । अव्वाबाहं सुक्खं अणुहोती सासयं सिद्धा ॥२१॥ अतुलसुहसागरगया,' अव्वाबाहं अणोवमं पत्ता । सव्वमणागयमद्धं, चिट्ठति 'सुही सुहं पत्ता" ॥२२॥
प्रन्थ-परिमाण अक्षर-परिमाण :
४८४१६ अनुष्टुप-श्लोक :
१५१३ अक्षर ३
१. अणंताहिं वि (ख)। २. बुद्धित्ति (ख); बोद्धत्ति (ग)।
३. प्रज्ञापनायां (२०६७) एषा गाथा नव दृश्यते । ४. सुह संपत्ता (ख)।
Jain Education International
For Private & Personal Use Only
www.jainelibrary.org
