Page Text
________________
६६
मोवाइ
हिति णो मुज्झिहिति णो अज्झोववज्जिहिति । से जहाणामए उप्पलेइ वा पउमेइ वा कुमुएइ वा नलिइ वा सुभगेइ वा सुगंधिएइ' वा पोंडरीएइ वा महापोंडरीएइ वा सयपत्तेइ वा सहस्सपत्तेइ वा पंके जाए जले संबुड्ढे गोवलिप्पइ पंकरएणं णोवलिप्पइ जलरएणं, एवामेव दढपणे वि दारए कामेहिं जाए भोगेहि संबुड्ढे गोवलिप्पिहिति कामरएणं गोवलिप्पिहिति भोगरएणं णोवलिप्पिहिति मित्त-णाइ-णियग-सयण-संबंधि-परिजणेणं ॥
१५१. से णं तहारूवाणं थेराणं अंतिए केवलं बोहि बुज्झिहिति, बुज्झित्ता अगाराओ अणगारियं पव्वइहिति ।।
१५२. से णं भविस्सs अणगारे भगवंते इरियासमिए' 'भासासमिए एसणासमिए आयाण- भंड-मत्त-निक्खेवणासमिए उच्चार पासवण - खेल - सिंघाण जल्ल-पारिट्ठावणियासमिए मणगुत्ते वयगुत्ते कायगुत्ते गुत्ते गुतिदिए गुत्तबंभयारी ॥
१५३. तस्स णं भगवओ एएणं विहारेणं विहरमाणस्स अणते अणुत्तरे णिव्वाघाए निरावरणे कसिणे पडिपुण्णे केवलवरणाणदंसणे समुप्पज्जिहिति ॥
१५४. तए णं से दढपइण्णे केवली बहूइं वासाई केवलिपरियागं पाउणिहिति, पाउfणत्ता मासियाए संलेहणाए अप्पाणं झूसित्ता सठि भत्ताई अणसणाए छेदित्ता जस्सट्ठाए ates नंग्गभावे मुंडभावे अव्हाणए अदंतवणए' केसलोए बंभचेरवासे अच्छत्तगं अणोवाहण गं भूमिसेज्जा फलहसेज्जा" कट्ठसेज्जा परघरपवेसो लद्धावलद्ध परेहिं हीलणाओ निंदणाओ खिसणाओ गरहणाओ 'तज्जणाओ तालणाओं" परिभवणाओ पव्वहणाओ उच्चावया गामकंटगा बावीसं परीसहोवसग्गा अहियासिज्जति तमट्ठमाराहित्ता चरिमेहि उस्सासणिस्सा सेहि सिज्झिहिति बुज्झिहिति मुच्चिहिति परिणिव्वाहिति सव्वदुक्खाणमंतं करेहिति ॥ देव कि विसिय उववाय-पदं
१५५. सेज्जे इमे गामागर' 'णयर-निगम रायहाणि खेड- कब्बड दोणमुह-मडंबपट्टणासम-संवाह-सण्णिवेसेसु पव्वइया समणा भवंति तं जहा आयरियपडिणीया उवज्झायपडिणीया तदुभयपडिणीया कुलपडिणीया गणपडिणीया आयरिय-उवज्झायाणं अयसकारगा अवण्णकारगा अकित्तिकारगा बहूहि असम्भावुब्भावणाहि मिच्छत्ताभिणिवेसेहि य अप्पाणं च परं च तदुभयं च दुग्गामाणा वुप्पाएमाणा" विहरिता बहूई वासाई सामण्णपरियागं पाउणंति, पाउणित्ता तस्स ठाणस्स अणालोइयपडिक्कता" काल मासे कालं किच्चा १. × (क, ख, वृ) ।
२. सुगंधेति ( क ) ।
३. वा सय सहस्पते इ वा (क, ख, ग ) ; 'सय सहस्पते इवा' एष पाठः चिन्तनीयोस्ति प्रायः 'सहस्सपत्ते' इत्येव पाठो दृश्यते । तसहस्रपत्र इति पदं विश्रुतं नास्ति । ४. प्रस्तुतसूत्रे आदर्शेषु 'गुत्तबंभयारी' इति पर्यन्तः पाठो लभ्यते । १६४ सूत्रे पाठः किञ्चिद् विस्तृतोस्ति । अतः द्वयोरपि संक्षिप्तपादयोः
Jain Education International
संकेत भिन्न वर्तेते, तेनैव पाठयोः पूतिभित्र स्थलाभ्यां कृतास्ति ।
५. सं० पा०--- इरियासमिए जाव गुत्तबंभयारी ।
६. अदंतधावण ( क ) 1
७. फलहकसेज्जा (क, ख ) ।
८. तालणाओ तज्जणाओ (क, ख, ग )
६. सं० पा०- गामागर जाव सष्णिवेसेसु १०. उप्पाएमाणा ( क, ख ) । ११. अपेंडिक्कता ( ख, ग ) ।
For Private & Personal Use Only
www.jainelibrary.org
| SR No. | 003568 |
| Book Title | Agam 12 Upang 01 Aupapatik Sutra Ovaiyam Terapanth |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 412 |
| Language | Prakrit |
| Classification | Book_Devnagari, Agam, Canon, & agam_aupapatik |
| File Size | 8 MB |