________________
७८३
अट्ठमं अज्झयगं (सोरियदत्ते) सोरियदत्तस्स पुत्वभवपुच्छा-पदं ८. तेणं कालेणं तेणं समएणं समणस्स भगवनो महावीरस्स जेटे सीसे जाव' सोरिय
पुरे नयरे उच्च-नीय-मज्झिमाई कुलाइं अडमाणे ? ] अहापज्जत्तं समुदाणं गहाय सोरियपुरानो नयराम्रो पडिनिक्खमइ, पडिनिक्खमित्ता तस्स मच्छंधपाडगस्स अदूरसामतेणं वीईवयमाणे महइमहालियाए मणुस्सपरिसाए मझगयं पासइ एग पुरिसं-सुक्क भुक्खं निम्मंसं अट्टिचम्मावणद्धं किडिकिडियाभूयं नीलसाडगनियत्थं मच्छकंटएणं गलए अणुलग्गेणं कट्ठाई कलुणाई वीस राई उक्कूवमाणं अभिक्खणं-अभिक्खणं पूयकवले य रुहिरकवले य किमियकवले य वममाणं पासइ, पासित्ता इमेयारूवे अज्झथिए चितिए कप्पिए पत्थिए मणोगए संकप्पे समुप्पज्जित्था—अहो णं इमे पुरिसे पुरा पोराणाणं दुच्चिण्णाणं दुप्पडिक्कंताणं असुभाणं पावाणं कडाणं कम्माणं पावगं फलवित्तिविसेसं पच्चणुभवमाणे विहरइ-एवं संपेहेइ, संपेहेत्ता जेणेव समणे भगवं महावीरे
तेणेव उवागच्छइ । पुव्वभवपुच्छा जाव' वागरणं ।। सोरियदत्तस्स सिरीयभव-वण्णग-पदं ६. एवं खलु गोयमा ! तेणं कालेणं तेणं समएणं इहेव जंबुद्दीवे दीवे भारहे वासे
नदिपुरे नाम नयरे होत्था । मित्त राया ॥ १०. तस्स ण मित्तस्स रणो सिरीए नाम महाणसिए होत्था—अहम्मिए जाव'
दुप्पडियाणदे ।। ११. तस्स णं सिरीयस्स महाणसियस्स बहवे मच्छिया य वागुरिया य साउणिया' य
दिण्णभइ-भत्त-वेयणा कल्लाकल्लि बहवे सण्हमच्छा य जाव पडागाइपडागे य, अए य जाव' महिसे य, तित्तिरे य जाव' मयूरे य जीवियानो ववरोवेंति, ववरोवेत्ता सिरीयस्स महाणसियस्स उवणेति, अण्णे य से बहवे तित्तिरा य जाव मयूरा य पंजरंसि संनिरुद्धा चिटुंति, अण्ण य बहवे पुरिसा दिण्णभइ-भत्तवेयणा ते बहवे तित्तिरे य जाव मयूरे य जीवंतए चेव 'निप्पखेति, निप्पक्खेत्ता' सिरीयस्स महाणसियस्स उवणेति ॥
१. वि० ११२११२-१४ । २. कूवमाणं (घ)। ३. किमिकवले (ख)। ४. सं० पा०-पोराणाणं जाब विहरइ । ५. वि० ११२।१५,१६ । ६. वि० १११५४७ । ७. सोउरिया (ख)।
८. कल्लंकल्लं (क, ग)। ६. पण्ण० पद १। १०. वि. ११७।१६ । ११. वि० ११७।१६। १२. जीवियए (ख)। १३. निप्पेखंति २ (क); निप्पंखेइ २ (घ)।
Jain Education International
For Private & Personal Use Only
www.jainelibrary.org
