________________
चउत्थं अयणं सगडे
उक्लेव पदं
१. जइ णं भंते' ! समणेण भगवया महावीरेण जाव संपत्तेणं दुहविवागाणं तच्चस्स अज्झयणस्स श्रयमट्ठे पण्णत्ते, चउत्थस्स णं भंते ! अज्झयणस्स समणेणं भगवया महावीरेण के श्रद्वे पण्णत्ते ?
२. तए णं से सुहम्मे अणगारे जंबू- अणगारं एवं वयासी - एवं खलु जंबू ! तेणं काले तेणं समएण साहंजणी नाम नयरी होत्था - रिद्धत्थिमियसमिद्धा ॥
३. तीसे णं साहंजणीए नयरीए बहिया उत्तरपुरत्थि मे दिसीभाए देवरमणे नामं उज्जाणे होत्था ||
४. तत्थ णं अमोहस्स जक्खस्स जक्खाययणे होत्था - पोराणे ॥
५. तत्थ णं साहंजणीए नयरीए महचंदे नाम राया होत्था - महयाहिमवंत-महंतमलय-मंदर-महिंदसारे ॥
६. तस्स णं महचंदस्स रण्णो सुसेणे नाम अमच्चे होत्था - साम-भय-दंड- उवप्पयाणनीति-सुप्पउत्त-नविष्णू' ||
७. तत्थ णं साहंजणीए नयरीए सुदरिसणा नामं गणिया होत्था - वण्णो ॥
८. तत्थ णं साहंजणीए नयरीए सुभद्दे नामं सत्थवाहे होत्था --- प्रड्ढे ।
६. तस्स णं सुभद्दस्स सत्यवाहस्स भद्दा नाम भारिया होत्था - ग्रहीण-पडिपुण्णपंचिदियसरीरा ॥
१०. तस्स णं सुभद्दस्स सत्थवाहस्स पुत्ते भद्दाए भारियाए अत्तए सगडे नाम दारए होत्था - ग्रहीण-पडिपुण्ण-पंचिदियसरीरे ॥
१. सं० पा० - चउत्थस्स उक्खेवग्रो । २. ना० १११।७
Jain Education International
३. पू० ना० १।१।१६ । ४. वि० ११२७ ।
७५७
For Private & Personal Use Only
www.jainelibrary.org
